nga."
"Nah, melah suba keto. Melahan rorodang, apang da enggalan uning Ida Sang Prabu!"
Kacrita buin maninne, karorodang lantas Raden Galuh Made olih Gusti Made Subandar ka Daha. Tan kacrita ida di marga, rauh kone lantas di Daha. Sarauh idane di puri, aji kalih biangidane kenak pesan. Sasubanne Ida Raden Mantri Made ngaturang indik pamarganidane uli maran idane makaori uli di puri nganti buka jani, lantas Ida Raden Mantri makarya surat lakar katur ka Koripan. Suba pragat surate, lantas kandikaang pepatihidane ngaturang.
Kacrita di Koripan, di subanne makatelun Ida Raden Galuh kalih Gusti Made Subandar makaon, mara kone ibukanga teken Gusti Wayan Sekar, tur lantas uninganga teken Ida Sang Prabu, buat Gusti Made Subandar muah Raden Galuh ilang. Dadi duka lantas Ida Sang Prabu, lantas Ida nedunang panjak ngetut pamarginne Gusti Made Subandar. Mara ukana majalan pangetute, lantas rauh I Patih Daha ngaturang surat teken Ida Sang Prabu. Kabawesin lantas surate ento, daging surate. Ida Raden Mantri Made nerangang raga, tur ida nunas sinampura buat idane ngrorodan Raden Galuh Made. Muah kaaturang Gusti Wayan Sekar ento rakanidane. Suud ida mawesin surate, dadi kenak lantas ida prajani, tur lakar pangetute lantas kapangandikaang nulakang. Ngandika Ida Sang Prabu teken Raden Galuh Daha,
"Cening Nanak Galuh yan i pidan Cening ngangken Raja Puring Daha, dong sing uyut buka jani!" Matur Ida Raden Galuh,
"Titiang matur sisip Ratu Aji, titiang tan purun. Malah nyen titiang ngaku okan Sang Ratu, lamun nyen Ratu Aji ngega. Jalane nenten, akuda jengah titiange."
Tan kacrita di Koripan, jani kacrita di Daha lakar pabuncingan Ida Raden Mantri Made teken Raden Galuh Made. Ida Raden Mantri Koripan kalih rabin Ida Raden Galuh Daha, kairing ban patih, mantri muah panjak, lunga ka Daha.
Kacrita suba maka1ah pitung dina karyane, mara ida mantuk.
89
