lantas ida mantuk nguningang buat kajegegan Ni Wayan Sekare. Dening keto, kasengan lantas I Patih ka puri. Sasubanne I Patih rauh, ngandika lantas Ida Anake Agung, ngedih okan danene, bakal dadi rabin I Raden Mantri. I Patih sing ja bani tulak teken pakayunan, jag katurang kone Ni Wayan Sekar.
Kacrita Gusti Made Subandar, Raden Galuh Made, arin Ida Raden Mantri Koripan kasenengin. Sai-sai kone ida ka pagaluhan papak takenang ida, apang ada anggen tangkis dogen. Kacritajani pabuncingan Ida Raden Mantri Koripan teken Ni Wayan Sekar.Ngadaang lantas Ida Sang Prabu rame-rame peteng lemah makatelun. Kacrita petenge, sedek marame-rame di purian, Ida Raden Galuh Made lantas pasangina sesirep teken Gusti Madee Subandar. Dadi arip kone lantas Ida Raden Galuh mawanan mantuk lantas ida ka pagaluhan, kairing ban I Bayan Sangit. Tuta lantas pamargin Raden Galuhe teken Gusti Made Subandar. Sarauh idane di pagaluhan, Ida Raden Galuh suba ngancing lawangang. Lantar matur kone Gusti Made Subandar uli di jabaan ,
"Ratu Raden Galuh, ampakin tiang lawangan!" Masaur Raden Galuh,
"Ngengken I Made Subandar mai tengah lemeng?"
"Titiang nunas ajengan ."
"Dadi mai nunas ajengan. Di purian kuangan ajengan?" Keto pasaur Idane Raden Galuh, masih sereng Gusti Made Subandar nunas bungkahin lawangan, nanging tusing bungkahin ida lawangwan, lantas tinjaka lawangane teken Gusti Made Subandar. Nyidaang lantas ida ngranjing ka pamereman. Ditu lantas ida lanang istri magujeg-gujegan, pamuput bakat kone ambila Ida Raden Galuh teken Gusti Made Subandar. I Bayan Sangit kamemegan, budi matur teken Anake Agung tuara bani.
Gelising satua, kacrita makelo-kelo, mobot kone Gusti Wayan Sekar. Ida Raden Galuh mobot kone masih. Mawanan meweh lantas jani Gusti Made Subandar. Lantas ida matur teken rakane, Gusti Wayan Sekar, nguningang indike ento. Dadi meweh kone masih ida mawesin unduke ento. Matur lantas Gusti Made Subandar,
"Inggih Embok, Ida Raden Galuh lakar rorodang tiang budal sane benjang. Samaliha Ida Raden Galuh suba kayun. Yan durung makatelun pakaon tiange uli deriki, sampunang men ibuka-
88
