suba kone rauh di puri Gegelang, matemu teken tetagonidane Raden Galuh Gegelang. Ditu ida makatelun. Mapamite uli Gegelang nglantas ida ka Singasari.
Kacrita mara apeteng ida ditu, makayun-kayun kone Gusti Made Subandar kene pekayunanne,
"Ne i dewek kone ngalih nyama nguda ya i dewek teka nututin anak masukan-sukan. Ah bakal kalahin I Beli Mantri." Keto pakayunanidane tur lantas ida makaon, tuara matur piuning tekan Ida Raden Mantri. Pamarginidane nuluh tukad dogen, rauh lantas di panepin Koripan. Dadi panggihina kone Gusti Made Subandar tekan I Patih .
"Be, ne Gusti Made, dados Gusti iriki?"
"O Bapa Patih, apa kadong tiang kalunta-lunta ngalih yeh tuara maan ." Lantas kasimpangang kone Gusti Made Subandar, kayun kone Gusti Made Subandar simpang.
Kacrita di subanne Gusti Made Subandar rauh di jeroan I Patihe, lantas kapanggihin Ni Wayan Sekar sedekan nunun. Kene pakayunanne Gusti Made Subandar,
"be, anake luh ne mesib gati ja buka i biang. Meh ne jenenge nyaman gelahe." Ni Wayan Sekar masih keto, tlektekanga pesan Gusti Made Subandar, kene kone kayunne,
"Yeh, nguda mesib pesan adin gelahe teken anake ne. Meh adin gelahe jenenga tenenan". Saling pandereng dogen kone Gusti Made Subandar ajaka Ni Wayan Sekar. Mataken lantas Gusti Made Subandar teken i patih,
"Bapa Patih, Bapa Patih, nyen ento ane nunun Bapa Patih?"
"Punika pianak titiang". Nah suba Kone katuran ajengan lantas Gusti Made Subandar. Di subanne suud ngajengan makaon kone lantas ida, buin rereha Raden Mantri Koripan ka Singasari. Kacrita Raden Mantri Koripan, dugase kaonina tekan Gusti Made Subandar, ewa kone Ida ngibukang Gusti Made Subandar, akudang-kudang parekan kandikaang ngalih ida masih tuara ada nepukin. Nah jani suba sanja, mara kone Gusti Made Subandar deleng-deleng rauh. Mataken lantas Ida Raden Mantri Koripan,
"Ye Adi, dadi mara Adi teka, uli dija Adi?" Masaur Gusti Made Subandar,
"Be, napi kadung titiang kalunta-lunta nuluh tukad ngrereh to ya."
85
