Bapa Subandar parek teken Ida Raden Mantri,
"Bapa Subandar".
"lnggih titiang Ratu Raden Mantri".
"To i busan ada anak muani dini bareng madagang, nyen totonan?"
"Matur sisip Ratu Raden Mantri, punika pianak titiang, mawasta I Made Subandar."
"Beh nira demen pesan ja ngiwasin I Made Subandar, nira ja baang ngidih nah. Bakal anggon nira nyaman." Matur sisip Ratu, titiang misaraang ipun kewanten. Yening ipun ngiring pakayunan Cokor I Dewa, titiang ngaturang." Keto aturne Bapa Subandar, lantas kaukina pianakne I Made Subandar tundena pesu. Lantas pesu kone I Made Subandar. Di subanne Ida Raden Mantri kasapa, ngandika lantas Ida Raden Mantri,
"Ih cai Made Subandar."
"Inggih titiang Ratu Raden Mantri."
"Cai nyak ajak Beli ka puri. Ditu nongos, bakal anggon Beli nyama."
"Inggih titiang ngiring." Dadai ajak ida lantas i Made Subandar ka puri. Rauhe di puri matur Ida Raden Mantri teken aji kalih biange. Nguningaang indik idane ngidih pianak Bapa Subandare bakal anggen ida sameton. Ngandika lantas Ida Sang Prabu,
"Beh, ne nguda Cening ngidih pianak I Subandar, buin sada nagih nganggon nyama. Tusing patut Cening nganggen pianak I Subandare nyama." Keto pangandikanidane, nanging kedeh kone pinunas Ida Raden Mantrine, apang pasaemetonanga teken I Made Subandar. Dening keto, sueca lantas Ida Sang Prabu. Ditu lantas I Made Subandar kaicen wangsa, kaparabin Gusti Made Subandar.
Kacrita jani Ida raden Mantri makayun marabian, lantas kalamarang olih ajinida anak istri ka Gegelang muah ka Singasari. Kacrita panglamar idane suba katrima. Jani Ida Raden Mantri makayun kone ida matemu teken tetagonidane, Galuh Gegelang muah Galuh Singasari. Ngandika ida tekan Gusti Made Subandar,
"Adi, Made Subandar, mani jalan luas ka Gegelang muah ka Singasari, nelokin tetagon Beline ! "
"Inggih titiang ngiring."
Kacrita buin maninne, lunga lantas Ida Raden Mantri Koripan kairing ban Gusti Made Subandar. Tan kacrita di margi, kacrita
84
