Kacrita jani Mantri Made, arin Raden Galuh Dahane suba duur, matur teken aji muah biange
"lnggih Guru Aji, Biang Suri, akuda nika Guru Aji madue oka?" Ngandika ajinida,
"Guru ngelah pianak tuah abesik, Cening dogen." Matur buin Mantri Made ,
"Yening asiki Aji madue oka , punapi awinan tiang dados paling Made? Sinah sampun antuk tiang, tiang madue nyama. Kija nika nyaman tiange punika, dados tiang klentar-klentir padidian.
"Ah, Cening anak sing ngelah nyama. Guru ngelah pianak tuah abesik . Sangkan Cening madan I Made, anak sangkaning guru masesangi, yan ngelah pianak muani, bakal adanin I Made." Keto pangandikan ajinida, dadi tan pasaur Ida Raden Mantri Made, nanging di pakayunan masih tuara ngega .
Sedek dina anu lantas nylib Ida Raden Mantri Made nakonan, ngalih rakane. Kacrita suba joh pamarginidane, manggihin lantasida tukad nyat. Ditu di tengah tukade lantas ida mararian duur batune lempeh meremereman. Saget ada kone tonya di luanan, madan I Cendol, ngutahang getih ngebekin tlabah, ento nomplok Ida Raden Mantri lantas ida anyud, kampih kone ida di pasisi. Lan tas ida duduka teken bapa Subandar, panyamaanga teken pianakne luh, madan Ni Wayan Subandar. Ida Raden Mantri adanina I Made Subandar. Ni Wayan Subandar sai-sai kone madagang ditu di pabean. Sasukat I Made Subandar ditu, lais-lais gati kone Ni Wayan Subandar madagang, kanti lepah Ni Wayan Subandar ngadepin anake mablanja. Dening keto, lantas I Made Subandar ngadepin anake mablanja. Dening keto, lantas I Made Subandar kone bareng ngayahin Ni Wayan Subandar madagang.
Kacrita Ida Raden Mantri Koripan lunga ka Pabean kairing ban I Punta Jrudeh, lakar matetumbasan. Mara ida rauh di aapan padagangan Ni Wayan Subandar, dadi bengong kone ida nyingakin dagange luh muani jegeg bagus, tur lais. Mara ida Raden Mantri rauh, makelieng kone I Made Subandar mulihan. Kene kone pakayunan Ida Raden Mantri,
"To nyen ya anake muani totonan, dadi tumben tepuk dini Makarat pesan ja gobanne. Demen pesan ja ngiwasin. Tusing Bapa Subandar apa ngelah pianake". Keto pakayunanidane, lantas ida ngandikaang I Punta, Jrudeh ngalih Bapa Subandar. Di subanne
83
