dialase. Buat anake luh ento, yen cai tuara nawang, ento suba I Galuh daha, lacur ampehang pepeteng ulung di alase, jani ia dini ngomong ajak cai. Krana cai nemu sangkala i pidan, tendas caine entikin punyan nyuh muah bungut caine entikin padi, ento upah caine nyuang I Galuh Daha tonden menek kelih. Nah jani Mantring Koripan kema suba mulih, reh suba tutug sengker caine mamanjak dini!”? Mara keto pangandikan Ida Raden Galuh, lantas Ida Raden Mantri nangis, tur klemesin Raden Galuh mangda kayun kanggen rabi. Ida Raden Galuh tan kayun, tur katundung Ida Raden Mantri- mangda mantuk ka puri. Ditu lantas Ida Raden Mantri mantuk tur sarauhe ring puri kauningang ring Ida Sang Prabu saindik-indik sami. Puput atur Ida Raden Mantri ring Sang Prabu, yan ida tan mrabi ring Raden Galuh, ida pacang ngumbara ngutang-utang raga. Mani semengan lantas Ida Sang Prabu sareng prameswari lunga kumah Men Bekunge. Sarauhe ditu, lantas kagelut katangisin Ida Raden Galuh, tur klemesin mangda kayun ugi ida mrabi ring Raden Mantri. Antuk kangen miwah kabaktiane Raden Galuh ring Sang Prabu miwah prameswari, tur suba ical bendunidane ring Raden Mantri, lantas ida matur,
“Inggih Ratu Sang Prabu kalih prameswari, titiang ngiring pakayunan Cokor I Dewa, nanging pinunas titiange, mangda Cokor I Dewa ngandika ring titiang madrue bapa Ida Sang Prabu Daha, mangda idataler rauh mriki ngaksi sapari solah titiange!’’ Ngandika Ida Sang Prabu miwah prameswari, .
“Nah Cening Nanak Galuh, buat ento, mani Bapa lakar maputusan mulih ka Daha ngaturang uninga teken I Aji. Ditu lantas prajani Ida Raden Galuh ajaka ka puri antuk Sang Prabu miwah prameswari. Buin maninne Ida Sang Prabu maputusan makta surat ka Daha. Daging surate, ngrawesang saparindike sami.
Kacrita gelising satua, Ida Sang Prabu Daha sareng prameswari junga ka Koripan kairing antuk kaula katah. Sarauhe ditu nuju dewasa melah, lantas Ida Raden Mantri ring Raden Galuh kapabuncingang.
266
