rasan panyungkanidane, raris ida merem. Mani semengane mara ida maungu, lantas mentik pujer ri prabunidane muah padi di lambenidane. Dening keto lantas kauningang ring Ida Sang Prabu, muah Prameswari indik putrane keto, lantas Ida Sang Prabu ngan- dikaang nauhin balian. Telah kone suba baliane sawewengkonin | Koripan ngaturang tamba, makejang kone sing ada mintulin. Pu- jeére len-len awai kone negehang dogen, muah padine sayan nyama- hang, kanti sing sinah raganidane. Raden Manitri kaput padi muah akah nyuh. Ditu lantas Ida Sang Prabu lintang kosekan ring paka- yunan, lantas ida masesangi kene,
“Nah nyen ja nyidaang ngubadin I Nanak bagus, yen suba seger buka ane suba, lakar baang manjakang atiban.”’
Kacrita jani Men Bekung nikaanga tangkil ka puri, teken Raden Galuh, apang nguningang dewekne ngelah tumin tua madan Ni Dukun Sakti. Sanggup nambanin Ida Raden Mantri. Di subanne kuningang keto, lantas Ida Sang Prabu ngandika ngalih anake tua ento, sig umah Men Bekunge. Ditu lantas Ida Raden galun masiluman dadi anak tua ruyud, tur matungked mamargi ka puri. Teked di puri lantas tambanina Raden Mantri, lantas prajani ilang punyan nyuhe teken punyan padine. Di subanne kenak Ida Raden Mantri, lantas Ida Sang Prabu nyerahang putrane teken anake tua ento, apang mamanjak ditu atiban, lantas ajaka kumah Men Bekunge. Ditu lantas Ida Raden Mantri mamanjak da- di jur sampat, dadi juru panting kamben muah tapih. Kasuen-suen suba paek sengker idane ditu, lantas Ida Raden Galuh buin masilu- man dadi anak bajang. Mara cingaka antuk Ida Raden Mantri eling ida teken anake luh mati di alase, ane rurubin ida aji tugelan was- tranidane, nanging ida tan purun nyujatiang. Nuju Ida Raden Galuh ngraja, Ida Raden Mantri nikaanga mamanting wastra mu- ah sinjang, ditu lantas kelingan antuk tugelan wastranidane, reh jelap ento sinjangang ida duk ento teken Raden Galuh. Usan ida mamanting, lantas ida mataken teken Ida Raden Galuh, tur kabak- ta tugelan wastranidane.
‘“Jero Dukun, Jero Dukun dija keniang Jerone tugelan kam- bene puniki?” Masaut Ida Raden Galuh,
‘‘Nah Mantring Koripan, jani apang cai nawang, awake ngora- hin cai, buat tugelan kambene ene. Tugelan kambe I Mantring Koripane ane anggona ngrurubin hangken anake luh ane matianga
265
