samping idane. Ada jenenga maduang panginangan ida mlinggih di batan punyan baingine lantas ngandika I Galuh teken I Sampi Wadak,
“Sampi, Sampi alihang nira yeh abedik, nira bedak pesan, kema ke alihang don malu abedik!”’ Ditu lantas I Sampi Wadak bangun ngalih don, tusing makelo saget teka ia ngaba don asuun. Done lantas kaambil teken I Raden Galuh, tumuli kacerek-cerek apanga bedah.
Kacritaang jani luas kone I sampi Wadak ngalih yeh di pangkunge ane dalem. Sasubanne neked di tukade mara sendokanga yeh puyung buin sendokanga masih puyung, dening ia utuara nawang tekening done bedah. Dadi gregetanan I Sampi Wadak lantas ia makeneh nyedaang I Galuh. Lantas sangiha tandukne sig batune ane lengser makerat-kerot apanga kaniti nyanyap pesan lakar anggona ngengkot I Raden Galuh. Ada kone bojog bengil mepukin tingkah I Sampine keto, ngenggalang kone ia mlaib sig linggih I Galuhe, lantas matur,
“Ratu Raden Galuh, margi ke menek ka punyan bingine, titiang menekang Cokor I Dewa, I Dewa anak jagi sedaanga ring I Sampi Wadak, mangkin ipun anak mantuk nyangih tanduk malih ajebos pisan ipun rauh, ngiring ke gelisang’’. Ngandika kone I Raden Galuh,
“Nah olas bojog teken nira ajak suba nira menekan.” Ditu lantas I Bojog magegeson menekang I Raden Galuh suba neked ba duur, lantas ida tegula baan bangsing bingin apanga tusing ulung. Buin akejepne teka kone I Sampi Wadak engap-engap matanne barak ngendih, paling nyabsab IGaluh. Mara ia nulengek lantas nota IGaluh ba duur bareng ajak I Bojog. Beh nyumingkin kone krodanne lantas ia mabinderan di bongkol bingine, ipuha, lebuha baan tandukne. Mara I Bojog ngenot I Sampine keto, lantas ia magending,
“Erang-erang, erang I Sampi Wadak mangipuh tanduk, ye, ye, ye, sendeh kangin”. Ngerak kone I Sampi masaut,
“Boba i curik bobab, kagelan aku I Raden Galuh’’, Plug, lantas kapluga bingine uli kauh. Buin lantas I Bojog magending kanti maideran I Sampi ngaplug bingine, panyumu uli kauh, lantas uli kaja kangin, jani uli kelod, onyanga kakerengane, sahasa ngaplug kanti encep tandukne sig bongkol bingine, ditu lantas ngedabag
236
