ngedubug, makelo-kelo lantas ia ngasen awanina mati. Ditu lantas I Bojog tuun buin ngawasang.
Gelising crita suba kone I Sampi wadak mati lantas I Raden Galuh kairing baan I Bojog jenek mlinggih di gook bingine. Sai sai kone I Bojog luas ngalihang I Raden Galuh woh-wohan, lakar rayunang ida.
Critanan ada kone raksasa luh adiri sugih pisan ngelah pabianan bek misi woh-wohan sedeng nedenga mabuah. Nyabran dina I Bojog ditu ngalih woh-wohan bakal rayunan I Galuh.
Sedek dina anu sedang epota kone I Bojog ngalap buah langsat teka kone IRaksasa ngrayah-groyoh, mara ajinanga I Bojog ba duur, lantas oa ,asial.
“Bah I Bojog ko mamaling woh-wohan gelahe, beneh kesaisai asing ada tasak muah wayah telah, jani taanang ibane’’. Masaut lantas I Bojog,
“Cucu, da ja Cucu pedih tekening icang, icang anak ngalihang I Raden Galuh, nyen nyanan petenge ajaka nyen ida mai, cucu jangajak ida dini, sakewala da nyen madamar, ida anak tusing bani teken damar’’. Masaut kone I Raksasa,
“Lamun keto ingetang nyen ajak | Galuh mai nyanan petenge, lamun I Bojog linyok lakar pakpak tulangne’’.
Gelising satua suba kone bek sok I Bojoge misi woh-wohan lantas ia ngenggalang tuun. Ditu lantas ia ngalih slepan, tambulilingan, tepung teken cetik. Ditu Jantas I Galuh kaaturin ngae kemplong, tepunge anggona tendas, tambulilingane muah cetike kapejang di tengah tendasne, slepane maangon awal muah lima batis. Matur kone I Bojog teken I Raden Galuh.
‘‘Awinan ngaturin Cokor I Dewa makarya kemplong, sawireh ngantenang ipun I Raksasa nyanan wengine pacang ngiringang Cokor I Dewa mrika. Yan Cokor I Dewa ngiring titiang janten sampun Cokor I Dewa tedan ipun”. Suba kone kemplonge pragat, nyanan suba inganan liwatan teken sandikala lantas I Bojog epeh ngenyang kemplonge ento ka umah I Raksasane. Uli joh suba ia kauk-kauk.
“Dadong, Dadong, Dong bungkahin icang kori, icang ngiring Raden Galuh mai, dampeh damare malu, anak ida tusing bani teken damar, nyen nangis ida”. Ditu lantas I Raksasa nampeh damarne, epeh nyagjagin I Bojog, tur nimbalin I Galuh. Lantas kajangku-
237
