“Inggih Raden Mantri, titiang polih pican Betara’’. Mara keto ica kone Ida Raden Mantri tur nyujutang mataken. Matur I Bojog,
“Sapunapi sih dados I Ratu nyujutang nakenang. Manawi enten kayun ring pianak titiange?”’
“O Iba Bojog, yen tuah Iba lega, kai demen. Teka patuh pesan ja ajak pianak Ibane teken misan kaine di Daha’’. Mara keto kenying lantas Ida Raden Galuh. Matur I Bojog,
“Inggih Ratu, yan sampun nyak panak titiange, rarisang ambil. Suba keto tarina kone Ida Raden Galuh, laut tusing kayun. Beh lemes-lemesina kone ben Ida Raden Mantri. Makelo-kelo kayun lantas ida tur lantas ajaka mantuk ka Koripan, tur sapaokan Ida Raden Mantri, umahe ento lantas lang muah I Bojog Sakti mulih ka suargan.
Kacrita gelising satua pamargan Ida Raden Mantrine rauh lantas di Koripan, lantas sesed-seseda Raden Galuh Daha nakenin, lantas ida ngangken Raden Galuh Daha. Mawanan kenak pesan kone Ida Raden Mantri Koripan, Ida Raden Galuh Daha lantas kanggen rabi.
