indaang ja kaukin!”
“Inggih”.
Kaukina lantas I Punta, nget mendep dogenan ben ngogne ngajinang umahe. Dening ping kuda-kuda kaukina masih mendep, lantas menek I Jrudeh. Suba neked ba duur, nget milu bengong, yadian ping kuda nikaina teken I Raden Mantri masih tusing masaut. Beh bendu pesan kone kayun Ida Raden Mantri, munggah lantas ida. Rauh ba duur, cingakin ida lantas purine ento.
“Beh kene ne ajinanga baan I Punta, beneh jeg bengong”. Suba keto lantas ida tedun kairing ban I Punta, Jrudeh. Suba nganteg beten, matur I Punta,
"Ratu Raden Mantri, angob pisan titiang ngantenang umahe punika. Yan tan Cokor Ratu munggah, meh titiang kari ba duur. Margi ja Ratu Raden Mantri lunga mrika mangda uningin sane nuenang". Kayun lantas Raden Mantri tur mamarga.
Gelising satua rauh lantas di umahe ento, kacingak lantas I Bojog Sakti. Ngandika Ida Raden Mantri,
“Ih Punta, nguda ya bojog nongosin umahe."
“Inggih, becikan takenin Ratu Raden Mantri”. Suba keto"paakina lantas I Bojog, tur takenin ida. Matur I Bojog Sakti,
“Inggih Ratu Raden Mantri, puniki umah titiang’’. Ngandika buin Raden Mantri,
“Ih Iba Bojog, yan nira nyilih dunungan dini kabaang?”’
“Inggih Ratu Raden Mantri, titiang ngaturin’’. Suba jani peteng, lantas di ampike ida merem, I Bojog Sakti makisi-kisi kone ajaka Raden Galuh,
“Inggih Ratu Raden Galuh, puniki I Mantri Koripan. Yening I Dewa pacang kaajak ka Koripan, kayun?’
“O, Bibi, buat ento sakewala suba Bibi nunden, kija ko nira nyak’’.
Kacrita buin mani semengane, matur lantas I Bojog Sakti teken Raden Galuh, sakewala ngae saru. I Bojog matur teken Raden Galuh,
“Cening, Cening, mai ja pesu aturin Ida Raden Mantri pacanangan!” Ambilanga lantas ban Ida Raden Galuh pacanangan. Beh, mara cingakina Raden Galuh, angob kone Ida Raden Mantri teken I Bojog.
Ih Iba Bojog, dija Iba maan pianak?”’
183
