keto iringa lantas Raden Galuh kalase. Di subanne neked di alase, ngaji lantas I Bojog Sakti.
“Manik astagina apang ada puri melah pesan muah panjak liu”. Ada kone sajaan. Beh angob kone Ida Raden Galuh teken karirihan I Bojog.
Kacrita jani Galuh Limbur, ngidih tulungan lakar ngae banten pangabenan muah wadah. Tedun lantas panjake luh muani ngaturang pangayah. Di subanne pragat wadahe muah bantene, ngadaang lantas rame-rame makatelun peteng lemah, gong mual igel-igelan tusing pegat-pegat.
Kacrita I Bojog Sakti ningeh unduke ento, matur lantas teken Raden Galuh,
“Inggih Ratu Raden Galuh, titiang pacang luas ka negara, pacang uugin titiang wadah muah bantene, mangda wande I Galuh Limbur Ngaben’’.
"Beh Bibi Bojog Sakti, da ja nyen tawanga nyen’’.
“Masa belog titiang’’. Suba keto majalan lantas I Bojog Sakti. Di subanne neked di purin I Galuh Limbure, bengong kone I Bojog Sakti mabalih rame-ramene. Suba keto, makena guna sesirep lantas I Bojog Sakti, puleslantas anake makejang. Seka gonge ada enu ngisi panggul jag pules. Liu yen critaang unduke. Jani I Bojog Sakti lantas nguug wadahe muah banten-bantene, entunganga muah leluure besbesa, sasubane telah uug lantas ia mulih.
Kacrita buin mani semengane, suba tengai pesan mara bangun I Galuh Limbur, mara awasanga bantenne telah usak. Beh ditu lantas sedih pesan I Galuh Limbur, tur pamuputne buung ngaben, lantas pendema layonne I Mangkubumi.
Kacrita jani Raden Mantri Koripan lunga mapikat kalase kairing ban I Punta Jrudeh. Pamarginidane mailehan pesan di alasen, masih tusing miarsa suaran kedis. Dening keto ngandika lantas Ida Raden Maniri,
“Ih Paman Punta, Jrudeh, indaang ja dini pejekang pikate di punyan kayu cempakane!”
“Inggih Ratu Raden Mantri’’. Suba keto menek lantas I Punta. Suba nganteg ba duur mara miwasan kaja kangin, nget bengong kone ia, tur nongos ba duur. Suba keto ngandika Raden Mantri teken I Jrudeh,
“Ih Paman Jrudeh, kenken ya dadi bengong I Punta ba duur,
182
