Patih,
"Yan titiang ja pinih becika Cokor Ratu lunga kalase maboros. Mawinan, yan Cokor Ratu Ratu jenek di puri, lamun nyen anak istri jcgeg ngrauhin Cokor I Dewa , jalane anak peceng perot suba rauh, punika raris anggen Cokor I Dewa rabi, ten ya kedekina Cokor I Dewa antuk jagate." Pragat ngilis lantas pakayunanidane, lakar maburu .
Kacrita huin maninne , mamargi lantas ida kalase, kairing ben Gusti Patih muah panjak juru borose . Tan kacrita di margi kacrita ida suba rauh di tengah alase. Mailehan ida di alase masih tusing manggihin buron, dening ida suba lesu, lantas mararian kone ida di batan punyan baingine . Dadi ada taluh kone panggihin ida ditu abungkul, tur ambil ida, lantas ida ngandika,
"Bapa Patih, kema ja Bapa ngae api, tunuang nira taluhe ne!" Matur Gusti Patih,
"Beh Ratu, taluh napi punika, kandikaang titiang nunu." Nah kema te ngae api, taluh apa nyak singan! " Keto pangandikan Raden Mantrine, lantas ngae api kone Gusti Patih tur lantas tambusa taluhe ento. Di subanne lebeng, lantas ajenganga teken Raden Mantri. Mara Ida suud ngajengan taluh, dadi ngeden-ngedenang kone lantas raganidane tur pesu sisik, lantas ida ngakak dadi naga ambul gedene. Dening keto , keweh pesan lantas Gusti Patih.
"Be Ratu Raden Mantri , nguda Cokor Ratu dados sapuniki. Sapunapiang titiang mangkin Cokor I Dewa. Margi sampun mantuk!"
"Jalan Bapa Patih ." Keto pangandikan i nagane tur lantas mamargi.
Kacrita di subanne rauh di puri, dadi tengkejut Ida Sang Prabu, bane I Patih teka ngatehang naga. Lantas kaaturang indik putranidane dadi naga ban Gusti Patih. Denig keto sungsut lantas kayun Ida Sang Prabu tur i naga lantas kalinggihang di taman.
Kacrita Ida Raden Galuh Daha di alase, di gook I Lelipi Ayane. Sedek i lelipi ngalih amah, ada lantas wil kema kapiolasan teken Ida Raden Galuh, lantas ia matur pamungu,
"Ratu Raden Galuh, nguda Cokor I Dewa deriki malinggih? Becikan kaonin Ratu ipun i lelipi. Yan Cokor I Dewa tan gelis makaon saking iriki, sinah Cokor I Dewa pacang tadaha . Mangkinne ipun kantun elah ngrereh teda, tarake tan kenken-kenkenanga
122
