rang belulang kendange ento tur apang gegelisan Ida Raden Mantri Rauh ka Daha. Di subanne pragat surat, lantas kapaica I Kedis Titiran, lantas dangala tur makeber lantas I Kedis Titiran lakar ka Koripan. Teked jene di alase, nadak sara seduk kone i kedis, lantas ia ngalih amah. Kenken baya ulung lantas surate, ulung di arepan I Lelipi Ayane.
Kacrita lelipine ento, masih bisa ngomong jlema kone bacana surate ento. Toawanan i lelipi lantas gegangsaran ka Daha lakar made belulang kendange.
Kacrita di subanne tangkil teken Ida Sang Prabu Daha ngandika Ida Sang Prabu Daha ngandika Ida Sang Prabu,
"O, ne I Lelipi Aya, ngenken Iba mai?" Matur lants i lelipi,
"Inggih Ratu Dewa Agung, titiang miragi gatra, kocap Cokor I Dewa ngwentenang uar-uar made belulang kendang drune. Asing-asing sane ngeniang made, punika jaga kapaicain putran Cokor I Dewa, Ida Raden Galuh."
"O, saya keto, Iba lakar made belulang kendang nirane?"
"lnggih Ratu Sang Prabu."
"Nah lamun keto nira pesuanga jani, nanging tusing dadi made lebihan teken pindo". Keto pangandikanidane lantas medalang ida kendange.
"Nah dong bade!"
"Inggih belulang kambing."
"Tidong."
"Belulang tuma."
"Bah ya." Sawireh i lelipi ne makatang made belulang kendange, dadi i lelipi makatang Ida Raden Galuh, lantas ida ajaka kalase, celepanga di goanne.
Kacrita jani I Raden Mantri Koripan, ida nyumpena namplak-namplak bungan sungenge tur ulung di pangkonidane. Sawireh keto, dadi katakenang ala ayun ipenidane ento teken I Gusti Patih. Matur lantas i Gusti Patih midartaang.
"Inggih Ratu Raden Mantri, mungguing ipen Cokor Ratu becik pisan. Yan Cokor Ratu lunga maburu kalase, pacang ngeniang buron akeh, yan Cokor Ratu lunga ka segara pacang polih ulam katah. Yan Cokor Ratu jenek di puri, pacang karauhan anak istri." ngandika Ida Raden Mantri,
"Nah wireh keto, men kija lakun nira jani." Matur Gusti
121
