2. 7 NAGA LOLOK
2.7.1. Teks
Naga Lolok
Ada tutur-tuturan satua Prabune di Daha madue kone oka istri adiri, Prbune di Koripan madue oka lanang adiri.
Kacrita Ida Raden Galuh Daha ngeninag tuma di wastranidane. Dening tumane mundul tur malengis gobanne, padalem ida kone ngamatiang, lantas ubuhin ida tumbas-tumbasang ida getih. Panyumunne beliang ida getih aji aketeng, telah kone baana ngamah, buin maninne aji dadua, masih telah kone baana ngamah. Buin puanne tumbasanga getih aji telu, masih telah dogen baana ngamah, sawireh tumane len-len awai ngedenanng dogen. Ngangsan aji patpat aji lima kone ngamah getih tumane ento. Makelo-kelo nganti aji seket kone ngamah, sawireh tumane en to suba ambul lesunge gedenne. Jani sawireh tumane suha gede, dadi sumangsaya Ida Sang Prabu, lamun nyen tusing bisa ngedenang i tuma, jalane gede gati lantas ia, nyen dija alihang getih sai-sai. Mawanan kamatiang lantas tumane ento. Belulangne jemuh ida bakal anggen ida nukub kendang.
Kacrita di subanne belulang tumane suba dadi panukub kendang ada lantas uar-uar, Ida Sang Prabu.
"Nah nyen ja bakat baana made belulang kendange ene, bakal upahin I Raden Galuh." Dening keto dadi liu para ratune rauh made belulang kendange ento, nanging tusing ada ngeniang.
Kacrita ada kone kedis titiran bisa ngomong jlema, tangkil teken Ida Raden Galuh.
"Ratu Raden Galuh, I Ratu sampun uning ne kasewamaraang ring ajin Cokor Ratu, dados ten uningang ring rakan Cokor Ratu, Raden Mantri Koripan. Ten uningang anake belulang kendange belulang tuma, mangda rakan Cokor Ratu ngeniang Cokor Ratu. Yen tan uningang, jalane anak peceng perot ngeniang Cokor Ratu. Kenken ja lacur Cokor Ratune?" Keto aturne I Kedis Titiran, masaur Ida Raden Galuh ,
"O Iba Kedis Titiran tresna ngorain niradaya, nyakke Iba ngaturang surat nirane kema? Nira gaenanga jani surat!"
"Inggih titiang nyadia ngiring." Keto aturne I Kedis Titiran, makarya lantas ida surat, keto aturidane mungguhing tulis, ngatu
120
