Cokor I Dewa. Bin pidan te yen sampun ten polih pisan ipun ngrereh teda , lamun ten Cokor I Dewa nyen uluha, kudiang ja titiang."Keto atur wile ento, dadi medal lantas Ida Raden Galuh praya mantuk.
Kacrita pamarginidane mara ilid teken gooke, manggihin kone ida punyan waluh, mabuah tuah abungkul. To kone waluhe alap ida tur pongpong ida, ditu penpen ida pangangge mas-masan idane, tur lantas suun ida. Kenken baya, laut ngep kone papongpongan waluhe ento, dadi nangis kone ida ditu nyelsel raga buat kalacuranidane mawuwuh-wuwuh. Buin kejepne, ada lantas kidang teka matur teken Ida Raden Galuh,
" Dong Ratu Raden Galuh, dados iriki I Dewa paragaan?" Masaur Ida Raden Galuh, midartaang indik idane .
"Be yening kenten, meriki titiang linggihin. Titiang ngiringang Cokor I Dewa!" Keto atur i kidange, dadi linggihin ida lantas i kidang. Suba jene joh pamargine, kenyel kone i kidang, lantas Ida Raden Galuh tedunanga.
"lnggih Ratu Raden Galuh, titiang sampun kenyel rauh iriki titiang ngiringan Cokor I Dewa."
"Nah kenyel ja iba, kai ngalain iba."
"Inggih mamargi Cokor I Dewa becik-becik!" Mamargi lantas Ida Raden Galuh. Mara pesan ilid i kidang, kapanggih lantas i manjangan. Keto masih, i manjangan lantas linggihin ida. Kacrita jani rauh lantas di paepian alase, ditu kone tedunanga Raden Galuh teken i manjangan.
" Inggih Ratu raden Galuh titiang sampun lintangan ring puniki ngiring Cokor I Dewa, santuakan ajerih titiang ring jadmane seosan. Mamargi Cokor I Dewa becik-becik. Titiang jaga tulak ka tengah alase!" Keto aturne i manjangan, mamargi lantas Ida Raden Galuh.
Gelising satua, rauh lantas ida di taman Koripane, dadi panggihin ditu i naga ngakak. Ida Raden Galuh dadi tusing jejeh nyang agigis kone ida, i naga lantas tampekin ida. I Naga ja man uh kone tampekin ida. Kasapa lantas Raden Galuh ban i naga,
" Jero anak istrik, napi rereh Jerone meriki? Jerone saking napi, sira pesengan Jerone?" Masaur I Raden Galuh,
" Inggih Jero naga, titiang ten uning ring adan, meme bapa titiang ten uning. Inget-inget titiang sampun ring tengah alase pa-
123
