16. Wawang ngrencem layuan sama angusungi, wawe pasanggrahan, gumereh sakwehing mangiring, sampun purna rinuruban.
17. Sregep sama saupakaryaning pati, resi Kanobawa, sira yogia amuja kerti, aturaken panglepasan.
18. Kawarnaha pamuit ira Diah Madri, Kunti karya soka, aparwa budi kasih-asih, dening bakti lawan tresna.
19. Sang Antaka awedihan putih, atur dulur waspa, kaka Kuntaboja putri, renguana atur anten kaka.
20. Hulun lunga angedohin jeng kaka dewi, uni wuwus sira, kaka nata rakan dewi, kaka karia tunggueng suta.
21. Yeki sutan ingsun kalih katurana dewi, aja ima-ima, kaka ngreh sapadadi, hulun amuit sadia bela.
22. Sarwi angemban suta kalih inucapi, duh maskuibu bapa, rare kalih kapegatan sah, katinggalan rama rena.
23. Kari kang wang sanak tri nggon yayah bibi, idep-idep ing wang, kaya nunggu kita laki, ayua langgia wanieng sanak.
24. Suka duka ayua pasah kita laki saheluaning kaka, yadin kita anemu pati, mangde pareng aning lima.
25. Asemu saspa sang inucapan tur angeling, singgih ibuning wang, ibu sadnya amrih mati, anut lampah sirang bapa.
26. Sadianing wang ibu pati brateng laki, rahayu mangkana, tulusana iknang prih, ibu manggih suniatmaka.
27. Ndah mangkana atur sirang nrepa_ kalih, dulur saha sembah, Sri Kunti awelasning ati, kaya lumading swacita
28. Wawang mucap Diah rengwa lingkwa ri Madri, sambat-sambating wang, lan kaka sang sampun mati, hulun kakti karia jagat.
29. Esuk hian ngwang muliheng Astinapuri, kaka pralayasa, ngupa-upa sira kalih, panggihaning swargaloka.
30. Sigra lunga Sri Madri sagat amuit, kaka tinggalana, sembahing sagati Madri, sadnya mupuang kaginadan.
65
