Ginada
1. Sampun puput upakara, kang layuan praya binasim, ring yawining taman reko, tatwajangania wus puput, apui ring kunda malabar, sang Sri Madri, munggah maring tatwajangan.
2. Mider sira matur baktia, nyucuk ring hyang Basundari, malih ring hyang Nawa sanga, hyang Akasa ring hyang Bayu, muput ring Hyang Utasana, tur amusti, nyintia jiwa ngranasika.
3. Wawang tumeduning kunda, liniputana swe basmi, parengana basmi sang karo, sing tomon kacaria anulu, sampun puput mapreteka, maka kalih, inanyuting lwah Yamuna.
4. Ri telasikang antaka, sami sira yan pamulih, warnan mangke sang pitara, suka akalian laku, rasa tan amanggih lara, ikang ati, prapta ring tegal Panangsaran.
5. Madeg sanghyang Yamadipa, awas pretan Pandu Madri, wawang pareng panangsaran, sadnyania amituduh, ingiringing citra bala, tandua prapti, sira Hyang resi Kidama.
6. Lingira resi Kidama, yayi hyang Yamadipati, kaka daweg atatakon, pitrane Madri lan Pandu, mangke karyeng panangsaran, ngawa manik, kari rikang garba wasa.
7. Pan tan yogiananda kama, tanana dosania yayi, yan sampun sida pametua, sadera sira midudu, hyang Yamadipa angucap, kaka mangkin, ingong hilanganing paka.
8. Hyang resi Kindama lunga, sanghyang Yama asru alaris, prapta ring ngguan sang pitara, sang Pandu atma umatur, pranamia asawur sembah, duh hyang mami, wehana suarga kanatan.
9. Hulun ratu ring negara, mati draka sakeng rabi, tulusana sih hyang inguang, hyang Yama asru amuwus, dadi henti pikang gomuka, sang atma wawang sinambut, binuncal katibeng kawah, sang sri Madri, angasih-asih amelas arsa.
10. Duh kaka sri Pandu nata, lali satinggali reki, hulun tumut
66
