Maskumambang
1. Duh pangeran renguana atureki, tuwia drekeng cita, asih anungsung nrepati, tan nintieng wuwuse suba.
2. Hulun mangke anut saparaning mati, erana iringuang, ring salu angariparip, suka pareng makalihan.
3. Diastu rarayan sampun sareng nrepati, saheluaning lampah, diastu ping sapta dumadi, mangde dadi dampa nata.
4. Lah ungua kaka tingal ingsun kingkin, tatan sareng matia, ndia ta kaka aji alinggih inditana ingsun dewa.
5. Yadian kaka dadi dasar ri Yamuna, kinekeng jambangan, binandeng Yamadipati, mangde parengana Tuhan.
6. Tuwia mangka pangidep ingsun aniwi, tan kasaing cita, maka kembang ikang ati, panglipuran budi lara.
7. Wawang mangkana sambat ikang dewi Madri, Sri Kunti wuwusen, wus tinata dening ceti, ri lina sang nateng taman.
8. Kapetengan Sri Kunti kundahing siti, nangis ameled prana, sarwe manting awakneki, sumiok tangis ring pasraman.
9. Kang cetika matur singgih sang sri dewi, ari karieng taman, akusahing layuana nangis, tan pegat asasambatan.
10. Ya lumampah sang Sudewi sariwi anangis, sama suta lunga jempiah-jempiuh gayang-gaying, rasa tiba yan ja tindak.
11. Prapteng taman katon ari Madri nangis, akusahing layuan, luir cucur ngasih-asih, baya kari katilaman.
12. Sigra sirang Kunti angwarangin tangis, anungkeming sawa, asambata ngasih-asih, luir cantaka lawan toya.
13. Duh sang kaka maka pangantungan urip, lalu lali sira, tinggal ingsun muang suteki, rare tan wruhing ulaha.
14. Sakrah ikang haneng taman asemu tangis, angangen rahadian, hana mangu anesipi, hana sesek anebah dada.
15. Kancit prapta sawateking tapa-tapi, resi kanabawa, pada kaluluting kapti, manon sira sang antaka.
64
