bar bina suria candra, sama semania angrawit, yan ingimba kadi sari, luir selaga kalawan medur, sang tri antian suaggeng cita, nulia sutania maka tri, melor lumlum, gatrania pada kumredep.
29. Sampun mijil panca suta, panca Pandawa aran sami, jiesta suta sira namo, Yudistira kang pinuji, panggulu Bima pamasih, Arjuna sirang pamungsu, Madri sutarya Nakula, saha mararan sang ari, akweh wuwus, asin panca robning buana.
30. Pira kunang antajinia, sang Pandu asrameng giri, teka pangataging sapa, tan dadi yan line sami, anemu sukla panca dasi, kalania masa kacatur, Sri Madri pareng udyana, sadnyania adiusa suci, yekan tinut, dening ambilika suta.
31. Prapta sri Madri ring tataman, anyujuring nggwaning watih, wawang sira anglukar wastra, karo kenkenia tan kari, madia ngligas lempu gading, jrijinia anerang bakung, nakania kadi menik toya, pupune kengis angrawit, kancit rauh, sang nata ton suami nira.
32. Wetu raganing swacita, tan keneng hret ikang budi, wawang pinekul antenia, tumulih apulang asih, Sri Madri kagiat tur angeling, duh kaka gantianing lampus, nawi sira lipieng sapa, tan mari anemu wibogi, tan wun lebur, binandeng yamaning loka.
33. Sang Pandu sarwi angucap, yadin kaka nemu pati, yan sampun sareng masingsuang, tan hana suksekeng ati, kadi ling sang mahayati, yan tan ala tan nemu ayu, yan kaka sampun antaka, tuturan kakanta Kunti, draka nunggu, sutanta anglukat dlaha.
34. Mangkana ling sri narendra, wetu ikang kama dresti, sang Pandu ngaduh kalaran, tur matieng jeng wusing ari, sang Sri Madri krak anangis, duh pukulun sangahulun, lalu lalis ninggal ninguang, erana ring banjar sari, kadi santun, tan wareng pupuhing kumbang.
63
