[᭗᭒ 72B]
᭗᭒
ᬳ᭄ᬬᬂᬑᬁᬓᬵᬭᬢᬲᬶᬭᬳᬭᬦ᭄ᬕᬭᬸᬥ᭞ᬲᬶᬭᬢᬵᬫᬯᬲᬂᬧᬸᬭᬸᬱᬭᬶᬂᬰᬶᬯᬧᬤ᭟ᬑᬁᬓᬵᬭᬵᬕ᭄ᬦᬶᬧ᭄ᬭᬤᬕ᭄ᬥᬵᬢ᭄ᬫᬵᬫᬦᬲᬄᬧ᭄ᬭᬯᬶᬫᬸᬘ᭄ᬬᬢᬾ᭞ᬰᬭᬷᬭᬀᬢᬲ᭄ᬬᬯᬵᬕ᭄ᬤᬕ᭄ᬥᬀᬦᬶᬃᬩ᭄ᬗᬶᬚᬀᬚᬦ᭄ᬫᬦᬵᬰᬦᬫ᭄᭟᭖
᭕᭟ᬦᬶᬳᬦ᭄ᬤᬾᬬᬲᬂᬫᬳ᭄ᬬᬸᬮ᭄ᬧᬲ᭞ᬇᬓᬂᬰᬭᬷᬭᬬᬢᬸᬦᬸᬯᬾᬳᭂᬦ᭄ᬕ᭄ᬲᭂᬗ᭞ᬤᬾᬦᬶᬭᬲᬂᬳ᭄ᬬᬂᬑᬁᬓᬵᬭ᭞ᬲᬶᬭᬢᬫᬗᬭᬦᬧᬸᬬ᭄᭟ᬲᬃᬯ᭄ᬯᬾᬱᬵᬫᬓ᭄ᬱᬭᬵᬡᬀᬘᬑᬃᬓᬵᬭᬰ᭄ᬘᬯᬶᬰᬶᬱ᭄ᬬᬢᬾ᭞ᬑᬁ
ᬓᬵᬭᬄᬧᬭᬫᬲᬹᬓ᭄ᬱ᭄ᬫᬀᬢᬢ᭄ᬢ᭄ᬯᬀᬦᬶᬃᬯ᭄ᬯᬵᬡᬧ᭄ᬭᬵᬧᬓᬫ᭄᭟᭖᭖᭟ᬓᬤᬶᬯ᭄ᬬᬦ᭄ᬲᬂᬳ᭄ᬬᬂᬑᬁᬓᬵᬭ᭞ᬲᬶᬭᬍᬯᬶᬄᬲᬗ᭄ᬓᬾᬂᬫᬦ᭄ᬢ᭄ᬭᬓᬩᬾᬄ᭞ᬲᬶᬭᬲᬶᬦᬗ᭄ᬕᬸᬄᬧᬭᬫᬲᬹᬓ᭄ᬱ᭄ᬫ᭞ᬫᬗ᭄ᬓᬦᬇᬓᬂᬓᬫᭀᬓ᭄ᬱᬦ᭄ᬓᬧᬗ᭄ᬕᬸᬄ
ᬤᬾᬦᬶᬭ᭞ᬲᬂᬳ᭄ᬬᬂᬑᬁᬓᬵᬭᬧᬶᬦᬓᬫᬵᬃᬕ᭄ᬕᬤᬾᬲᬂᬬᭀᬕᬷᬰ᭄ᬯᬭ᭟ᬦᬶᬭᬓ᭄ᬱᬭᬀᬪᬯᬾᬦ᭄ᬦᬶᬢ᭄ᬬᬀᬦᬶᬲ᭄ᬲᬢ᭄ᬢ᭄ᬯᬀᬘᬾᬯᬦᬶᬲ᭄ᬓᬮᬫ᭄᭞ᬦᬷᬭᬹᬧᬄᬲᬃᬯ᭄ᬯᬪᬵᬯᬾᬱᬸᬫᭀᬓ᭄ᬱᬏᬱᬧ᭄ᬭᬓᬷᬃᬢ᭄ᬢᬢᬄ᭟᭖᭗᭟ᬢᬦ᭄ᬓ᭄ᬦ
[᭗᭓ 73A]
ᬭᬶᬗᬓ᭄ᬱᬭ᭞ᬢᬦ᭄ᬳᬦ᭞ᬗᬸᬦᬶᬯᬾᬄᬲᬃᬯ᭄ᬯᬪᬵᬯᬓᬩᬾᬄ᭞ᬇᬓᬂᬫᬗ᭄ᬓᬦᬬᬢᬲᬹᬓ᭄ᬱ᭄ᬫ᭞ᬮᬶᬂᬪᬝᬵᬭ᭟ᬅᬢ᭄ᬫᬵᬘᬾᬯᬵᬦ᭄ᬢᬭᬵᬢ᭄ᬫᬵᬘᬧᬭᬫᬵᬢ᭄ᬫᬵᬢᬣᬾᬯᬘ᭞ᬅᬢ᭄ᬬᬦ᭄ᬢᬰ᭄ᬘᬯᬶᬪᬸᬰᬹᬦ᭄ᬬ᭞ᬅᬦ᭄ᬢ᭄ᬬᭀ
ᬪᬹᬄᬧᬭᬫᬄᬰᬶᬯᬄ᭟᭖᭘᭟ᬳᬦᬢᬆᬢ᭄ᬫᬵᬗᬭᬦ᭄ᬬ᭞ᬳᬦᬢᬅᬦ᭄ᬢᬭᬵᬢ᭄ᬫᬵᬗᬭᬦ᭄ᬬ᭞ᬳᬦᬢᬧᬭᬫᬵᬢ᭄ᬫᬵᬗᬭᬦ᭄ᬬ᭞ᬇᬢ᭄ᬗᬄᬦᬶᬓᬂᬢᬶᬕ᭞ᬳᬦᬢᬅᬢ᭄ᬬᬦ᭄ᬢᬵᬢ᭄ᬫᬵᬗᬭᬦ᭄ᬬ᭞ᬰᬹᬦ᭄ᬬᬲᬶᬭᬧ᭄ᬭᬪᬸ᭞ᬲᬶᬦ
ᬗ᭄ᬕᬸᬄᬧᬭᬫᬰᬶᬯ᭞ᬦᬶᬄᬰ᭄ᬭᬾᬬᬲ᭞ᬓᬬᬢ᭄ᬦᬵᬓ᭄ᬦᬢ᭄ᬫᭂᬦ᭄ᬢ᭄ᬫᭂᬦ᭄᭟ᬆᬢ᭄ᬫᬵᬯᬶᬱ᭄ᬡᬸᬭᬶᬢᬶᬚ᭄ᬜᬾᬬᬄ᭞ᬅᬦ᭄ᬢᬭᬵᬢ᭄ᬫᬵᬧᬶᬢᬵᬫᬳᬄ᭞ᬧᬭᬫᬵᬢ᭄ᬫᬵᬢᬣᬵᬭᬸᬤ᭄ᬭᬄ᭞ᬅᬢ᭄ᬬᬦ᭄ᬢᬄᬧᬭᬫᬄᬰᬶᬯᬄ᭟᭖᭙᭟ᬲᬂᬳ᭄ᬬᬂᬯᬶᬱ᭄ᬡᬸᬲᬶᬭ
ᬆᬢ᭄ᬫᬵ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬲᬶᬭᬅᬦ᭄ᬢᬭᬵᬢ᭄ᬫᬵ᭞ᬪᬝᬵᬭᬭᬸᬤ᭄ᬭᬲᬶᬭᬧᬫᬵᬳ᭄ᬫᬵ᭞ᬪᬝᬵᬭᬰᬶᬯᬲᬶᬭᬅᬢ᭄ᬬᬦ᭄ᬢᬵᬢ᭄ᬫᬵ᭟ᬅᬓᬵᬭᭀᬚᬵᬕ᭄ᬭᬤᬶᬢ᭄ᬬᬸᬓ᭄ᬢᬫᬸᬓᬵᬭᬄᬲ᭄ᬯᬧ᭄ᬦᬏᬯᬘ᭞ᬫᬓᬵᬭᬰ᭄ᬘᬲᬸᬱᬸᬧ᭄ᬢᬀᬪᭀᬑᬁᬓᬵᬭ
Kaca:Bali-lontar-tatwa-maha-jnana-300ppi.pdf/73
Kaca puniki sampun kauji-wacén
