[᭗᭑ 71B]
᭗᭑
ᬓ᭄ᬱ᭄ᬫᬢ᭄ᬯᬀᬘᬯᬶᬪᬸᬢ᭄ᬯᬀᬲᬓᬣᬀᬚ᭄ᬜᬾᬬᬄᬲᬶᬢᭀᬲ᭄ᬣᬢᬶ᭟᭖᭐᭟ᬭᬶᬲᬫᬗ᭄ᬓᬦᬦᬶᬂᬲᬹᬓ᭄ᬱ᭄ᬫᬗ᭄ᬳᬢᬶ᭞ᬢᬣᬧᬶᬦ᭄ᬬᬫᬗ᭄ᬓᬦᬓᬶᬦᬯ᭄ᬭᬸᬳᬦ᭄ᬢᬬᬤᬾᬦᬶᬂᬚ᭄ᬜᬵᬦ᭞ᬅᬫᭂᬗᬦ᭄ᬬᬯ᭄ᬓᬲᬦ᭄᭞ᬉᬫᬸᬗ᭄ᬕᬸᬄᬭᬶᬂᬚ᭄ᬜᬵᬦᬮᬦᬵ᭞ᬲ
ᬬᭀᬕ᭄ᬬᬮᬯᬦ᭄ᬪᬝᬵᬭ᭞ᬳᬦᬢᬰᬹᬦ᭄ᬬᬲᬓᬾᬂᬰᬸᬦ᭄ᬬ᭞ᬳᬦᬢᬫᬮᬶᬢ᭄ᬲᬓᬾᬂᬫᬮᬶᬢ᭄᭞ᬧᬭᬫᬓᬾᬯᬮ᭄ᬬ᭞ᬦᬶᬭᬵᬰ᭄ᬭᬬᬗᬭᬦ᭄ᬬ᭞ᬢᬦ᭄ᬓᬶᬦᬳᬦᬦ᭄ᬤᬾᬦᬶᬂᬲᬸᬔᬤᬸᬄᬔ᭞ᬫᬗ᭄ᬓᬦᬮᬶᬂᬪ
ᬝᬵᬭ᭟ᬳᬺᬤᬬᬾᬧᬤ᭄ᬫᬓᭀᬰᬰ᭄ᬘᬫᭀᬓ᭄ᬱᬤᬀᬢ᭄ᬭᬶᬧᬤᬀᬚ᭄ᬜᬾᬬᬫ᭄᭞ᬲᬃᬯ᭄ᬯᬰ᭄ᬯᬬᬣᬵᬦᬶᬫᬳᬵᬢ᭄ᬲ᭄ᬣᬦᬀᬲᬘ᭄ᬬᬧ᭄ᬭᬢᬶᬱ᭄ᬝᬢᬶ᭟᭖᭑᭟ᬳᬦᬢᬧᬤ᭄ᬫᬭᬶᬂᬳᬢᬶ᭞ᬳᬦᬢᬧᬤ᭄ᬫᬭᬶᬂᬧᬭᬸᬧᬭᬸ᭞ᬬᬢᬧᬤ᭄ᬫ
ᬓᭀᬱᬗᬭᬦ᭄ᬬ᭞ᬳᬦᬢᬳᬺᬤᬬᬢ᭄ᬭᬶᬧᬤᬗᬭᬦ᭄ᬬ᭞ᬲᬸᬫᬸᬗ᭄ᬲᬂᬬᬫᬮ᭄ᬬᬂᬧᬶᬄ᭞ᬇᬓᬢᬓᬩᬾᬄᬬᬢ᭄ᬭᬶᬧᬤᬗᬭᬦ᭄ᬬ᭞ᬉᬗ᭄ᬕ᭄ᬯᬦᬶᬂᬭᬵᬢ᭄ᬓᬩᬾᬄ᭟ᬲᬹᬃᬬ᭄ᬬᬓᭀᬝᬶᬲᬳᬲ᭄ᬭᬵᬀᬰᬸᬃᬳᬺᬤᬬᬀᬯᬶᬫᬮᬀᬰᬸᬪᬫ᭄
[᭗᭒ 72A]
᭞ᬳᬺᬤᬬᬵᬦ᭄ᬢᬾᬧᬤᬀᬰᬹᬦ᭄ᬬᬀᬧᬭᬀᬓᬾᬯᬮ᭄ᬬᬫᬸᬘ᭄ᬬᬢᬾ᭟᭖᭒᭟ᬇᬓᬂᬳᬢᬶᬫᬮᬶᬮᬂᬫᬮᬶᬢ᭄᭟ᬬᬧᬥᬮᬯᬦᬵᬤᬶᬢ᭄ᬬᬲᬾᬯᬸ᭞ᬢᬾᬚᬦ᭄ᬬᬵᬮᬶᬮᬂᬧᬭᬶᬧᬹᬃᬡ᭄ᬦᬭᬶᬂᬳᬬᬸ᭞ᬢᬸᬫ᭄ᬧᬸᬓ᭄ᬦᬶᬂᬳᬢᬶᬬᬾ
ᬓᬧᬤᬰᬷᬦ᭄ᬬ᭞ᬬᬲᬶᬦᬗ᭄ᬕᬸᬄᬧᬭᬫᬓᬾᬯᬮ᭄ᬬ᭟ᬳᬺᬤᬶᬫ᭄ᬥᬭᬡᬓᬺᬢ᭄ᬬᬜ᭄ᬘᬰᬾᬯᬀᬲᬹᬓ᭄ᬱ᭄ᬫᬀᬧᬭᬀᬧᬤᬫ᭄᭞ᬬᬚ᭄ᬜᬵᬢ᭄ᬯᬵᬰᬭᬷᬭᬾᬲ᭄ᬫᬶᬦ᭄ᬫᬸᬘ᭄ᬬᬢᬾᬦᬵᬢ᭄ᬭᬲᬀᬰᬬᬄ᭟᭖᭓᭟ᬓᬂᬳᬢᬶ᭞ᬳᬦᬰᬶᬯᬧ
ᬤᬗᬭᬦ᭄ᬬ᭞ᬇᬓᬂᬑᬁᬓᬵᬭᬬᬧᬭᬫᬰᬹᬦ᭄ᬬ᭞ᬲᬹᬓ᭄ᬱ᭄ᬫᬯᬶᬄ᭞ᬇᬓᬂᬯ᭄ᬯᬂᬓᬸᬫᬯ᭄ᬭᬸᬳᬶᬓᬂᬰᬶᬯᬧᬤᬲᬗ᭄ᬓᬾᬂᬰᬭᬷᬭ᭞ᬬᬢᬾᬓᬢᬦ᭄ᬓᬲᬦ᭄ᬤᬾᬳᬓ᭄ᬦ᭞ᬮᬶᬂᬪᬝᬵᬭ᭟ᬲᬀᬲᬵᬭᬲᬵᬕᬭᬾᬖᭀ
ᬭᬾᬧᬸᬭᬸᬱᬄᬲ᭄ᬣᬶᬢᭀᬦᬵᬕᬯᬢᬶ᭞ᬑᬁᬓᬵᬭᭀᬕᬭᬸᬥᭀᬚ᭄ᬜᬵᬢ᭄ᬯᬵᬬᬢᬦᬵᬬᬦᬷᬢ᭄ᬬᬤ᭄ᬥᬀ᭟᭖᭔᭟ᬮ᭄ᬯᬶᬃᬦᬶᬂᬲᬂᬧᬸᬭᬸᬱ᭞ᬲ᭄ᬥᭂᬦᬶᬭᬦ᭄ᬳᬦᬾᬢ᭄ᬗᬄᬦᬶᬗᬵᬧᬄ᭞ᬓᬤᬶᬉᬮᬲᬶᬭᬦ᭄ᬓᬢᬢᬓᬸᬢ᭄᭞ᬲᬂ
Kaca:Bali-lontar-tatwa-maha-jnana-300ppi.pdf/72
Kaca puniki sampun kauji-wacén
