[᭗᭓ 73B]
᭗᭓
ᬲ᭄ᬢᬃᬬ᭄ᬬᬫᬾᬯᬘ᭟᭗᭐᭟ᬇᬓᬂᬅᬓᬵᬭ᭞ᬬᬚᬵᬕ᭄ᬭᬩᬷᬚ᭞ᬇᬓᬂᬉᬓᬵᬭ᭞ᬬᬲ᭄ᬯᬧ᭄ᬦᬩᬷᬚ᭞ᬇᬓᬂᬫᬓᬵᬭᬬᬲᬸᬱᬸᬧ᭄ᬢᬩᬷᬚ᭞ᬇᬓᬂᬑᬁᬓᬵᬭ᭞ᬬᬢᬹᬃᬬ᭄ᬬᬩᬷᬚ᭟ᬲ᭄ᬣᬵᬦᬵᬦ᭄ᬬᬣᬘᬢ᭄ᬯᬵᬭᬶᬑᬁᬓᬵᬭᬲ᭄ᬬᬧᬭᬶᬕ᭄ᬭ
ᬳᬄ᭞ᬦᬵᬪᭀᬳᬺᬤᬬᬾᬓᬡ᭄ᬝ᭄ᬯᬾᬘᬫᬲ᭄ᬢᬓᬾᬘᬯᬶᬤᭀᬯᬶᬤᬸᬄ᭟᭗᭑᭟ᬳᬦᬢᬲ᭄ᬣᬵᬦᬳᬵᬢ᭄ᬓ᭄ᬯᬾᬄ᭞ᬑᬁᬓᬵᬭᬮᬯᬦ᭄ᬪᬝᬵᬭ᭞ᬦ᭄ᬤ᭄ᬬᬢᬤᬾᬰᬦᬶᬂᬧᬵᬃ᭞ᬮ᭄ᬯᬶᬃᬦ᭄ᬬ᭞ᬧᬸᬲᭂᬭ᭄᭞ᬇᬂᬳᬢᬶ᭞ᬇᬂᬕᬸᬮᬸ
᭞ᬇᬂᬳᬸᬮᬸ᭟ᬫᬦᬄᬓᬾᬮ᭄ᬬᬀᬯᬶᬚ᭄ᬜᬾᬬᬀᬩᬸᬤ᭄ᬥᬶᬃᬩ᭄ᬭᬳ᭄ᬫᬵᬧ᭄ᬭᬓᬷᬃᬢ᭄ᬢᬶᬢᬄ᭞ᬅᬳᬗ᭄ᬓᬵᬭᬲ᭄ᬢᬣᬵᬭᬸᬤ᭄ᬭᬄᬲᬢ᭄ᬢ᭄ᬯᬀᬘᬾᬘᬯᬫᬳᬾᬰ᭄ᬯᬭᬄ᭟᭗᭒᭟ᬪᬝᬵᬭᬯᬶᬱ᭄ᬡᬸᬲᬶᬭᬳ᭄ᬬᬂᬦᬶᬂᬫᬦᬄ᭞ᬪᬝᬵᬭᬩ᭄ᬭᬳ᭄ᬫᬵᬲᬶᬭᬳ᭄ᬬᬂᬦᬶᬂᬩᬸᬤ᭄ᬥᬶ᭞ᬪᬝᬵ
ᬭᬭᬸᬤ᭄ᬭᬲᬶᬭᬳ᭄ᬬᬂᬦᬶᬗᬳᬗ᭄ᬓᬵᬭ᭞ᬪᬝᬵᬭᬫᬳᬾᬰ᭄ᬯᬭᬲᬶᬭᬳ᭄ᬬᬂᬦᬶᬂᬲᬢ᭄ᬢ᭄ᬯ᭟ᬲᬚ᭄ᬜᬵᬦᬵᬥᬶᬓᬵᬭᬵᬚ᭄ᬜᬾᬬᬄ᭞ᬲᬳᬲ᭄ᬭᬦᬵᬯᬲᬲᬳᬵᬬᬄ᭞ᬬᭀᬚ᭄ᬜᬵᬢᬢᬢ᭄ᬢᭀᬲᬀᬰᬬᬀᬘᬲᬤ᭄ᬬᭀᬤᬺᬱ᭄ᬝᬫᬳᬾᬰ᭄ᬯᬭᬄ᭟᭗᭓᭟
[᭗᭔ 74A]
ᬲᬶᬭᬪᬝᬵᬭᬫᬾᬯᭂᬄᬓᬧᬗ᭄ᬕᬶᬳᬦᬶᬭ᭞ᬢᬦ᭄ᬓᬶᬦᬯ᭄ᬭᬸᬳᬦ᭄ᬤᬾᬦᬶᬂᬫᬧᬸᬗ᭄ᬕᬸᬂ᭞ᬤᬸᬫᬾᬄᬬᬫᬗ᭄ᬓᬦ᭞ᬲᬓᬭᬶᬓ᭄ᬯᬾᬄᬦᬶᬂᬚ᭄ᬜᬵᬦ᭞ᬇᬓᬢᬯ᭄ᬯᬂᬯ᭄ᬭᬸᬄᬭᬶᬂᬪᬝᬵᬭ᭞ᬫ᭄ᬯᬂᬳᬾᬦᬓ᭄ᬤᭀᬦᬶᬭᬯ᭄ᬭᬸᬄᬭᬶᬢᬢ᭄ᬢ᭄ᬯᬪᬝᬵ
ᬭ᭞ᬬᬢᬾᬓᬢᬦ᭄ᬓᬲᬦ᭄ᬤᬾᬳᬵᬓ᭄ᬦᬬᬓᬮ᭄ᬧᬲᬦ᭄᭟ᬲᬂᬲᬵᬭᬲᬵᬕᬭᬾᬖᭀᬭᬾᬑᬁᬓᬵᬭᭀᬳᬶᬦᭀᬰ᭄ᬘᭀᬘ᭄ᬬᬢᬾ᭞ᬬᬾᬦᭀᬢ᭄ᬢᬷᬃᬡ᭄ᬦᬄᬧᬵᬭᬵᬯᬵᬭᭀᬦᬵᬯᬵᬲ᭄ᬬᬓᬶᬂᬧ᭄ᬭᬬᭀᬚᬦᬫ᭄᭟᭗᭔᭟ᬫᬓ᭄ᬯᬾᬄᬲᬂ
ᬳ᭄ᬬᬂᬗᬶᬦᬚᬭᬓᭂᬦ᭄᭞ᬳᬦᬑᬁᬓᬵᬭᬗᬭᬦᬶᬭ᭞ᬲᬶᬭᬧᬭᬳᬸᬲᬪᬵᬯᬦ᭄ᬢ᭞ᬇᬓᬂᬲᬵᬕᬭᬓᬳᬭᬦ᭄ᬢᬲᬶᬓ᭄ᬢ᭞ᬲᬂᬳ᭄ᬬᬂᬑᬁᬓᬵᬭᬧ᭄ᬯᬲᬶᬭᬧᬭᬳ᭄ᬯᬦ᭄ᬢ᭞ᬬᬢᬦ᭄ᬬᬦ᭄ᬳᭂᬦ᭄ᬢᬲᬦᬶᬓᬂᬧᬵᬧᬫᬕᭃᬂ᭞ᬢ᭄ᬮᬲ᭄
ᬧ᭄ᬯᬓᬶᬢᬥᬢᬂᬭᬶᬧᬵᬤᬪᬝᬵᬭᬮᬯᬦ᭄ᬲᬬᭀᬕ᭄ᬬᬓᬶᬢ᭞ᬢᭂᬦ᭄ᬢ᭄ᬬᬓᭂᬦ᭄ᬢᬧᬭᬳᬸᬦ᭄ᬢ᭞ᬳᬧᬦ᭄ᬢᬦᬦᬧ᭄ᬭᬬᭀᬚᬦᬦ᭄ᬢ᭞ᬅᬦ᭄ᬳᬸᬯᬸᬲ᭄ᬮ᭄ᬧᬲ᭄᭞ᬧ᭄ᬭᬬᭀᬚᬦᬦ᭄ᬢ᭞ᬲᬫᬗ᭄ᬓᬦᬦᬸᬕᬸᬧᬓ᭄ᬦᬦ᭄ᬬ᭟ᬦᬶ
Kaca:Bali-lontar-tatwa-maha-jnana-300ppi.pdf/74
Kaca puniki sampun kauji-wacén
