[᭔᭕ 45B]
᭔᭕
ᬧᬸᬢᭂᬭᬦ᭄᭞ᬭᬶᬂᬲ᭄ᬯᬃᬕ᭄ᬕᬦᬭᬓ᭞ᬫᬵᬦᬸᬱᬢ᭄ᬭᬶᬬᬓ᭄ᬯ᭄ᬓᬲᬦ᭄᭞ᬫᬗ᭄ᬓᬵᬦᬯᬵᬲᬦᬵᬦᬶᬂᬯ᭄ᬯᬂᬮᬸᬫᬶᬘᬶᬦ᭄᭞ᬢᬧ᭄ᬯᬦ᭄ᬬᬢᬦ᭄ᬲᬫ᭄ᬬᬕ᭄ᬚᬵᬜᬦ᭟ᬓᬸᬦᬂᬲᬶᬭᬲᬂᬯ᭄ᬬᬵᬧᬵᬭᬚ᭄ᬜᬵᬦᬦᬶᬭᬭᬸᬫᬸᬳᬸᬦ᭄᭞ᬦ᭄ᬤᬦ᭄ᬫ
ᬓᬧᬸᬢᬸᬲᬦᬶᬂᬫᬲᬶᬫ᭄ᬧᭂᬦ᭄ᬯᬵᬲᬦᬵᬦ᭄ᬬ᭞ᬬᬾᬓᬲᬗᬫ᭄ᬭᬶᬄᬫᬗᬸᬲᬶᬃᬓᬲᬫ᭄ᬬᬚ᭄ᬚᬵᬜᬦᬚᬸᬕ᭞ᬬᬬᬢᬄᬲᬶᬭᬫᬓᬪᬹᬫᬶᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬥᬷ᭞ᬅᬦ᭄ᬢᬦ᭄ᬯ᭄ᬦᬂᬲᬫ᭄ᬬᬕ᭄ᬚᬵᬜᬦ᭞ᬬᬦ᭄
ᬢᬦ᭄ᬫᬓᬦᬶᬫᬶᬢ᭄ᬢᬲᬫᬵᬥᬶ᭞ᬅᬧᬓᬮᬶᬗᬦ᭄ᬬ᭞ᬦᬶᬳᬦ᭄ᬓ᭄ᬭᬫᬦ᭄ᬬ᭞ᬇᬓᬂᬲᬢ᭄ᬢ᭄ᬯ᭞ᬭᬚᬄ᭞ᬢᬫᬄ᭞ᬢᬦᬗ᭄ᬕᬧᬢᬹᬢ᭞ᬢᬵᬕᬯᬾᬳᬬᬸ᭞ᬢᬵᬗᭂᬦᬓᭂᬦ᭄ᬥᬃᬫ᭄ᬫᬧᬹᬦ᭄ᬬ᭞ᬫᬗ᭄ᬓᬦᬮᬶᬂᬦᬶᬓᬂᬲᬢ᭄ᬢ᭄ᬯ᭟ᬓ᭄ᬭᭀ
ᬥᬵᬕᬼᬗᬓᬸᬮᬶᬂᬦᬶᬓᬂᬭᬚᬄ᭟ᬅᬮ᭄ᬫᭂᬄ᭞ᬮᬸᬳ᭄ᬬ᭞ᬢᬫᬗᬦᬶᬗᬶᬦᬸᬫ᭄᭞ᬅᬢᬸᬭᬸᬚᬸᬕ᭞ᬮᬶᬂᬦᬶᬓᬂᬢᬫᬄ᭟ᬫᬗ᭄ᬓᬦᬓᬶᬭᬓᬶᬭᬦᬶᬂᬲᬢ᭄ᬢ᭄ᬯᬭᬚᬄ᭞ᬢᬫᬄ᭞ᬫᬧᬮᬗᬦ᭄ᬢᬦ᭄ᬧᬢᬹᬢ᭄᭞ᬇᬓᬂᬭᬚᬄᬢᬫᬄ
[᭔᭖ 46A]
᭞ᬅᬧᬸᬗ᭄ᬕᬸᬂᬲ᭄ᬯᬪᬵᬯᬦ᭄ᬬ᭞ᬇᬓᬂᬲᬢ᭄ᬢ᭄ᬯᬧ᭄ᬭᬓᬵᬰ᭞ᬧ᭄ᬭᬚ᭄ᬜᬵᬦ᭄ᬯᬶᬤᬕ᭄ᬰᬫ᭄ᬧᬶᬦᬓᬲ᭄ᬯᬪᬵᬯᬦ᭄ᬬ᭞ᬫᬾᬗᭂᬢ᭄ᬧ᭄ᬯᬲᬂᬦᬶᬧᬸᬘᬢᬢ᭄ᬯᬫᬗ᭄ᬓᬦᬓ᭄ᬭᬫᬦ᭄ᬬ᭞ᬫᬢᬂᬦ᭄ᬬᬦᬶᬓᬂᬭᬚᬄᬢᬫᬄ᭞ᬢᬶᬦᭂᬥᬸᬳᬓᭂᬦᬶᬭᬭᬶᬂᬲ
ᬫᬵᬥᬶ᭞ᬫᬓᬲᬵᬥᬦᬧ᭄ᬭᬵᬡᬵᬬᬵᬫ᭞ᬫᬓᬲᬳᬵᬬᬘᬶᬢ᭄ᬢᬩᬸᬤ᭄ᬥᬶᬫᬦᬄ᭞ᬰᬵᬦ᭄ᬢᬵᬮᬶᬮᬗᬳ᭄ᬦᬶᬂᬦᬶᬭᬵᬯᬭᬡ᭞ᬢᬦ᭄ᬧᬢᬮᬸᬢᬸᬄ᭞ᬇᬓᬂᬚ᭄ᬜᬵᬦᬮᬗ᭄ᬕᭂᬂᬦᬶᬃᬫ᭄ᬫᬮ᭞ᬏᬦᬓ᭄ᬧ᭄ᬯᬵᬦᬶᬓᬂᬭᬚᬄ᭞ᬢᬫᬄ
᭞ᬫᬧᬕᭂᬄᬫᬦᬹᬢ᭄ᬫᬭᬶᬂᬲᬢ᭄ᬢ᭄ᬯ᭞ᬧ᭄ᬭᬓᬵᬰᬇᬭᬶᬓᬂᬲᬢ᭄ᬢ᭄ᬯ᭞ᬦᬳᬦ᭄ᬬᬸᬓ᭄ᬢᬶᬦᬶᬓᬂᬧ᭄ᬭᬚ᭄ᬜᬵᬦ᭄ᬫ᭄ᬢᬸᬲᬓᬶᬂᬲᬫᬵᬥᬶ᭞ᬬᬵᬯᬢ᭄ᬓᬧᬗ᭄ᬕᬶᬄᬇᬓᬂᬧ᭄ᬭᬚ᭄ᬜᬵᬦ᭄᭞ᬅᬭᬶᬯᬵᬭᬶᬯᬇᬓᬂᬲᬫ᭄ᬬᬕ᭄ᬚᬵᬜᬦᬦ᭄᭞ᬓᬢ᭄ᬫᬸᬤᬾ
ᬦᬶᬂᬓᬬᭀᬕᬷᬰ᭄ᬯᬭᬦ᭄᭞ᬇᬓᬂᬲᬫ᭄ᬬᬕ᭄ᬚᬵᬜᬦᬦ᭄᭞ᬓᬸᬫᬯ᭄ᬭᬸᬳᬶᬧ᭄ᬭᬬᭀᬕᬲᬦ᭄ᬥᬶ᭞ᬫᬓᬪᬹᬫᬶᬩ᭄ᬭᬢ᭞ᬢᬧ᭞ᬬᬶᬕ᭞ᬲᬫᬵᬥᬶ᭞ᬲᬶᬭᬵᬫ᭄ᬦᭂᬭᬓᭂᬦ᭄ᬤᬸᬫᬸᬦᬸᬂᬤᬾᬦᬶᬭᬵᬫᬗ᭄ᬕᬶᬳᬓᭂᬦ᭄ᬬᭀᬕᬯᬶᬰᬾᬱ᭞
Kaca:Bali-lontar-tatwa-maha-jnana-300ppi.pdf/46
Kaca puniki sampun kauji-wacén
