[᭔᭔ 44B]
᭔᭔
ᬝᬵᬭ᭞ᬇᬓᬂᬲᬫ᭄ᬬᬕ᭄ᬚᬵᬜᬦ᭞ᬢᬦ᭄ᬯ᭄ᬦᬗᬶᬓᬬᬢᬦ᭄ᬧᬓᬪᬹᬫᬶᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬥᬶ᭞ᬲᬂᬓ᭄ᬱᬾᬧᬦ᭄ᬬ᭞ᬫᬓᬪᬹᬫᬶᬩ᭄ᬭᬢ᭞ᬬᭀᬕ᭞ᬲᬫᬵᬥᬶ᭞ᬫᬓᬲᬸᬮᬸᬄᬲᬫ᭄ᬬᬕ᭄ᬚᬵᬜᬦ᭞ᬫᬓ
ᬲᬵᬥᬦᬧ᭄ᬭᬬᭀᬕᬲᬦ᭄ᬥᬶ᭞ᬲᬶᬭᬚᬸᬕᬲᬂᬯ᭄ᬦᬂᬢᬸᬫ᭄ᬓᬦᬶᬓᬯᬶᬰᬾᬱᬦ᭄ᬪᬝᬵᬭ᭞ᬓᬤ᭄ᬬᬗ᭄ᬕᬦᬶᬂᬳ᭄ᬭᬸᬧᬶᬦᬦᬳᬓᭂᬦ᭄᭞ᬲᬵᬫ᭄ᬧᬸᬦᬶᬂᬮᬭᬲ᭄᭞ᬅᬩ᭄ᬦᭂᬃᬚᬸᬕᬢᬫ᭄ᬧᬸᬄᬦ᭄ᬬ᭞ᬳᬦᬧ᭄ᬯᬯᭀᬗᬫᬦᬳᬓᭂᬦ᭄ᬳ᭄ᬭᬸᬢ
ᬦ᭄ᬳᬶᬂᬮᬭᬲ᭄᭞ᬢᬦᬩ᭄ᬦᭂᬃᬮᬓᬸᬦ᭄ᬬ᭞ᬅᬦᬲᬭᬗᬸᬦ᭄ᬢᬶᬢ᭄ᬮᬓᬸᬦᬶᬓᬂᬳ᭄ᬭᬸᬬᬦ᭄ᬫᬗ᭄ᬓᬦ᭞ᬮᬸᬧᬸᬢᬶᬦᬸᬚᬸᬦ᭄ᬬ᭞ᬓᬮᬶᬗᬦ᭄ᬬ᭞ᬓᬮᬶᬗᬦ᭄ᬬ᭞ᬳᬦᬲᬶᬭᬲᬗᬫᬗ᭄ᬕᬶᬳᬓᭂᬦᬶᬓᬂᬩ᭄ᬭᬢ᭞ᬢᬧ᭞ᬬᭀᬕᬲᬫᬵᬥᬶ᭞ᬮᬸᬫ᭄ᬓ
ᬲᬓᭂᬦᬶᬓᬂᬧ᭄ᬭᬬᭀᬕᬲᬦ᭄ᬥᬶ᭞ᬅᬦ᭄ᬫᬗ᭄ᬓᬦᬮᬸᬧᬸᬢᬶᬂᬦᬲᬫ᭄ᬬᬕ᭄ᬚᬵᬜᬦ᭞ᬭᬶᬲ᭄ᬥᭂᬂᬦ᭄ᬬᬢᬷᬓ᭄ᬱ᭄ᬡᬤᬾᬦᬶᬭᬕᬸᬫᬯᬬᬓᭂᬦᬶᬓᬂᬲᬫᬵᬥᬶ᭞ᬢᬷᬩ᭄ᬭᬫ᭄ᬯᬂᬲᬵᬥᬦᬦ᭄ᬬ᭞ᬅᬦ᭄ᬫᬗ᭄ᬓᬦᬲᬶᬭᬓᬾᬧ᭄ᬯᬦ᭄ᬢᬦ᭄ᬯ᭄ᬭᬸᬄᬭᬶᬢᬫ᭄ᬧᬸ
[᭔᭕ 45A]
ᬳᬦᬶᬂᬚ᭄ᬜᬵᬦᬦᬶᬭ᭞ᬅᬧᬦ᭄ᬲᬶᬭᬢᬦ᭄ᬯ᭄ᬭᬸᬳᬶᬂᬢᬢ᭄ᬢ᭄ᬯᬚ᭄ᬜᬵᬦ᭞ᬢᬦ᭄ᬧᬲᬸᬮᬸᬄᬲᬫ᭄ᬬᬕ᭄ᬦᬵᬦ᭞ᬦᬶᬬᬢᬲᬭᬗᬸᬦ᭄ᬢᬶᬢ᭄᭞ᬲᬮᬄᬯᬭᬚᬸᬕᬲᬫᬵᬥᬶᬲᬂᬬᭀᬕᬷᬰ᭄ᬯᬭᬬᬦ᭄ᬫᬗ᭄ᬓᬦ᭞ᬨᬮᬦᬶᬂᬩ᭄ᬭᬢ
ᬚᬸᬕᬫᬦᬸᬦ᭄ᬢᬸᬦᬓᭂᬦ᭄᭞ᬅᬫᬶᬦ᭄ᬢᬪᬶᬦᬸᬓ᭄ᬢᬶ᭞ᬅᬫ᭄ᬦᭂᬃᬫᬭᬭᬶᬂᬲ᭄ᬯᬃᬕ᭄ᬕᬚᬸᬕᬲᬂᬳ᭄ᬬᬗᬵᬢ᭄ᬫᬵᬬᬦ᭄ᬫᬗ᭄ᬓᬦ᭞ᬨᬮᬦᬶᬂᬲᬫᬵᬥᬶ᭞ᬬᬾᬓᬭᬸᬫᬓ᭄ᬱᬨᬮᬦᬶᬂᬩ᭄ᬭᬢ᭞ᬢ᭄ᬮᬲ᭄ᬧ᭄ᬯᬨᬮᬦᬶᬂᬩ᭄ᬭᬢᬪᬶᬦᬸᬓ᭄ᬢᬶᬤᬾ
ᬦᬶᬂᬗᬵᬢ᭄ᬫᬵᬭᬶᬂᬲ᭄ᬯᬃᬕ᭄ᬕ᭞ᬢᬸᬫᬸᬭᬸᬦ᭄ᬢᬲᬂᬳ᭄ᬬᬗᬵᬢ᭄ᬫᬵᬫᬸᬯᬄ᭞ᬫᬂᬚᬦ᭄ᬫᬢᬲᬶᬭᬭᬶᬂᬫᬵᬦᬸᬱᬮᭀᬓ᭞ᬬᬾᬓᬤᬤᬶᬭᬢᬸ᭞ᬫ᭄ᬯᬂᬲᬸᬕᬶᬄ᭞ᬓᬺᬢᬧᬸᬡ᭄ᬬᬚᬦ᭄ᬫᬲᬶᬭ᭞ᬲ᭄ᬯᬪᬵᬯᬦᬶᬂᬫᬵᬦᬸᬱᬧ᭄ᬯᬬ᭞ᬓᬶᬦᬳᬦ
ᬦ᭄ᬤᬾᬦᬶᬂᬢᬸᬢᬸᬃᬫ᭄ᬯᬂᬮᬸᬧ᭞ᬭᬶᬓᬵᬮᬦ᭄ᬬᬢ᭄ᬓᬢᬸᬢᬸᬭ᭄᭞ᬓᬤᬤᬶᬧ᭄ᬯᬾᬓᬂᬰᬶᬮᬭᬳᬬᬸᬤᬾᬦᬶᬂᬚᬦ᭄ᬫ᭞ᬭᬶᬓᬵᬮᬦ᭄ᬬᬢ᭄ᬓᬮᬸᬧ᭞ᬓᬤᬤᬶᬢᬾᬓᬂᬰᬷᬮᬫᬳᬮᬤᬾᬦᬶᬂᬚᬦ᭄ᬫ᭞ᬇᬭᬶᬓᬢᬬᬦ᭄ᬫ
Kaca:Bali-lontar-tatwa-maha-jnana-300ppi.pdf/45
Kaca puniki sampun kauji-wacén
