[᭔᭖ 46B]
᭔᭖
ᬅᬦ᭄ᬫᬓᬲᬸᬮᬸᬄᬲᬫ᭄ᬬᬕ᭄ᬚᬵᬜᬦ᭞ᬫᬓᬲᬵᬥᬦᬧ᭄ᬭᬬᭀᬕᬲᬦ᭄ᬥᬶ᭞ᬫᬓᬪᬹᬫᬶᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬥᬶ᭞ᬇᬓᬂᬧ᭄ᬭᬬᭀᬕᬲᬦ᭄ᬤᬶ᭞ᬓᬵᬗ᭄ᬓᭂᬦ᭄ᬳ᭄ᬭᬸᬫᬮᬡ᭄ᬥᭂᬧ᭄ᬫᬮᬸᬗᬶᬢ᭄᭞ᬇᬓᬂᬲᬫ᭄ᬬᬕ᭄ᬚᬵᬜᬦ
᭞ᬓᬵᬗ᭄ᬓᭂᬦ᭄ᬳᭂᬮᬃᬦ᭄ᬬ᭞ᬇᬓᬂᬩ᭄ᬭᬢ᭞ᬢᬧ᭞ᬬᭀᬕ᭞ᬲᬫᬵᬥᬶ᭞ᬓᬵᬗ᭄ᬓᭂᬦᬶᬓᬂᬤᬡ᭄ᬥᬘᬵᬧ᭞ᬮᬸᬫ᭄ᬧᬲᬓᭂᬦᬶᬓᬂᬧ᭄ᬭᬬᭀᬕᬲᬦ᭄ᬥᬶ᭞ᬫᬓᬳ᭄ᬮᬭᬶᬓᬂᬲᬫ᭄ᬬᬕ᭄ᬚᬵᬜᬦ᭞ᬫᬓᬮᬭᬲᬶᬓᬂᬩ᭄ᬭᬢ᭞ᬢᬧ᭞ᬬᭀ
ᬕ᭞ᬲᬫᬵᬥᬶ᭚᭐᭚ᬦᬶᬳᬦ᭄ᬢᬂᬧ᭄ᬭᬬᭀᬕᬲᬦ᭄ᬥᬶ᭞ᬓᬾᬗᭂᬢᬓ᭄ᬦ᭞ᬧ᭄ᬭᬬᭀᬕᬲᬦ᭄ᬥᬶᬗᬭᬦ᭄ᬬ᭞ᬉᬧᬬᬮ᭄ᬯᬶᬃᬦ᭄ᬬ᭞ᬆᬲᬦ᭞ᬧ᭄ᬭᬵᬡᬬᬵᬫ᭞ᬧ᭄ᬭᬢ᭄ᬬᬵᬳᬵᬭ᭞ᬥᬵᬭᬡ᭞ᬥ᭄ᬬᬵᬦ᭞ᬢᬃᬓ᭄ᬓ᭞ᬲᬫᬵᬥᬶ᭞ᬫᬓᬵ
ᬧᬸᬲᬧᬸᬲᬶᬓᬓᬩᬾᬄ᭞ᬲᬦ᭄ᬥᬶᬗᬭᬦ᭄ᬬ᭞ᬇᬓᬂᬘᬾᬢᬦᬚᬸᬕᬯᬾᬳᭂᬦ᭄ᬧ᭄ᬭᬓᬵᬰᬫᬗᬾᬓᬢ᭄ᬯ᭞ᬢᬦ᭄ᬧᬭᭀᬃᬯᬗᬤᭂᬕ᭄᭞ᬳᭂᬫᭂᬂᬢᬦ᭄ᬧᬥᭂᬫ᭄᭞ᬫᬵᬯᬓᬶᬂᬘᬢᬸᬃᬥ᭄ᬬᬵᬦ᭞ᬘᬢᬸᬃᬥ᭄ᬬᬵᬦᬗᬭᬦ᭄ᬬ᭞ᬮ᭄ᬯᬶᬃᬦ᭄ᬬ᭞
[᭔᭗ 47A]
ᬢᬶᬱ᭄ᬝᬦ᭄᭞ᬪᭀᬚᬦ᭄᭞ᬕᬘ᭄ᬙᬦ᭄᭞ᬲᬸᬧ᭄ᬢᬦ᭄᭞ᬢᬶᬱ᭄ᬝᬦ᭄᭞ᬪᬝᬵᬭᬫᬮᬸᬗ᭄ᬕᬸᬄ᭞ᬪᭀᬚᬦ᭄᭞ᬪᬝᬵᬭᬫᬗᬦ᭄᭞ᬕᬘ᭄ᬙᬦ᭄᭞ᬪᬝᬵᬭᬮᬸᬫᬓᬸ᭞ᬲᬸᬧ᭄ᬢᬦ᭄᭞ᬪᬝᬵᬭᬫᬢᬸᬭᬸ᭞ᬲᬂᬓ᭄ᬱᬾᬧᬦ᭄ᬬ᭞ᬪᬝᬵᬭᬚᬸᬕᬓ
ᬢᬸᬢᬸᬭᬓ᭄ᬦ᭞ᬲᬧᭀᬮᬄᬪᬯᬦᬶᬂᬯ᭄ᬯᬂ᭞ᬅᬧᬦᬶᬓᬂᬢᬸᬢᬸᬃᬗᬭᬦ᭄ᬬ᭞ᬬᬾᬓᬧᬰᬭᬶᬭᬦ᭄ᬪᬝᬵᬭᬭᬫᬗ᭄ᬓᬾᬭᬶᬂᬲᬓᬮ᭟ᬫᬸᬯᬄᬳᬦᬢᬵᬲᬦᬗᬭᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬧᬤ᭄ᬫᬵᬲᬦ᭞ᬯᬚ᭄ᬭᬵᬲᬦ᭞ᬧᬬ᭄ᬬᬗ᭄ᬓᬵᬲ
ᬦ᭞ᬲ᭄ᬯᬲ᭄ᬢᬶᬓᬵᬲᬦ᭞ᬯᬶᬤ᭄ᬬᬵᬲᬦ᭞ᬤᬡ᭄ᬥᬵᬲᬦ᭟ᬦᬳᬦᬶᬓᬗᬵᬲᬦ᭞ᬦᭂᬫ᭄ᬧ᭄ᬭᬪᬾᬤᬦ᭄ᬬ᭞ᬢᬸᬗ᭄ᬕᬮᬯᬓ᭄ᬦ᭄ᬬ᭞ᬬᬢᬧᬶᬮᬶᬳᬦᬧᬮᬸᬗ᭄ᬕᬸᬳᬦ᭞ᬲᬂᬫᬗᬪ᭄ᬬᬵᬲᬧ᭄ᬭᬬᭀᬕᬲᬦ᭄ᬥᬶ᭞ᬢ᭄ᬮᬲ᭄ᬧ᭄ᬯᬲᬶᬭᬫᬮᬸᬗ᭄ᬕᬸᬄ
᭞ᬬᬢᬲᬶᬭᬉᬫᬶᬫ᭄ᬧᭂᬦᬓᭂᬦ᭄ᬲᬂᬳ᭄ᬬᬗᬸᬭᬶᬧ᭄᭞ᬧᬾᬢᭂᬦ᭄ᬭᬶᬗᬾᬓᬘᬶᬢ᭄ᬢ᭞ᬢ᭄ᬮᬲ᭄ᬓᬾᬫ᭄ᬧᭂᬦᬦ᭄ᬲᬂᬳ᭄ᬬᬗᬸᬭᬶᬧ᭄᭞ᬫᬧ᭄ᬭᬵᬡᬵᬬᬵᬫᬢᬲᬶᬭ᭞ᬳᬦᬯᬵᬬᬸᬧᬫᬲᭂᬄᬗᬭᬦ᭄ᬬ᭞ᬮ᭄ᬯᬶᬃᬦ᭄ᬬ᭞ᬭᬾᬘᬓ᭞ᬧᬹ
Kaca:Bali-lontar-tatwa-maha-jnana-300ppi.pdf/47
Kaca puniki sampun kauji-wacén
