[᭖᭒ 62B]
᭖᭒
ᬭᬢᬶᬄ᭞ᬲᬸᬫᬸᬭᬸᬧ᭄ᬲᬂᬳ᭄ᬬᬂᬭᬯᬶ᭞ᬫᬸᬗ᭄ᬕᬄᬲᬂᬓᬭᭀᬳᬢᬸᬭᬸ᭞ᬭᬶᬓᬂᬩᬮᬾᬓᬜ᭄ᬘᬡᬵ᭞ᬢᬦ᭄ᬘᬭᬶᬢᬵᬲᬦᬾᬫᬗ᭄ᬓᬶᬦ᭄᭞ᬤᬾᬦᬶᬂᬲᬫ᭄ᬧᬸᬦ᭄᭞ᬫᬢᭂᬫᬸᬭᬶᬂᬧᬲᬗ᭄ᬕᬫᬦ᭄᭟ᬫᬳᬵᬭᬵᬚ
ᬬᬸᬥᬶᬱ᭄ᬝᬶᬭ᭞ᬫᬧᬹᬡ᭄ᬬᬳᬶᬤᬦᬾᬫᬗ᭄ᬓᬶᬦ᭄᭞ᬭᬶᬂᬩ᭄ᬭᬳ᭄ᬫᬡᬵᬰᬶᬯᬵᬩᬸᬤ᭄ᬥ᭞ᬫ᭄ᬯᬂᬲᬢ᭄ᬭ᭄ᬬᬵᬬᭀᬥᬲᬫᬶ᭞ᬭᬵᬚ᭄ᬬᬫᬸᬮ᭄ᬬᬫᬲ᭄ᬫᬡᬶᬓ᭄᭞ᬬᭀᬕ᭄ᬬᬪᬸᬱᬡᬦᬶᬂᬧ᭄ᬭᬪᬸ᭞ᬫᬓᬤᬶᬧᬢᬭᬦ᭞ᬲᬸᬓᬵᬓᬳ᭄ᬬᬸ
ᬦ᭄ᬲᬂᬪᬸᬧᬢᬶ᭞ᬯᬢᭂᬓ᭄ᬜᬸᬭᬸ᭞ᬫᬓᬤᬶᬥᬬ᭄ᬗ᭄ᬳ᭄ᬬᬂᬧᬢᬶᬃᬣᬦ᭄᭟ᬫᬗᬲ᭄ᬢᬸᬢᬶᬥᬃᬫ᭄ᬫᬯᬗ᭄ᬰ᭞ᬗ᭄ᬕᬯᬾᬦᬂᬚᬬᬦᬾᬫᬗ᭄ᬓᬶᬦ᭄᭞ᬲᬯᬢᭂᬓᬶᬂᬲᬂᬧᬡ᭄ᬥᬯᬵ᭞ᬲᬓᬸᬮᬵᬲᬕᭀᬢ᭄ᬭᬲᬫᬶ᭞ᬉᬢ᭄ᬢᬫᬢᬦ᭄ᬲᬶᬦᬶ
ᬧᬶ᭞ᬢᬸᬢᬸᬭᬦ᭄ᬯᬶᬭᬵᬣᬧ᭄ᬭᬪᬸ᭞ᬢᬶᬦᬜᬤᬾᬲᬂᬦᬵᬣ᭞ᬲᬂᬚᬦᬫᬾᬚᬬᬢᬸᬯᬶ᭞ᬭᬶᬲᬂᬳᭂᬫ᭄ᬧᬸ᭞ᬪᬕᬯᬵᬦ᭄ᬯᬾᬲᬫ᭄ᬧᬾᬬᬦ᭟ᬓᬾᬢᭀᬢᬶᬗ᭄ᬓᬄᬲᬂᬧᬡ᭄ᬥᬯᬵ᭞ᬫᬸᬗ᭄ᬕᬸᬄᬭᬶᬂᬯᬶᬭᬵᬣᬪᬸ
[᭖᭓ 63A]
ᬫᬶ᭞ᬓᬵᬮᬦᬶᬭᬵᬗ᭄ᬯᬗᬸᬦ᭄ᬢᬧ᭞ᬤ᭄ᬯᬤᬰᬯᬃᬱᬦᬾᬫᬗ᭄ᬓᬶᬦ᭄᭞ᬫᬫᬋᬓᬦ᭄ᬫᬜᬶᬮᬶᬩ᭄᭞ᬭᬶᬂᬫᬓ᭄ᬱ᭄ᬬᬥᬶᬧᬧ᭄ᬭᬪᬸ᭞ᬫᬗ᭄ᬓᬵᬮ᭄ᬯᬶᬭᬶᬂᬘᬭᬶᬢᬵ᭞ᬯᬶᬭᬵᬣᬧᬃᬯ᭄ᬯᬓᬧᬸᬚᬶ᭞ᬫᬮᬶᬄᬫᬢᬹᬃ᭞ᬲᬂᬧ᭄ᬭᬪᬸ
ᬚᬦᬫᬾᬚᬬᬵ᭟ᬇᬗ᭄ᬕᬶᬄᬭᬢᬸᬲᬂᬧᬡ᭄ᬥᬶᬢ᭞ᬲᬧᬸᬦᬧᬶᬉᬢ᭄ᬢᬫᬦᬶᬂ᭞ᬢᬸᬢᬸᬭᬦ᭄ᬯᬶᬭᬵᬣᬧᬃᬯ᭄ᬯ᭞ᬲᬫ᭄ᬧᬾᬬᬦᬫᬢᬹᬃᬕᭂᬮᬶᬲ᭄᭞ᬇᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬲᬸᬓᬵᬢᬶᬢ᭄ᬬᬂᬫᬧᬶᬢᬸᬢᬸᬃ᭞ᬢᬫᬦᬶᬂᬯᬶᬭᬵᬣ
ᬧᬃᬯ᭄ᬯ᭞ᬧᬥᬮᬯᬦ᭄ᬳᬕᬫᬵᬤᬶ᭞ᬢᬶᬃᬣᬲ᭄ᬭᬬᬸ᭞ᬢᬫᬦᬶᬂᬯᬶᬭᬵᬣᬧᬃᬯ᭄ᬯ᭟ᬳᬫ᭄ᬧᬸᬭᬬᬂᬳᬸᬕᬶᬢᬶᬢ᭄ᬬᬂ᭞ᬮᬶᬦ᭄ᬢᬂᬢᬫ᭄ᬩᭂᬢ᭄ᬫᬩᭂᬢ᭄ᬭᬶᬭᬶᬄ᭞ᬫᬗᬧᬸᬲ᭄ᬯᬶᬭᬵᬣᬧᬃᬯ᭄ᬯ᭞ᬫᬦᬶᬗ᭄ᬕᬭᬂᬫᬸᬜᬶᬩᬮᬶ᭞ᬢᬦ᭄ᬓᬲᬶᬤ᭄ᬥᬦᬶᬂᬓ
ᬧ᭄ᬝᬶ᭞ᬘᬭᬶᬢᬦᬾᬫᬸᬜ᭄ᬚᬸᬓ᭄ᬮᬸᬗ᭄ᬲᬸᬃ᭞ᬳᬶᬲᭂᬂᬳᬗ᭄ᬕᬾᬦ᭄ᬫᬫᬸᬃᬡ᭄ᬦᬬᬂ᭞ᬢᬸᬚᬸᬦᬾᬢᭂᬓᬢᬦ᭄ᬫᬭᬶ᭞ᬩᭂᬚᬄᬩᭂᬚᬸᬄ᭞ᬤᬶᬩᬮᬾᬦᬾᬫᬫᬸᬮᬶᬲᬄ᭟ᬗ᭄ᬭᬫ᭄ᬩᬂᬘᬭᬶᬢᬦᬾᬮᬯᬲ᭄᭞ᬤᬸᬓ᭄ᬓᬺᬢ᭄ᬢᬵᬚᬕᬢᬾᬭᬶᬳᬶᬦ᭄᭞
Kaca:Bali-lontar-paparikan-wiratha-parwa-300ppi.pdf/63
Kaca puniki sampun kauji-wacén
