[᭖᭓ 63B]
᭖᭓
ᬧᬺᬣᬓ᭄ᬚᬦᬵᬲᬫᬶᬗᬲᭀᬃ᭞ᬭᬶᬲᬂᬧ᭄ᬭᬪᬸᬢᬸᬯᬶᬚᭂᬭᬶᬄ᭞ᬧᬡ᭄ᬥᬶᬢᬵᬥᬃᬫ᭄ᬫᬲᬫᬶ᭞ᬗ᭄ᬕᬯᬾᬦᬂᬕᬸᬫᬶᬭᬳᬬᬸ᭞ᬳᬲᬶᬂᬢᬡ᭄ᬥᬸᬃᬫᬳᬾᬫ᭄ᬩᭀᬗᬦ᭄᭞ᬲᬲᬩ᭄ᬫ᭄ᬭᬡᬵᬢᬸᬯᬶᬫᬭᬶ᭞ᬤᬤᬶᬳᬦᬸᬢ᭄᭞ᬧᬥᬫ
ᬗᬶᬥᭂᬧ᭄ᬓᬥᬃᬫ᭄ᬫᬦ᭄᭟ᬓᬵᬮᬦᬶᬂᬢ᭄ᬭᬾᬢ᭄ᬢᬦᬶᬂᬚᬕᬢ᭄᭞ᬲᬂᬭᬢᬸᬓᬲᬶᬤ᭄ᬥᬾᬦ᭄ᬰᬓ᭄ᬢᬶ᭞ᬫᬜᬮᬦᬂᬲᬲ᭄ᬢ᭄ᬭᬵᬕᬫ᭞ᬧᬕᭂᬄᬫᬗ᭄ᬭᬯᭀᬲᬶᬦ᭄ᬕᬸᬫᬶ᭞ᬲᭂᬧᬢ᭄ᬲᬶᬓᬸᬓᬢᬶᬦ᭄ᬤᬶᬄ᭞ᬫ᭄ᬯᬂᬉᬧᬬᬦᬾᬘᬢᬹᬃ᭞ᬪᬾᬥᬵ
ᬤᬦᬲᬵᬫᬥᬡ᭄ᬥ᭞ᬢᬦᬾᬓᬳᬾᬮᬶᬗᬂᬲᬳᬶ᭞ᬤᬾᬲᬂᬧ᭄ᬭᬪᬸ᭞ᬓ᭄ᬭᬡᬢᬦ᭄ᬯᬦᬶᬮᬸᬫᬶᬳᬢ᭄᭟ᬯᬢᭂᬓᬶᬂᬧᬭᬧᬸᬗ᭄ᬕᬯᬵ᭞ᬧ᭄ᬭᬩᭂᬓᭂᬮ᭄ᬫᬜ᭄ᬘᬦᬾᬲᬫᬶ᭞ᬢᬸᬯᬶᬧᬥᬗᬮᬧ᭄ᬓᬲᭀᬃ᭞ᬫᬮᬶᬂᬢᭂᬋ
ᬧ᭄ᬢᬦᬯᬦᬶ᭞ᬓᬚᬩᬓᬸᬣᬮᬶᬮᬶᬄ᭞ᬤᬾᬦᬶᬂᬓᬲᬶᬤ᭄ᬥᬾᬦ᭄ᬲᬂᬧ᭄ᬭᬪᬸ᭞ᬧ᭄ᬭᬲᬫᬵᬕᬭᬯᬮᬦ᭄᭞ᬧᬥᬵᬫᬗᬢᬸᬭᬂᬳᬲᬶᬮ᭄᭞ᬭᬶᬂᬲᬂᬧ᭄ᬭᬪᬸ᭞ᬳᬶᬥᭂᬧ᭄ᬦ᭄ᬬᬢᬦ᭄ᬳᬮᬗᬮᬂ᭟ᬓᬵᬮᬦᬶᬂᬚᬕᬢ᭄ᬤ᭄ᬯᬧᬭ᭞ᬲᬂ
[᭖᭔ 64A]
ᬯᬱ᭄ᬬᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬧᬥᬵᬫᬗᬬᬸᬧᬃᬬ᭄ᬬᬗᬦ᭄᭞ᬫᬬᬰᬗᬺᬡᬦᬶᬂᬕᬸᬫᬶ᭞ᬢᬢᭀᬦ᭄ᬢᭀᬦᬦᬾᬩᭂᬘᬶᬓ᭄᭞ᬮᬾᬕᭀᬂᬕᬫ᭄ᬩᬸᬄᬢᬸᬧᬾᬂᬇᬓᬸ᭞ᬧᬥᬵᬫᬯᬲ᭄ᬢ᭄ᬭᬵᬩᬸᬗᬄ᭞ᬧᬗᬗ᭄ᬕᭀ
ᬦᬾᬫᭂᬮᬄᬲᬶᬗ᭄ᬕᬶᬄ᭞ᬪᬓ᭄ᬢᬶᬢᬸᬳᬸ᭞ᬧᬗᬲ᭄ᬢ᭄ᬭᬯᬦᬾᬭᬶᬂᬤᬾᬯᬵ᭟ᬓᬢᭂᬓᬦ᭄ᬓᬮᬶᬲᬗ᭄ᬳᬭᬵ᭞ᬲᬂᬲᬸᬤ᭄ᬭᬵᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬫᬬᬰᬵᬫᭂᬘᬶᬓᬂᬫᬃᬕ᭄ᬕ᭞ᬫᬫᭀᬦ᭄ᬤᭀᬂᬩᬢᬸᬦᬾᬲᬳᬶ᭞ᬦᬾᬧ᭄ᬭᬕᬢ᭄ᬩᬸ
ᬯᬶᬦ᭄ᬚᬸᬫᬸᬦᬶᬦ᭄᭞ᬲᭂᬮᬶᬤ᭄ᬲᭀᬭᬾᬦᬶᬓᬸᬮ᭄ᬩ᭄ᬮᬶᬬᬸᬂ᭞ᬫᬦᬄᬧᬥᬵᬤ᭄ᬯᬧᬭ᭞ᬢᬦ᭄ᬫᬭᬶᬫᬗᬸᬧᭂᬢ᭄ᬕᬸᬲ᭄ᬢᬶ᭞ᬢᬦ᭄ᬭᬳᬬᬸ᭞ᬤᬾᬦᬶᬂᬲᬓᬶᬢ᭄ᬢᬦ᭄ᬧᬓᬮ᭟ᬧᬦᬲ᭄ᬗᬭᬦᬾᬫᬗᭂᬦ᭄ᬢᬓ᭄᭞ᬓᬢᬶᬩᬦᬦ᭄ᬳᬸᬚ
ᬦ᭄ᬳᬧ᭄ᬯᬶ᭞ᬓᬤᬸᬮᬸᬭᬦ᭄ᬲᬲᬩ᭄ᬫ᭄ᬭᬡ᭞ᬕ᭄ᬭᬶᬂᬢᬦ᭄ᬧᬓᬮᬵᬦᭂᬓᬦᬶ᭞ᬥᬢ᭄ᬢᬵᬳᬗ᭄ᬕᬾᬦ᭄ᬫᬗᬺᬡᬦᬶᬦ᭄᭞ᬳᬲᬶᬂᬗ᭄ᬕᬯᬾᬦᬂᬭᬳᬬᬸ᭞ᬢᬦ᭄ᬧᬢᬸᬢ᭄ᬳᬗ᭄ᬕᬾᬦ᭄ᬤᬾᬯᬵ᭞ᬲᬂᬳ᭄ᬬᬂᬩᬭᭀᬗᬾᬓᬧᬸᬚᬶ᭞ᬢ᭄ᬯᬭᬗᬶᬢᬸᬂ᭞
Kaca:Bali-lontar-paparikan-wiratha-parwa-300ppi.pdf/64
Kaca puniki sampun kauji-wacén
