[᭖᭑ 61B]
᭖᭑
ᬡᬧᬭᬕᬵᬲᬫᬶ᭞ᬯᬾᬤ᭄ᬥᬳᬚᬸᬃ᭞ᬫᬓᬤᬶᬪᬕᬯᬵᬦ᭄ᬤᭀᬫ᭄ᬬ᭟ᬦᬾᬫᬗ᭄ᬓᬶᬦ᭄ᬲᬫᬶᬥᬢᬂ᭞ᬯᬢᭂᬓ᭄ᬬᬥᬸᬓᬸᬮᬵᬲᬫᬶ᭞ᬫᬓᬤᬶᬲᬂᬩᬮᬤᬾᬯᬵ᭞ᬫᬦ᭄ᬢ᭄ᬭᬶᬧᬸᬗ᭄ᬕᬯᬵᬦᬾᬍᬯᬶᬄ᭞ᬇᬦ᭄ᬤ᭄ᬭᬵ
ᬲᬾᬦᬧᬶᬢᬸᬯᬶ᭞ᬯᬤ᭄ᬯᬦᬶᬭᬵᬥᬃᬫ᭄ᬫᬲᬸᬦᬸ᭞ᬧ᭄ᬭᬲᬫᬵᬲᬳᬬᬦ᭄ᬜ᭞ᬧᬥᬳᬦᬸᬗ᭄ᬕᬗᬶᬦ᭄ᬳᬱ᭄ᬝᬶ᭞ᬓᬸᬤᬲᬶᬬᬸ᭞ᬧᬤᬣᬶᬦ᭄ᬬᬧᬶᬭᬂᬓᭀᬣ᭄ᬬᬦ᭄᭟ᬢᬦ᭄ᬳᬸᬘᬧᭂᬦ᭄ᬲᬃᬯ᭄ᬯᬫᬸᬮ᭄ᬬ᭞ᬧᬯᬾᬄᬓᬺᬱ᭄ᬡᬵᬧᬥᬵ
ᬍᬯᬶᬄ᭞ᬲᬫᬶᬓᬢᬹᬃᬭᬶᬂᬧᬡ᭄ᬥᬯᬵ᭞ᬓᬮᬶᬄᬪᬸᬱᬡᬦᬶᬂᬳᬶᬲ᭄ᬢ᭄ᬭᬶ᭞ᬫᬲ᭄ᬫᬡᬶᬓ᭄ᬥᭀᬥᭀᬢ᭄ᬫᬮᬶᬢ᭄᭞ᬧᬢᬸᬢ᭄ᬪᬸᬱᬡᬦᬶᬂᬧ᭄ᬭᬪᬸ᭞ᬮᬸᬫᭂᬓᬲ᭄ᬫᬓ᭄ᬱ᭄ᬬᬥᬶᬧ᭞ᬲᬂᬓᬺᬱ᭄ᬡᬵᬢᬸᬯᬶᬜᬋᬗᬶᬦ᭄᭞ᬕᭂᬮᬶᬲ᭄ᬧᬸᬧᬸ
ᬢ᭄᭞ᬗ᭄ᬕᬯᬾᬩᬦ᭄ᬢᭂᬦ᭄ᬧᬯᬶᬯᬳᬦ᭄᭟ᬳᬶᬦ᭄ᬬᬲᬦ᭄ᬳᬶᬓᬸᬂᬩᬲᬪᬦ᭄᭞ᬳᬸᬗ᭄ᬕ᭄ᬯᬦ᭄ᬲᬂᬭᬢᬸᬍᬯᬶᬄ᭞ᬳᬸᬫᬸᬲ᭄ᬯᬭᬦᬶᬂᬓᭂᬡ᭄ᬥᬂᬕᭀᬂ᭞ᬫ᭄ᬯᬂᬲᬸᬗᬸᬢᬶᬢᬶᬃᬫᬸᬦᬶ᭞ᬲᬃᬯ᭄ᬯᬧᬯᬶᬢ᭄ᬭᬲᬫᬶ᭞ᬧ᭄ᬭᬯᬾᬱ᭄ᬬᬵ
[᭖᭒ 62A]
ᬲᬫᬶᬫᬗᬶᬤᬸᬂ᭞ᬧᬥᬳᬾᬕᬃᬕᬭᬯᬮᬦ᭄᭞ᬫᬜᭂᬦ᭄ᬢᭀᬓᬦ᭄ᬫᬸᬜᬶᬫᬦᬶᬲ᭄᭞ᬤᬾᬦᬶᬂᬓᬲᬸᬩ᭄᭞ᬲᬯᬢᭂᬓᬶᬂᬧᬭᬳᬶᬲ᭄ᬢ᭄ᬭ᭄ᬬᬵ᭟ᬧᬗᬗ᭄ᬕᭀᬦᬾᬮᬶᬦ᭄ᬢᬂᬩᬸᬗᬄ᭞ᬫᬲᬩᬸᬓ᭄ᬫᬧ᭄ᬭᬤ᭄ᬥᬲᬫᬶ᭞ᬧᬚ
ᬚᬮᬦᬾᬤᭀᬫ᭄ᬧᭀᬤᬾᬫ᭄ᬧᭀ᭞ᬫᬲ᭄ᬮᬾᬬᭀᬕᬦᭀᬮᬶᬄᬓᭀᬭᬶ᭞ᬳᬶᬭᬶᬗᬦ᭄ᬤ᭄ᬬᬄᬉᬢ᭄ᬢᬭᬶ᭞ᬲᬫᬶᬜ᭄ᬚᬬᬾᬂᬭᬶᬂᬧᬭᬸᬫ᭄ᬭᬸᬫ᭄᭞ᬫᬯᭂᬯᭂᬳᬶᬦ᭄ᬭᬸᬧᬦ᭄ᬬ᭞ᬭᬵᬚᬧᬸᬢ᭄ᬭᬶᬲᬂᬉᬢ᭄ᬢᬭᬶ᭞ᬢᬸᬯᬶᬓᬲᬸ
ᬩ᭄᭞ᬓᬤᬶᬯᬸᬮᬦᬶᬂᬧᬹᬃᬡ᭄ᬦᬫ᭟ᬲᬂᬓᬤᬶᬲᬂᬳ᭄ᬬᬂᬲ᭄ᬫᬭ᭞ᬲᬂᬪᬶᬫᬦ᭄ᬬᬸᬳᬗ᭄ᬭᬡᬦᬶᬦ᭄᭞ᬲᬧᬯᬸᬢ᭄ᬯᬃᬡ᭄ᬦᬦ᭄ᬬᬓᬭᭀ᭞ᬓᬤᬶᬲᬸᬃᬬ᭄ᬬᬘᬦ᭄ᬤ᭄ᬭᬚᬢᬶ᭞ᬧᬥᬵᬫᬢᭂᬫᬸᬮᬶᬭᬶᬂ᭞ᬭᬶᬂᬚᭂᬫ᭄ᬧᬡᬵᬫᬲ᭄ᬳᬸᬫᬸᬗ᭄ᬕᬸᬄ
᭞ᬳᬸᬭᬸᬳᬶᬂᬘᬾᬱ᭄ᬝᬓᬵᬭ᭞ᬢᬦ᭄ᬳᬕᬾᬦᭂᬫᬸᬓᬭᬰ᭄ᬫᬶᬦ᭄᭞ᬲᬸᬓᬵᬦ᭄ᬤᬸᬮᬸ᭞ᬯᬢᭂᬓᬶᬂᬯᬶᬭᬣᬧᬸᬭ᭟ᬧᬥᬵᬲᬸᬓᬵᬲᬂᬢᬸᬫᬶᬗ᭄ᬳᬮ᭄᭞ᬲᬫᬶᬫᬗᬢᬸᬭᬂᬪᬓ᭄ᬢᬶ᭞ᬳᭂᬩᬸᬓ᭄ᬧᬤᬦᬾᬲᬂᬓᬭᭀ᭞ᬲᬂᬮ᭄ᬯᬶᬃᬲ᭄ᬫᬭ
Kaca:Bali-lontar-paparikan-wiratha-parwa-300ppi.pdf/62
Kaca puniki sampun kauji-wacén
