[᭕᭗ 57B]
᭕᭗
ᬤᬾᬯᬧᬸᬢ᭄ᬭ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬤᬾᬯᬵᬕᬸᬫᬶᬜ᭄ᬚᬬᬵ᭞ᬫᬗ᭄ᬓᬾᬳᭂᬦ᭄ᬤᬶᬳᬸᬗ᭄ᬕ᭄ᬯᬦᬶᬭ᭞ᬤᬾᬯᬵᬧᬸᬢ᭄ᬭᬦᬾᬍᬯᬶᬄ᭞ᬩᬧᬵᬫᬶᬲᬥ᭄ᬬ᭞ᬫᬜᬫ᭄ᬩ᭄ᬭᬫᬵᬫᬓᭀᬮᬶᬳᬶᬦ᭄᭟ᬤ᭄ᬬᬄᬉᬢ᭄ᬢ
ᬭᬶᬯᬾᬳᬓᭂᬦᬭᬶᬲᬶᬭ᭞ᬲᬳᬵᬤᬸᬮᬸᬃᬫᬲ᭄ᬫᬡᬶᬓ᭄᭞ᬲᬳᬰ᭄ᬭᬘᬾᬣᬶᬓᬵ᭞ᬯᬭᬄᬳᭂᬦ᭄ᬤᬶᬧᬭᬦ᭄ᬬ᭞ᬕᬸᬫᬶᬜ᭄ᬚᬬᬵᬫᬢᬹᬃᬳᬭᬶᬲ᭄᭞ᬇᬗ᭄ᬕᬶᬄᬲᬂᬦᬵᬣ᭞ᬢᬦ᭄ᬳᬸᬦᬶᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬅ
ᬦ᭄ᬢᬃᬮᬶᬡᬵᬳᬶᬤᬭᬶᬳᬸᬯᬸᬲᬶᬂᬚᬬᬵ᭞ᬳᬦᬵᬩᬶᬮᬲᬦ᭄ᬬᬗᬸᬦᬶ᭞ᬕᭂᬮᬶᬲ᭄ᬓᬂᬢᭂᬫᬸᬳ᭞ᬭᬶᬮᬶᬗ᭄ᬕᬶᬄᬦᬭᬦᬵᬣᬵ᭞ᬲᬂᬧ᭄ᬭᬪᬸᬲᬸᬓᬵᬳᬗᬧᬶ᭞ᬭᬶᬳᬢᬹᬭᬶᬭ᭞ᬕᬸᬫᬶᬜ᭄ᬚᬬᬦᬾᬫᬗ᭄ᬓᬶᬦ᭄᭟ᬓᭂᬥᬶ
ᬯᬺᬦ᭄ᬤᬮᬵᬫᬦ᭄ᬢᬸᬓ᭄ᬧᬕᬺᬳᬦᬶᬭ᭞ᬭᬶᬳᬸᬗ᭄ᬕ᭄ᬯᬦᬶᬭᬾᬗᬸᬦᬶ᭞ᬗᬯᬵᬚᬚᬭᬳᬦ᭄᭞ᬫᬓᬤᬶᬯᬲ᭄ᬢ᭄ᬭᬮᬗ᭄ᬓᬭ᭞ᬓᬢᬸᬭᬶᬲᬂᬤ᭄ᬬᬄᬉᬢ᭄ᬢᬭᬶ᭞ᬳᬦ᭄ᬢ᭄ᬬᬦ᭄ᬢᬕᬶᬭᬂ᭞ᬲᬗᬸᬢ᭄ᬢᬭᬶᬦᬫ᭄ᬧᬾᬦᬶᬦ᭄᭟
[᭕᭘ 58A]
ᬫᬯᬭᬄᬲᬂᬓᭂᬥᬶᬯᬺᬦ᭄ᬤᬮᬵᬭᬶᬂᬰᬹᬦ᭄ᬬᬵ᭞ᬫᬫᬶᬲᬶᬓᬶᬜ᭄ᬚᬬᬪᬸᬫᬶ᭞ᬭᬳᬲ᭄ᬬᬦᬶᬂᬘᬶᬢ᭄ᬢᬵ᭞ᬗᬫᬭᬦᬶᬂᬬᬸᬥᬶᬱ᭄ᬝᬶᬭ᭞ᬤᬾᬦᬶᬂᬲᬸᬩᬫᬕᬦ᭄ᬢᬶ᭞ᬫᬲᬮᬶᬦ᭄ᬭᬸᬧ᭞ᬫᬕᭀᬩᬧᬡ᭄ᬥᬯᬚ
ᬢ᭄ᬢᬶ᭟ᬤᬾᬦᬶᬂᬧ᭄ᬭᬕᬢ᭄ᬲᭂᬗ᭄ᬓᭂᬃᬤ᭄ᬯᬤᬰᬯᬃᬱ᭞ᬫᬤ᭄ᬬᬸᬲ᭄ᬲᬂᬧᬡ᭄ᬥᬯᬵᬲᬫᬶ᭞ᬫᬸᬯᬄᬫᬭᬹᬧᬲᬢ᭄ᬭ᭄ᬬ᭞ᬤᬸᬫᬸᬦᬸᬂᬭᬶᬂᬧᬗᬲ᭄ᬢ᭄ᬭ᭄ᬬᬦ᭄᭞ᬮᬶᬗ᭄ᬕᬶᬄᬫᬓ᭄ᬱ᭄ᬬᬧᬢᬶᬗᬸᬦᬶ᭞ᬧᬗᬸᬮᬸᬲᬶᬭ᭞ᬲᬂᬥᬃᬫ᭄ᬫᬯᬗ᭄ᬰᬦᬾᬫᬗ᭄ᬓᬶ
ᬦ᭄᭟ᬓᬕ᭄ᬬᬢ᭄ᬫᬸᬮᬢ᭄ᬫᬳᬵᬭᬚᬯᬶᬭᬣ᭞ᬗᬢᭀᬦᬂᬭᬹᬧᬦᬾᬍᬯᬶᬄ᭞ᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭ᭞ᬇᬦᬶᬭᬶᬂᬤᬾᬦᬶᬂᬕᬦ᭄ᬤᬃᬯ᭄ᬯ᭞ᬤᬶᬦᬸᬮᬸᬃᬲᬂᬧᭂᬢᬂᬲᬶᬓᬶ᭞ᬫᭀᬚᬃᬢᬲᬶᬭ᭞ᬲᬂᬧ᭄ᬭᬪᬸᬫᬓ᭄ᬱ᭄ᬬᬧᬢᬶ᭟ᬳ
ᬧᬵᬓ᭄ᬭᬡᬫᬭᬶᬫᬭᬹᬧᬵᬩ᭄ᬭᬳ᭄ᬫᬡ᭞ᬲᬢ᭄ᬭ᭄ᬬᬵᬭᬹᬧᬦᬾᬫᬗ᭄ᬓᬶᬦ᭄᭞ᬮᬸᬗ᭄ᬕᬸᬄᬧᬢᬭᬡ᭞ᬯᬭᬄᬕᬢᬶᬭᬲᬶᬓᬵ᭞ᬲᬗᬃᬚ᭄ᬚᬸᬡᬫᬜᬯᬸᬭᬶᬦ᭄᭞ᬇᬗ᭄ᬕᬶᬄᬲᬂᬦᬵᬣ᭞ᬢᬶᬢ᭄ᬬᬂᬦᬃᬣᬬᬂᬦᬾᬫᬗ᭄ᬓᬶᬦ᭄᭟
Kaca:Bali-lontar-paparikan-wiratha-parwa-300ppi.pdf/58
Kaca puniki sampun kauji-wacén
