[᭕᭘ 58B]
᭕᭘
ᬤᬾᬦᬶᬂᬳᬶᬤᬵᬗᬮᬶᬗ᭄ᬕᬶᬳᬶᬦ᭄ᬮᬸᬗ᭄ᬓᬮᬸᬗ᭄ᬓ᭞ᬩ᭄ᬭᬳ᭄ᬫᬵᬯᬗ᭄ᬰᬳᬶᬤᬢᬸᬯᬶ᭞ᬢᬸᬗ᭄ᬕᬮ᭄ᬭᬶᬂᬳ᭄ᬬᬂᬇᬦ᭄ᬤ᭄ᬭ᭞ᬧᬕᭂᬄᬭᬶᬂᬤᬾᬯᬵᬧᬹᬚ᭞ᬜᬮᬦᬂᬓᬮᬶᬗᬦ᭄ᬳᬚᬶ᭞ᬰᬓ᭄ᬢᬭᬶᬂᬩ᭄ᬭᬢ᭄ᬢ᭞ᬳᭀᬮᬲ᭄ᬭᬶᬲᬂᬓᬵᬰᬶᬳᬰᬶᬄ
᭟ᬢᬗᬾᬄᬬᬦ᭄ᬘᬭᬶᬢᬬᬂᬉᬢ᭄ᬢᬫᬦᬶᬭᬵ᭞ᬥᬃᬫ᭄ᬫᬵᬯᬗ᭄ᬰᬳᬶᬤᬚᬢᬶ᭞ᬭᬢᬸᬇᬦ᭄ᬤ᭄ᬭᬧ᭄ᬭᬱ᭄ᬝᬵ᭞ᬳᬧᬓ᭄ᬭᬡᬢᬦ᭄ᬬᭀᬕ᭄ᬬ᭞ᬮᬸᬗ᭄ᬕᬸᬳᬦᬶᬂᬭᬢᬸᬍᬯᬶᬄ᭞ᬪᬶᬫᬵᬭᬶᬦᬶᬭ᭞ᬭᬹᬧᬩᬮᬯᬦᬾ
ᬗᬸᬦᬶ᭟ᬢᬦ᭄ᬫᬭᬶᬗ᭄ᬕᬯᬾᬦᬂᬢᬥᬳᬦ᭄ᬦᬭᬾᬦ᭄ᬤ᭄ᬭ᭞ᬲᬶᬦᬗ᭄ᬕᬸᬄᬕᬦ᭄ᬤᬃᬯ᭄ᬯᬵᬧᬢᬶ᭞ᬧᭂᬚᬄᬲᬂᬘᬘᬓᬵ᭞ᬳᬭᬶᬫᬗᬭᬦ᭄ᬦᬓᬸᬮᬵ᭞ᬫᬭᬹᬧᬵᬕ᭄ᬭᬦ᭄ᬢᬶᬓᬗᬸᬦᬶ᭞ᬯ᭄ᬭᬸᬳᬵᬰ᭄ᬯᬲᬶᬓ᭄ᬱ᭞ᬲᬳᬵᬤᬾᬯᬵᬲ
ᬗ᭄ᬳᬭᬶ᭟ᬯ᭄ᬭᬸᬳᬵᬭᭀᬂᬕᬸᬡᬯᬃᬢ᭄ᬢᬦᬶᬓᬂᬯᬺᬲᬤ᭞ᬓᬸᬦᬂᬲᬶᬭᬵᬲᬂᬲᬸᬮᬦ᭄ᬤ᭄ᬭᬶ᭞ᬯ᭄ᬭᬸᬄᬫᬗ᭄ᬭᬘᬶᬓᬵᬂ᭞ᬳᭀᬥᬓᬾᬲᬳᬯᬗ᭄ᬬ᭞ᬭᬲᬶᬓᬵᬤ᭄ᬬᬄᬤ᭄ᬭᭀᬧᬤᬶ᭞ᬢᬶᬢ᭄ᬬᬂᬅᬃᬚ᭄ᬚᬸᬡᬵ᭞ᬫᬭᬹᬧᬓᭂᬥᬶᬦᬾᬗᬸ
[᭕᭙ 59A]
ᬦᬶ᭟ᬫᬗ᭄ᬤᬳᬶᬤᬾᬯᬵᬢᬢᬲ᭄ᬲᬳᬸᬦᬶᬗ᭞ᬭᬶᬯᬢᭂᬓ᭄ᬧᬡ᭄ᬥᬯᬵᬲᬫᬶ᭞ᬓ᭄ᬭᬡᬇᬓᬶᬢᬶᬢ᭄ᬬᬂ᭞ᬫᬜᬶᬮᬶᬩ᭄ᬫᬫᬋᬓᬦ᭄᭞ᬭᬶᬧᬗ᭄ᬓᬚᬵᬦᬺᬧᬢᬶ᭞ᬫᬗ᭄ᬤᬵᬢᬦ᭄ᬯ᭄ᬭᬸᬳᬵ᭞ᬤᬾᬦᬶᬂᬲᬂᬓᬸᬭᬸᬧ
ᬢᬶ᭟ᬢᬸᬯᬶᬘᭀᬓᭀᬃᬳᬶᬤᬾᬯᬵᬮᬶᬦ᭄ᬢᬂᬲ᭄ᬯᬾᬘ᭄ᬙᬵ᭞ᬭᬶᬂᬢᬶᬢ᭄ᬬᬂᬇᬓᬶᬲᬫᬶ᭞ᬫᬢᬹᬃᬕᬸᬫᬶᬜ᭄ᬚᬬ᭞ᬦᬃᬢ᭄ᬢᬬᬂᬰᬓ᭄ᬢᬶᬦᬶᬭᬵ᭞ᬲᬂᬥᬦᬜ᭄ᬚᬬᬦᬾᬫᬗ᭄ᬓᬶᬦ᭄᭞ᬇᬗ᭄ᬕᬶᬄᬲᬂᬦᬵᬣ᭞ᬓᬤᬶᬳᬢᬹᬃ
ᬢᬶᬢ᭄ᬬᬂᬗᬸᬦᬶ᭟ᬲᬗᬃᬚ᭄ᬚᬸᬡᬫᬭᬹᬧᬵᬓᭂᬥᬶᬯᬺᬳᬦ᭄ᬤᬮ᭞ᬲᬥᬢᭂᬂᬲᬫᬭᬪᬸᬫᬶ᭞ᬲᬶᬗ᭄ᬳᬓᬺᬢᬶᬭᬹᬧ᭞ᬓᬂᬲᬶᬦᬗ᭄ᬕᬸᬄᬤᬾᬯᬧᬸᬢ᭄ᬭ᭞ᬫᬗᬲᭀᬭᬂᬫᬸᬲᬸᬳᬾᬲᬫᬶ᭞ᬢᬦ᭄ᬳᬶᬯᬂᬢᬶᬢ᭄ᬬᬂ᭞ᬫᬭᬩ᭄ᬳᬶᬦ᭄ᬤ᭄ᬭᬵ
ᬧᬸᬢ᭄ᬭᬗᬸᬦᬶ᭟ᬫᬗ᭄ᬓᬶᬦ᭄ᬧᬸᬦᬧᬶᬓᬳ᭄ᬬᬸᬦ᭄ᬘᭀᬓᭀᬃᬳᬶᬤᬾᬯᬵ᭞ᬥᬹᬳᬦᬓ᭄ᬲᬜ᭄ᬚᬬᬪᬸᬫᬶ᭞ᬚᬢᬶᬳᬶᬥᭂᬧ᭄ᬩᬧᬵ᭞ᬓᬤᬶᬫᬸᬜᬶᬦ᭄ᬩᬧᬵᬓᬸᬦ᭞ᬲᬂᬧᬸᬢ᭄ᬭᬶᬤ᭄ᬬᬄᬉᬢ᭄ᬢᬭᬶ᭞ᬧᬯᬾᬳᬦ᭄ᬩᬧᬵ᭞ᬭᬶᬥᬦᬜ᭄ᬚ
Kaca:Bali-lontar-paparikan-wiratha-parwa-300ppi.pdf/59
Kaca puniki sampun kauji-wacén
