[᭕᭖ 56B]
᭔᭕
ᬤᬶᬯᬤᬵᬲᬂᬪᬸᬧᬢᬶ᭞ᬫ᭄ᬯᬂᬤ᭄ᬯᬶᬚᬓᬗ᭄ᬓ᭞ᬲᬂᬦᬵᬣᬫᬓ᭄ᬱ᭄ᬬᬥᬶᬧ᭞ᬢᬦ᭄ᬫᬭᬶᬳᬫᬸᬚᬶᬫᬸᬚᬶ᭞ᬰᬓ᭄ᬢᬶᬦᬶᬂᬳᬦᬓ᭄᭞ᬭᬶᬳᬋᬧ᭄ᬯᬺᬦ᭄ᬤᬮᬵᬓᭂᬥᬶ᭟ᬘᬳᬶᬧ᭄ᬬᬦᬓ᭄ᬩᬧᬵᬲᬪᬸᬫᬶᬜ᭄ᬚᬬ᭞ᬍᬯᬶᬄᬪᬕ᭄ᬬ
ᬩᬧᬵᬚᬦᬶ᭞ᬫᬧ᭄ᬬᬦᬓ᭄ᬳᬶᬤᬾᬯᬵ᭞ᬫᬩ᭄ᬬᬂᬤ᭄ᬬᬄᬲᬸᬥᬾᬱ᭄ᬡᬵ᭞ᬢᬦᬦᬢᬸᬯᬶᬦᬦ᭄ᬤᬶᬗᬶᬦ᭄᭞ᬰᬓ᭄ᬢᬶᬦ᭄ᬳᬶᬤᬾᬯᬵ᭞ᬫᬗᬲᭀᬭᬂᬰᬢ᭄ᬭᬸᬍᬯᬶᬄ᭟ᬳᬧᬵᬢᬶᬗ᭄ᬓᬳᬶᬂᬧ᭄ᬭᬗ᭄ᬮᬯᬦ᭄ᬓᭀᬭᬯᬵ᭞ᬦᬦ᭄ᬤᬶ
ᬗᬶᬦ᭄ᬪᬶᬱ᭄ᬫᬵᬫᬓᬤᬶ᭞ᬥᬂᬳ᭄ᬬᬂᬓᬺᬧᬵᬰ᭄ᬘᬃᬬ᭄ᬬᬵ᭞ᬤ᭄ᬭᭀᬡᬓᬃᬡ᭄ᬦᬰ᭄ᬯᬢ᭄ᬢᬫᬵ᭞ᬫᬓᬤᬶᬓᬸᬭᬸᬧᬢᬶ᭞ᬓ᭄ᬭᬡᬵᬳᬶᬤᬾᬯᬵ᭞ᬫᬺᬚᬬᬭᬶᬂᬭᬡᬪᬸᬫᬶ᭟ᬲᬂᬪᬸᬫᬶᬜ᭄ᬚᬬᬫᬢᬸᬃᬲᬳᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸ
ᬲᬂᬪᬸᬧᬢᬶ᭞ᬩᭀᬬᬲᬓᬶᬂᬢᬶᬢ᭄ᬬᬂ᭞ᬳᬯᬶᬦᬦ᭄ᬲᭀᬃᬓᭀᬭᬯᬵ᭞ᬳᬦᬤᬾᬯᬧᬸᬢ᭄ᬭᬰᬓ᭄ᬢᬶ᭞ᬳᬦᬓ᭄ᬳ᭄ᬬᬂᬇᬦ᭄ᬤ᭄ᬭ᭞ᬗᬲᭀᬭᬂᬫᬸᬲᬸᬳᬾᬲᬫᬶ᭟ᬧᭂᬲᬾᬗᬦ᭄ᬳᬶᬤᬲᬂᬍᬯᬶᬄᬤᬾᬯᬵᬧᬸ
[᭕᭗ 57A]
ᬢ᭄ᬭ᭞ᬢᬸᬯᬶᬢᬶᬢ᭄ᬬᬂᬢᬦ᭄ᬳᬸᬦᬶᬂ᭞ᬢᬶᬢ᭄ᬬᬂᬫᬭᬶᬂᬓᬸᬦ᭞ᬢᬸᬯᬶᬚ᭄ᬭᬶᬄᬫᬗᬢᭀᬦᬂ᭞ᬯᬢᭂᬓ᭄ᬳᬲ᭄ᬢᬶᬦᬦᬾᬗᬸᬦᬶ᭞ᬲᬂᬤᬾᬯᬵᬧᬸᬢ᭄ᬭ᭞ᬫᬓᭀᬦ᭄ᬢᬶᬢ᭄ᬬᬂᬢᬸᬮᬓ᭄ᬫᬮᬶᬄ᭟ᬮᬸᬫᭂᬓᬲ᭄ᬲᬂᬤᬾᬯᬵᬧᬸᬢ᭄ᬭ
ᬫᬧ᭄ᬭᬗ᭞ᬧ᭄ᬭᬲᬫᬰᬢ᭄ᬭᬸᬦᬾᬚ᭄ᬭᬶᬄ᭞ᬲᬓ᭄ᬭᬳᬶᬂᬓᭀᬭᬯᬵ᭞ᬳᬶᬤᬲᬂᬤᬾᬯᬵᬧᬸᬢ᭄ᬭ᭞ᬫᭀᬚᬭᬶᬂᬲᬂᬓᬸᬭᬸᬧᬢᬶ᭞ᬇᬄᬤᬹᬃᬬ᭄ᬬᭀᬥᬦ᭞ᬳᬧᬵᬓ᭄ᬭᬡᬵᬳᬶᬩᬯᭂᬥᬶ᭟ᬤᬸᬤᬸᬢᬶᬗ᭄ᬓᬳᬶᬂᬲᬢ᭄ᬭᬶ
ᬬᬲᬸᬭᬸᬤ᭄ᬭᬶᬂᬭᬡ᭞ᬬᬦ᭄ᬢᬸᬯᬶᬳᬶᬩᬵᬚᭂᬭᬶᬄ᭞ᬤᬶᬮᬄᬧᬤᬸᬓᬵᬗ᭄ᬓ᭄ᬯ᭞ᬓ᭄ᬭᭀᬥᬲᬂᬓᬸᬭᬸᬦᬵᬣ᭞ᬰᬺᬗᭂᬦ᭄ᬫᬢᬸᬮᬓ᭄ᬫᬮᬶᬄ᭞ᬲᬳᬬᬦᬶᬭ᭞ᬯᬢᭂᬓᬶᬂᬓᭀᬭᬯᬵᬲᬫᬶ᭟ᬇᬭᬓᬵᬋᬲ᭄ᬋᬲ᭄ᬫ
ᬦᬄᬧᬢᬶᬓ᭄ᬪᬝᬵᬭ᭞ᬓᬸᬫᭂᬢᭂᬃᬲᬸᬓᬸᬦᬾᬓᬮᬶᬄ᭞ᬕᭂᬮᬶᬲ᭄ᬤᬾᬯᬧᬸᬢ᭄ᬭ᭞ᬗᬼᬧᬲ᭄ᬳ᭄ᬭᬸᬲᬬᬓᬵ᭞ᬓᬤᬶᬲᬶᬗ᭄ᬳᬵᬗᬸᬗ᭄ᬲᬶᬳᬲ᭄ᬢᬶ᭞ᬯᬢᭂᬓ᭄ᬓᭀᬭᬯ᭞ᬫᬮᬬᬸᬓᬯ᭄ᬭᬶᬦ᭄ᬯ᭄ᬭᬶᬦ᭄᭟ᬕᬯᭀᬓ᭄ᬢᬶᬢ᭄ᬬᬂᬯᬶᬃᬬ᭄ᬬᬰᬓ᭄ᬢᬶ
Kaca:Bali-lontar-paparikan-wiratha-parwa-300ppi.pdf/57
Kaca puniki sampun kauji-wacén
