[᭕᭐ 50B]
᭕᭐
ᬢ᭄ᬢᬲᬶᬭᬪᬕᬯᬵᬦ᭄ᬪᬶᬱ᭄ᬫ᭞ᬓᬩᬗᬦ᭄ᬲᬶᬭᬢᬸᬫᬸᬮᬶ᭞ᬦᬶᬯᬓᬂᬯᬭᬵᬲ᭄ᬢ᭄ᬭᬵ᭞ᬓᬳᬦᬦ᭄ᬯᬶᬫᭀᬳᬲ᭄ᬢ᭄ᬭ᭞ᬲᬶᬬᬸᬓ᭄ᬯᬾᬳᬶᬂᬧᬥᬍᬯᬶᬄ᭞ᬓᭂᬦᬲᬂᬧᬃᬣ᭞ᬓᬾᬩᭂᬓᬦ᭄ᬓᬸᬤᬲᬭᬣᬶ᭟ᬓ᭄ᬭᭀᬥᬵ
ᬲᬂᬧᬃᬣᬓᬤᬶᬓᬮᬵᬦ᭄ᬢᬓᬵ᭞ᬦᬶᬯᬓᬂᬯᬭᬵᬲ᭄ᬢ᭄ᬭᬍᬯᬶᬄ᭞ᬓᭂᬦᬧᬤᬣᬶᬦ᭄ᬬ᭞ᬢᭂᬓᬵᬦᬶᬂᬪᬕᬯᬦ᭄ᬪᬶᬱ᭄ᬫ᭞ᬲ᭄ᬭᬣᬶᬦ᭄ᬬᬲᬫ᭄ᬧᬸᬦ᭄ᬯᬶᬤᭀᬕᬶ᭞ᬪᬕᬯᬵᬦ᭄ᬪᬶᬱ᭄ᬫ᭞ᬓᬾᬭᬗᬦ᭄ᬓᬳ᭄ᬬᬸᬦᬾᬫᬗ᭄ᬓᬶ
ᬦ᭄᭟ᬲᬂᬥᬦᬜ᭄ᬚᬬᬩᬶᬗᬃᬗᬤᭂᬕᬶᬂᬭᬣ᭞ᬗᬮᬶᬮᬶᬃᬲᬂᬓᬸᬭᬸᬧᬢᬶ᭞ᬢᬶᬦᭀᬦ᭄ᬥᬦᬜ᭄ᬚᬬ᭞ᬍᬯᬶᬄᬩᬶᬗᬭᬶᬂᬯᬤᬦ᭞ᬫᬢᬹᬭᬶᬂᬪᬕᬯᬵᬦ᭄ᬓᬓᬶ᭞ᬳᬧᬳᬯᬦᬦ᭄᭞ᬲᬂᬧᬃᬣᬮᬸᬧᬸ
ᬢ᭄ᬦᬾᬫᬗ᭄ᬓᬶᬦ᭄᭟ᬪᬕᬯᬵᬦ᭄ᬪᬶᬱ᭄ᬫᬵᬗᬦ᭄ᬤᬶᬓᬵᬧ᭄ᬭᬦᬫ᭄ᬬᬵ᭞ᬤᬾᬯᬵᬲᬂᬓᬸᬭᬸᬧᬢᬶ᭞ᬫᬲᬵᬢᬦ᭄ᬳᬸᬦᬶᬗ᭞ᬳᬶᬤᬾᬯᬵᬓᬤᬶᬫᬗ᭄ᬓ᭄ᬬ᭞ᬢᬶᬗ᭄ᬓᬄᬲᬂᬧᬃᬣᬦᬾᬍᬯᬶᬄ᭞ᬢᬸᬯᬶᬳᬶᬤᬾᬯᬵ᭞ᬓᭂᬦᬲ᭄ᬬ
[᭕᭑ 51A]
ᬫᬵᬳᬵᬲ᭄ᬢ᭄ᬭᬍᬯᬶᬄ᭟ᬳᬲᬶᬂᬢᬸᬫᬡ᭄ᬥᬶᬗᬶᬦ᭄ᬲᬂᬧᬃᬣ᭞ᬲᬫᬶᬦ᭄ᬤᬢᬦ᭄ᬧᬗᬸᬤᬶᬮᬶᬦ᭄᭞ᬦᬗ᭄ᬓᭂᬧᬂᬧ᭄ᬭᬪᬵᬯ᭞ᬫᬕᬸᬢ᭄ᬲᬂᬥᬦᬜ᭄ᬚᬬ᭞ᬧᬧᬶᬦᭂᬄᬓᬓ᭄ᬬᬵᬦᬾᬚᬦᬶ᭞ᬢᬸᬮᬓᬓᭂᬦᬫ᭄ᬳᬶᬓᬵᬂ
ᬯᬺᬱᬪᬲᬫᬶ᭟ᬫᬗ᭄ᬤᬲᬸᬓᬵᬯᬢᭂᬓᬶᬂᬓᭀᬭᬯᬵᬬᭀᬥ᭞ᬤᬹᬃᬬ᭄ᬬᭀᬥᬦᬦᬾᬫᬗ᭄ᬓᬶᬦ᭄᭞ᬫᭂᬦᭂᬂᬢᬲᬶᬭ᭞ᬢᬸᬫᬸᬗ᭄ᬓᬸᬮ᭄ᬩᬲᬓᬾᬭᬗᬦ᭄᭞ᬯᬢᭂᬓ᭄ᬓᭀᬭᬯᬦᬾᬲᬫᬶ᭞ᬫᬗᬬᬸᬪᬕ᭄ᬬ᭞
ᬧᬶᬢᭂᬓᭂᬢ᭄ᬪᬶᬱ᭄ᬫᬦᬾᬍᬯᬶᬄ᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢᬸᬮᬓ᭄ᬲᬓ᭄ᬯᬾᬳᬶᬂᬧᬍᬫ᭄ᬩ᭄ᬯᬦ᭄᭞ᬫ᭄ᬯᬂᬧᬗᬗᭀᬦ᭄ᬬᬲᬫᬶ᭞ᬲᬸᬓᬥᬦᬜ᭄ᬚᬬ᭞ᬗ᭄ᬕᬯᬾᬧᬗᬸᬧᬓ᭄ᬱᬫ᭞ᬢᬵᬲ᭄ᬢ᭄ᬭᬳᬗ᭄ᬕᬾᬦ᭄ᬬᬘᬶᬭᬶ᭞ᬪᬕᬯᬵᬦ᭄ᬪᬶᬱ᭄ᬫ᭞ᬢᬶᬦᬸᬫ᭄ᬧ
ᬗᬦ᭄ᬦᬭᬶᬂᬓᭀᬧᬶᬂ᭟ᬥᬂᬳ᭄ᬬᬂᬤ᭄ᬭᭀᬡᬓᬺᬧᬵᬲᬗᬰ᭄ᬯᬢ᭄ᬢᬫ᭞ᬯᬢᭂᬓ᭄ᬧ᭄ᬭᬯᬶᬭᬦᬾᬲᬫᬶ᭞ᬲᬓ᭄ᬯᬾᬳᬶᬂᬓᭀᬭᬯᬵ᭞ᬫᬓᬤᬶᬲᬂᬤᬹᬃᬬ᭄ᬬᭀᬥᬦ᭞ᬢᬶᬦᬸᬫ᭄ᬧᬗᬦ᭄ᬳᬶᬓᬲᬫᬶ᭞ᬳᬓ᭄ᬱᬫᬵᬰᬵᬲ᭄ᬢ᭄ᬭ᭞ᬭᬶᬂᬫ
Kaca:Bali-lontar-paparikan-wiratha-parwa-300ppi.pdf/51
Kaca puniki sampun kauji-wacén
