[᭔᭙ 49B]
᭔᭙
ᬲᬢ᭄ᬭ᭄ᬬᬓᬦᬶᬦᬶᬸᬱ᭄ᬝᬦ᭄᭞ᬲᬂᬲᬸᬭᬸᬤ᭄ᬭᬶᬂᬭᬡᬪᬸᬫᬶ᭟ᬢᬦ᭄ᬫᬭᬶᬓᬸᬭᬸᬧᬢᬶᬓᬳᬸᬫᬦ᭄ᬳᬸᬫᬦ᭄᭞ᬤᬾᬲᬂᬧᬃᬣᬵᬢᬸᬫᬸᬮᬶ᭞ᬓ᭄ᬭᭀᬥᬓᬩᬗᬦ᭄᭞ᬓᬤᬶᬲᬶᬭᬢᬶᬂᬧᬯᬓᬵ᭞ᬫᬢᬸᬮᬓ᭄ᬲᬂ
ᬓᬸᬭᬸᬧᬢᬶ᭞ᬦᬸᬗ᭄ᬕᬗᬶᬂᬕᬚᬄ᭞ᬧ᭄ᬭᬯᬶᬭᬵᬗᬺᬫ᭄ᬧᭂᬕ᭄ᬲᬫᬶ᭟ᬪᬕᬯᬵᬦ᭄ᬪᬶᬱ᭄ᬫᬵᬲᬂᬓᬃᬡ᭄ᬦᬵᬥᬗ᭄ᬳ᭄ᬬᬂᬤ᭄ᬭᭀᬡ᭞ᬤᬸᬰ᭄ᬰᬵᬲᬦᬯᬶᬯᬶᬗ᭄ᬰᬢᬶ᭞ᬧ᭄ᬭᬲᬫᬵᬫᬫᬦᬄ᭞ᬓᬤᬶᬯᬃᬱᬢᬦ᭄ᬧᬦ᭄ᬢᬭ᭞ᬲᬂᬧᬃ
ᬣᬗᬺᬲᬾᬗ᭄ᬳᬢᬶ᭞ᬢᬗ᭄ᬳᬾᬄᬢᬂᬧ᭄ᬭᬂ᭞ᬳᬶᬥᭂᬧ᭄ᬦᬶᬭᬦᬾᬫᬗ᭄ᬓᬶᬦ᭄᭟ᬲᬂᬳ᭄ᬬᬂᬯᬶᬫᭀᬳᬦᬵᬲ᭄ᬢ᭄ᬭᬵᬧᬶᬦᬲᬗᬶᬭ᭞ᬤᬾᬲᬂᬧᬃᬣᬳᬕᭂᬮᬶᬲ᭄᭞ᬫ᭄ᬯᬂᬢᬢ᭄ᬯᬵᬫᬦ᭄ᬢ᭄ᬭᬵ᭞ᬭᬥᬦᬦᬶᬭᬵᬭᬶᬂᬘᬶᬢ᭄ᬢ᭞ᬳ
ᬫᭂᬦᬸᬳᬶᬦᬭᬶᬂᬮᬗᬶᬢ᭄᭞ᬤᬾᬦᬶᬓᬂᬰᬗ᭄ᬓ᭞ᬲᬶᬤᬾᬯᬵᬤᬢᬜᬋᬗᬶᬦ᭄᭟ᬳᬢᬸᬭᬸᬯᬢᭂᬓᬶᬂᬧ᭄ᬭᬯᬶᬭᬓᭀᬭᬯᬵ᭞ᬮᬸᬧᬾᬂᬭᬶᬂᬲᬜ᭄ᬚᬢᬲᬫᬶ᭞ᬢᬦ᭄ᬳᬦᬧᬦᭀᬦ᭄ᬭᬵᬢ᭄᭞
[᭕᭐ 50A]
ᬤᬾᬦᬶᬂᬧ᭄ᬭᬪᬵᬯᬦᬶᬓᬵ᭞ᬲᬂᬳ᭄ᬬᬂᬯᬶᬫᭀᬳᬲ᭄ᬢ᭄ᬭᬵᬍᬯᬶᬄ᭞ᬲᬸᬫᬲᬢ᭄ᬧᭂᬚᬄ᭞ᬯᬢᭂᬓᬶᬂᬓᭀᬭᬯᬲᬫᬶ᭟ᬢᬸᬫᬶᬗ᭄ᬳᬮ᭄ᬲᬂᬧᬃᬣᬲᬫ᭄ᬧᬸᬦ᭄ᬮᬩ᭄ᬥᬓᬃᬬ᭄ᬬ᭞ᬗᬦ᭄ᬤᬶᬓᬭᬶᬂᬚᬬᬪᬸᬫᬶ᭞ᬤᬾᬯᬪᬸ
ᬫᬶᬜ᭄ᬚᬬ᭞ᬲᬫ᭄ᬧᬸᬦ᭄ᬫᬗ᭄ᬓᬾᬮᬩ᭄ᬥᬓᬃᬬ᭄ᬬ᭞ᬓᬲᭀᬃᬫᬸᬲᬸᬳᬾᬲᭂᬫᬶ᭟ᬳᬦᬧᬯᭂᬓᬲ᭄᭞ᬯᬢᭂᬓ᭄ᬳᬶᬲ᭄ᬢ᭄ᬭᬶᬦᬾᬗᬸᬦᬶ᭟ᬦᬵᬕᬶᬄᬚᬚᬭᬳᬦ᭄ᬬᬦ᭄ᬮᬩ᭄ᬥᬓᬃᬬ᭄ᬬᬵ᭞ᬫᬗᬲᭀᬭᬂᬭᬢᬸᬍ
ᬯᬶᬄ᭞ᬢᭀᬦ᭄ᬢᭀᬦ᭄ᬥᬂᬳ᭄ᬬᬂᬤ᭄ᬭᭀᬡᬵ᭞ᬫᬓᬤᬶᬥᬂᬳ᭄ᬬᬂᬓᬻᬱ᭞ᬲᬫᬶᬧᬗᬗ᭄ᬕᭀᬦᬾᬍᬯᬶᬄ᭞ᬓᬃᬡ᭄ᬦᬵᬰ᭄ᬯᬢ᭄ᬢᬫ᭞ᬤᬸᬃᬬ᭄ᬬᭀᬥᬦᬇᬓᬵᬲᬫᬶ᭟ᬚᬭᬳᭂᬦ᭄ᬧᬗᬗ᭄ᬕᭀᬦ᭄ᬬᬢᭂᬓ
ᬦᬶᬂᬯᬲ᭄ᬢ᭄ᬭ᭞ᬳᬗ᭄ᬕᬾᬦ᭄ᬮᬭᬧᬦ᭄ᬓᬧᬸᬭᬶ᭞ᬭᬶᬂᬤ᭄ᬬᬄᬉᬢ᭄ᬢᬃᬬ᭄ᬬ᭞ᬮᬸᬫᬫ᭄ᬧᬄᬕᬸᬫᬶᬜ᭄ᬚᬬ᭞ᬲᬸᬓᬗᬮᬧ᭄ᬯᬲ᭄ᬢ᭄ᬭᬵᬤᬶ᭞ᬳᭂᬫᬲ᭄ᬲᬲᭀᬘᬦ᭄᭞ᬧᬗᬗ᭄ᬕᭀᬦ᭄ᬲᬂᬓᬸᬭᬸᬧᬢᬶ᭟ᬓᬕᬶᬬᬵ
Kaca:Bali-lontar-paparikan-wiratha-parwa-300ppi.pdf/50
Kaca puniki sampun kauji-wacén
