Kaca:Bali-lontar-paparikan-wiratha-parwa-300ppi.pdf/49

Saking Wikisource
Kaca puniki sampun kauji-wacén

[᭔᭘ 48B]
᭔᭘
ᬓ᭄ᬭᭀᬥᬦᬾᬫᬗ᭄ᬓᬶᬦ᭄᭟ᬫᬦᬶᬯᬓᬂᬧᬦᬄᬍᬯᬶᬄᬳᬱ᭄ᬝᬫᬸᬓᬵ᭞ᬓᬢᬸᬮᬓ᭄ᬤᬾᬦᬶᬂᬓᬶᬭᬶᬣᬶ᭞ᬤᬾᬦᬶᬂᬯᬶᬤ᭄ᬥᬶᬳᬲ᭄ᬢ᭄ᬭ᭞ᬧᬥᬵᬯᬶᬥᬕ᭄ᬥᬾᬂᬬᬸᬥ᭞ᬧᬥᬵᬥᬶᬭᬲᬶᬭᬓᬮᬶᬄ᭞ᬧᬥᬦᬶᬯᬓᬂ᭞
ᬪᬭᬸᬡᬵᬲ᭄ᬢ᭄ᬭᬵᬧ᭄ᬭᬚᬧᬢᬶ᭟ᬳᬕ᭄ᬦᬶᬲᬶᬮᬶᬫᬸᬓᬵᬇᬦ᭄ᬤ᭄ᬭᬵᬲᬬᬓᬵ᭞ᬧᬥᬵᬜᭂᬦ᭄ᬢᭀᬓᬂᬓᬰᬓ᭄ᬢᬶᬦ᭄᭞ᬢᬦᬦᬓᬲᭀᬭ᭞ᬧᬥᬘᭂᬧᭂᬢ᭄ᬧᬥᬕᬜ᭄ᬘᬂ᭞ᬢᬦᬦᬲᭀᬃᬢᬦᬍᬯᬶᬄ᭞ᬲᬂᬥᬦᬜ᭄ᬚᬬ᭞
ᬓᭂᬦᬩᬯᬸᬦ᭄ᬬᬢᬦ᭄ᬓᬾᬭᬶᬂ᭟ᬲᬦ᭄ᬢᬦᬸᬢᬦᬬᬓᭂᬦᬥᬥᬦᬶᬭ᭞ᬧᬶᬦᬮᬬ᭄ᬯᬦ᭄ᬤᬾᬦᬶᬂᬲᬭᬣᬶ᭞ᬤᬾᬦᬶᬂᬓᬧᭂᬢᭂᬗᬦ᭄᭞ᬢᬦ᭄ᬯ᭄ᬭᬸᬳᬶᬂᬧᬭᬦ᭄ᬧᬭᬦ᭄᭞ᬢᭂᬮᬲ᭄ᬧ᭄ᬭᬯᬶᬭᬦᬾᬮᬶᬮᬶᬄ᭞ᬳᬲᬶᬂᬢᬸᬫᬵ
ᬗ᭄ᬕᬮ᭄᭞ᬓᬲᭀᬃᬤᬾᬦᬶᬂᬓᬶᬭᬶᬣᬶ᭟ᬢᬸᬫᬶᬗ᭄ᬳᬮ᭄ᬫᬳᬵᬭᬵᬚᬤᬸᬃᬬ᭄ᬬᭀᬥᬦ᭞ᬧ᭄ᬭᬯᬶᬭᬦᬾᬢᭂᬮᬲ᭄ᬮᬶᬮᬶᬄ᭞ᬓ᭄ᬭᭀᬥᬲᬶᬗ᭄ᬳᬦᬵᬤ᭄ᬥ᭞ᬫᬦᬶᬯᬓᬂᬩᬮᬵᬳᬲ᭄ᬢ᭄ᬭ᭞ᬓᭂᬦᬳᬮᬶᬲ᭄ᬲᬂᬓᬶᬭᬶᬣᬶ᭞ᬫᬸᬜ᭄ᬘᬃ
[᭔᭙ 49A]
ᬭᬳᬶᬭ᭞ᬳᬶᬦᬲ᭄ᬯᬾᬦᬦ᭄ᬢᬸᬫᬸᬮᬶ᭟ᬫᬲᭂᬗᬶᬢᬲᬶᬭᬫᬍᬲ᭄ᬥᬦᬜ᭄ᬚᬬ᭞ᬳ᭄ᬭᬸᬓᬮ᭄ᬧᬰᬭᬍᬯᬶᬄ᭞ᬧᬥᬗᬶᬭᬶᬂᬘᬶᬤ᭄ᬭ᭞ᬲᬫᬵᬯᬕᭂᬤᬶᬂᬭᬡ᭞ᬲᬂᬯᬶᬓᬃᬡ᭄ᬦᬦᬸᬮᬸᬂᬕᭂᬮᬶᬲ᭄᭞ᬦᬸᬗ᭄ᬕᬗᬶ
ᬦ᭄ᬕᬚᬄ᭞ᬫᬦᬗ᭄ᬲᭂᬓᬂᬲᬂᬓᬶᬭᬶᬣᬶ᭟ᬕᬢᬶᬥᬦᬜ᭄ᬚᬬᬦᬶᬯᬓᬂᬲᬜ᭄ᬚᬢᬵ᭞ᬓᭂᬦᬓᬸᬫ᭄ᬩᬸᬦᬶᬂᬳᬱ᭄ᬝᬶ᭞ᬧᭂᬚᬄᬢᬦ᭄ᬧᬲᬭ᭞ᬮᬸᬫᭂᬫ᭄ᬧᬢ᭄ᬲᬂᬯᬶᬓᬃᬡ᭄ᬦ᭞ᬧᬥᬓᭂᬦᬳ᭄ᬭᬸᬰᬓ᭄ᬢᬶ᭞ᬫ᭄ᬯᬂᬤᬹᬃ
ᬬ᭄ᬬᭀᬥᬦ᭞ᬢᭂᬓᬦᬶᬂᬯᬶᬯᬶᬗ᭄ᬰᬢᬶ᭟ᬓᬧᬶᬂᬭ᭄ᬯᬧᬶᬦᬦᬄᬤᬾᬲᬂᬥᬦᬜ᭄ᬚᬬᬵ᭞ᬓᭂᬦᬥᬥᬓᬸᬭᬸᬧᬢᬶ᭞ᬫᬮᬬᬸᬢᬲᬶᬭ᭞ᬢᬶᬦᬹᬢ᭄ᬤᬾᬥᬦᬜ᭄ᬚᬬ᭞ᬳᬰ᭄ᬭᬸᬫᭀᬚᬃᬢᬸᬫᬸᬮᬶ᭞ᬇᬄ
ᬤᬸᬃᬬ᭄ᬬᭀᬥᬦ᭞ᬳᬧᬓ᭄ᬭᬡᬳᬶᬩᬵᬚ᭄ᬭᬶᬄ᭟ᬢᬦ᭄ᬳᬾᬭᬂᬗᬼᬩᬸᬃᬰᬰᬡᬦᬶᬂᬲᬢ᭄ᬭ᭄ᬬ᭞ᬫᬮᬬᬸᬭᬶᬂᬭᬡᬪᬸᬫᬶ᭞ᬢᬦ᭄ᬭᬸᬓ᭄ᬢ᭄ᬬᬵᬚ᭄ᬜᬦᬶᬭᬵ᭞ᬫᬗᬭᬦ᭄ᬥᬸᬃᬬ᭄ᬬᭀᬥᬦ᭞ᬲᬸᬭᬸᬤ᭄ᬭᬶᬂᬭᬡᬵᬪᬸᬫᬶ᭞

Kapolihang saking "https://ban.wikisource.org/w/index.php?title=Kaca:Bali-lontar-paparikan-wiratha-parwa-300ppi.pdf/49&oldid=86254"