[᭔᭗ 47B]
᭔᭗
ᬗᭂᬢᭀᬦ᭄ᬫᬗ᭄ᬓᬾᬧᬶᬭᬂᬓᭀᬣᬶ᭟ᬲᬺᬗᭂᬦ᭄ᬫᭀᬚᬃᬧᬃᬣᬤᬾᬯᬵᬕᬸᬫᬶᬜ᭄ᬚᬬᬵ᭞ᬢᬳᬦᬂᬲᬂᬳ᭄ᬬᬂᬳᬸᬭᬶᬧ᭄᭞ᬲᬂᬲᬸᬭᬸᬤ᭄ᬭᬶᬂᬭᬡ᭞ᬤᬸᬤᬸᬢᬶᬗ᭄ᬓᬳᬶᬂᬲᬢ᭄ᬭ᭄ᬬᬵ᭞ᬕᬸᬫᬶᬜ᭄ᬚᬬᬵᬲᬦᬾᬫᬗ᭄ᬓᬶᬦ᭄᭞ᬩᬶᬗᬃ
ᬭᬶᬂᬘᬶᬢ᭄ᬢᬵ᭞ᬫᬫᬶᬋᬗᬂᬢᬸᬢᬸᬃᬬᬸᬓ᭄ᬢᬶ᭟ᬕᭂᬮᬶᬲ᭄ᬫᬦᬶᬘᬧᬂᬓ᭄ᬭᬾᬢ᭄ᬢᬕᬸᬫᬶᬜ᭄ᬚᬬ᭞ᬪᬕᬯᬦ᭄ᬪᬶᬱ᭄ᬫᬓᬳᬸᬗ᭄ᬲᬶ᭞ᬢᬸᬫᬡ᭄ᬥᬂᬥᬹᬃᬫᬸᬓᬵ᭞ᬫᬢᬸᬮᬸᬂᬢᬦ᭄ᬚᬗ᭄ᬓᬬᬦ᭄᭞ᬧᬶᬦᬦᬄᬤᬾᬲᬂᬓᬶᬭᬶᬣᬶ᭞ᬢᬗᬵ
ᬦ᭄ᬬᬓᬶᬯᬵ᭞ᬲᬂᬤᬹᬃᬫᬸᬓᬵᬫᬗᬸᬮᬶᬮᬶᬂ᭟ᬫᬧᬸᬮᬶᬄᬧᭂᬢᬂᬲᬶᬓᬶᬲᬂᬤᬸᬰ᭄ᬰᬵᬲᬦ᭞ᬲᬂᬤᬸᬲᬳᬵᬯᬶᬯᬶᬗ᭄ᬲᬢᬶ᭞ᬢᬦ᭄ᬢᬸᬗ᭄ᬕᬮ᭄ᬯᬶᬓᬃᬡ᭄ᬦᬵ᭞ᬧᬥᬦᬶᬯᬓᬂᬯᬭᬵᬲ᭄ᬢ᭄ᬭ᭞ᬓᭂᬦᬥᬥᬓᬶᬭᬶᬣᬶ᭞ᬕᭂᬮᬶᬲ᭄ᬲᬂᬧᬃ
ᬣᬵ᭞ᬗᬯᬍᬲ᭄ᬲᬜ᭄ᬚᬢᬍᬯᬶᬄ᭟ᬲᬧᬶᬲᬦ᭄ᬓᭂᬦᬢᬶᬩᬵᬳᬦᬭᬶᬂᬭᬣ᭞ᬫᬕᬳᬂᬢᬸᬫᬸᬮᬶᬚ᭄ᬭᬶᬄ᭞ᬢᬶᬦᬹᬢ᭄ᬤᬾᬲᬂᬧᬃᬣ᭞ᬭᬦ᭄ᬢᬩᬦ᭄ᬲᬓ᭄ᬯᬾᬳᬶᬂᬯᬶᬭ᭞ᬲᬯᬢᭂᬓᬶᬂᬓᬸᬭᬸᬧᬢᬶ᭞ᬧᬥᬦᬶᬯ
[᭔᭘ 48A]
ᬓᬂ᭞ᬳ᭄ᬭᬸᬉᬢ᭄ᬢᬫᬵᬧᬶᬭᬓᭀᬣᬶ᭟ᬧᬲᬫ᭄ᬩ᭄ᬬᬄᬕᬚᬄᬓᬸᬤᬢᬸᬗ᭄ᬕᬗᬦ᭄ᬬ᭞ᬢᬦ᭄ᬚᬗ᭄ᬓᬬᬦ᭄ᬫᬗᭂᬫ᭄ᬩᬸᬮᬶ᭞ᬲᬂᬧᬡ᭄ᬥᬸᬢᬦᬬ᭞ᬗᬯᬍᬲ᭄ᬲᬶᬮᬶᬫᬸᬓᬵ᭞ᬧᭂᬚᬄᬢᬸᬗ᭄ᬕᬗᬦ᭄ᬬᬳᭂᬦ᭄ᬢᬶ᭞ᬢᭂᬓᬦᬶᬂᬯᬤ᭄ᬯ᭞ᬧᬚᬸ
ᬮᬶᬫ᭄ᬧᬂᬭᬡᬪᬸᬫᬶ᭟ᬢᬦ᭄ᬓᬢᭀᬦ᭄ᬦᬢᬃᬢᭂᬗᬳᬶᬂᬭᬡᬗ᭄ᬕᬡ᭞ᬢᭂᬡ᭄ᬥᬲ᭄ᬳᬢᬧ᭄ᬧᬕᬸᬮᬶᬮᬶᬂ᭞ᬫᬧᬲᬶᬄᬭᬸᬥᬶᬭ᭞ᬪᬸᬣᬪᬸᬣᬶᬤ᭄ᬬᬸᬲᬶᬂᬭᬄ᭞ᬲᬸᬓᬵᬧᬥᬳᬦᬸᬗ᭄ᬕᬗᬶᬦ᭄᭞ᬯᬗ᭄ᬓᬾᬦᬶᬂᬕᬚᬄ᭞ᬧᬥᬳᬾᬕᬃ
ᬗᬶᬕᭂᬮ᭄ᬲᬫᬶ᭟ᬜᭂᬍᬕ᭄ᬲᬂᬧᬃᬣᬢᭂᬗᬳᬶᬂᬭᬡᬗ᭄ᬕᬡ᭞ᬓᬤᬶᬓᬮᬵᬦ᭄ᬢᬓᬳᬧ᭄ᬢᬶ᭞ᬫᬗ᭄ᬮᭀᬫ᭄ᬧᭀᬚᬕᬢ᭄᭞ᬓ᭄ᬭᭀᬥᬦ᭄ᬤᬶᬯᬓᬂᬧᬦᬄ᭞ᬪᬕᬯᬵᬦ᭄ᬪᬶᬱ᭄ᬫᬵᬦᬾᬕᭂᬮᬶᬲ᭄᭞ᬦᬸᬮᬓ᭄ᬭᬶᬂᬳᬲ᭄ᬢ᭄ᬭ᭞ᬪᬭᬸᬡᬵ
ᬲ᭄ᬢ᭄ᬭᬵᬳᬭᬦᬾᬓᬶ᭟ᬓᭂᬦᬫᬲ᭄ᬢᬓᬦᬶᬭᬲᬂᬥᬦᬜ᭄ᬚᬬᬵ᭞ᬧᭂᬢᭂᬗᬦ᭄ᬭᬲᬦᬶᬗᬓ᭄ᬱᬶ᭞ᬗᬯᬍᬲ᭄ᬢᬲᬶᬭ᭞ᬤᬾᬦᬶᬂᬩᬮᬲᬬᬓᬵ᭞ᬧᬸᬗ᭄ᬕᭂᬮ᭄ᬥ᭄ᬯᬚᬦᬶᬭᬵᬳᭂᬦ᭄ᬢᬶ᭞ᬪᬕᬯᬵᬦ᭄ᬪᬶᬱ᭄ᬫᬵ᭞ᬮᬶᬦ᭄ᬢᬂ
Kaca:Bali-lontar-paparikan-wiratha-parwa-300ppi.pdf/48
Kaca puniki sampun kauji-wacén
