[᭕᭑ 51B]
᭕᭑
ᬓᬸᬣᬵᬳᬶᬓᬲᬫᬶ᭟ᬢᬦ᭄ᬳᬸᬘᬧᭂᬦ᭄ᬲᬂᬓᭀᬭᬯᬵᬲᬫ᭄ᬧᬸᬦ᭄ᬩᬸᬤᬮ᭄᭞ᬲᬂᬥᬦᬜ᭄ᬚᬬᬦᬾᬫᬗ᭄ᬓᬶᬦ᭄᭞ᬧᬭᬶᬧᬹᬃᬡ᭄ᬦᬲᬶᬭ᭞ᬫᭀᬚᬃᬭᬶᬂᬪᬸᬫᬶᬜ᭄ᬚᬬ᭞ᬤᬾᬯᬵᬲᬂᬲᬜ᭄ᬚᬬᬪᬸᬫᬶ᭞ᬯᬮ᭄ᬯᬶᬓᬂ
ᬭᬣ᭞ᬧᬸᬧᬸᬮᬦᬍᬫ᭄ᬩᬸᬲᬫᬶ᭟ᬢᭂᬓᬦᬶᬂᬧᬗᬗᭀᬦ᭄ᬬᬯᬶᬮᬂᬲᬥᬬᬵ᭞ᬕᬸᬫᬶᬜ᭄ᬚᬬᬫᬶᬲᬶᬗ᭄ᬕᬶᬄ᭞ᬦᭂᬳᭂᬃᬦᬸᬧᬸᬮᬦ᭄᭞ᬫᬸᬯᬄᬫᬦ᭄ᬢᬸᬓ᭄ᬭᬶᬂᬓᬡ᭄ᬥᬂᬦ᭄ᬬ᭞ᬓᬕ᭄ᬬᬢ᭄ᬲᬂᬧᬃᬣᬦᬾᬫᬗ᭄ᬓᬶᬦ᭄᭞ᬢᬸ
ᬯᬶᬗᬢᭀᬦᬂ᭞ᬩᬮᬵᬓᭀᬭᬯᬦᬾᬫᬶᬚᬶᬮ᭄᭟ᬲᬸᬓᭂᬢᬶᬗᬮᬲ᭄ᬧᬥᬓᬸᬲᭂᬫ᭄ᬯᬃᬡ᭄ᬦᬦ᭄ᬬ᭞ᬢᭂᬓᬵᬦᭂᬫ᭄ᬩᬄᬫᬶᬦ᭄ᬢᬳᬸᬭᬶᬧ᭄᭞ᬭᬶᬲᬂᬥᬦᬜ᭄ᬚᬬᬵ᭞ᬇᬗ᭄ᬕᬶᬄᬭᬢᬸᬧ᭄ᬭᬫᬾᬰ᭄ᬯᬭ᭞ᬏᬮᬶᬂᬳᬶᬤᬾᬯᬵ
ᬦᬾᬗᬸᬦᬶ᭞ᬧᬸᬦᬶᬓᬶᬢᬶᬢ᭄ᬬᬂ᭞ᬓᬯᬸᬮᬦ᭄ᬳᬶᬭᬢᬸᬲᬫᬶ᭟ᬦᬾᬤᬸᬫᬸᬦ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬢᭀᬳᬂᬳᬶᬤᬾᬯᬵ᭞ᬳᬮᬄᬫᬘᬸᬓᬶᬦᬾᬭᬶᬳᬶᬦ᭄᭞ᬲᬸᬯᬾᬲᬵᬳᬶᬤᬾᬯᬵ᭞ᬢᬶᬢ᭄ᬬᬂᬫᬦᬸᬦᬲ᭄ᬚᬶᬯᬵ᭞
[᭕᭒ 52A]
ᬲᬂᬧᬃᬣᬵᬳᬗᬸᬘᬧ᭄ᬳᬭᬶᬲ᭄᭞ᬢᬸᬯᬶᬦ᭄ᬜᬲᬚ᭞ᬩᬸᬓᬵᬫᬸᬜᬶᬦ᭄ᬘᬳᬶᬲᬫᬶ᭟ᬚᬦᬶᬳᬶᬩᬧᬥᬫᬸᬮᬶᬄᬲᬧᬭᬦ᭄ᬢ᭞ᬳᬶᬭᬵᬮᬸᬕ᭄ᬭᬢᭂᬓᬾᬦ᭄ᬘᬳᬶ᭞ᬢ᭄ᬯᬭᬵᬤᬜᬗ᭄ᬓᬮᬵ᭞ᬧᬚᬮᬦ᭄ᬘᬳᬶ
ᬦᬾᬲᬸᬩ᭞ᬦᭂᬫ᭄ᬩᬄᬯᬢᭂᬓ᭄ᬩᬮᬵᬲᬫᬶ᭞ᬬᭀᬥᬓᭀᬭᬯᬵ᭞ᬧᬥᬲᬸᬓᬵᬢᬦ᭄ᬲᬶᬦᬶᬧᬶ᭟ᬢᬦ᭄ᬳᬸᬘᬧᭂᬦ᭄ᬩᬮᬵᬦᬶᬭᬲᬂᬓᭀᬭᬯᬵ᭞ᬥᬦᬜ᭄ᬚᬬᬦᬾᬫᬗ᭄ᬓᬶᬦ᭄᭞ᬢᬦ᭄ᬫᬭᬶᬳᬗᬸᬘᬧ᭄᭞
ᬭᬶᬂᬲᬂᬯᬶᬭᬣᬵᬧᬸᬢ᭄ᬭᬵ᭞ᬤᬾᬯᬵᬲᬂᬲᬜ᭄ᬚᬬᬪᬸᬫᬶ᭞ᬳᬬ᭄ᬯᬯᬯᬭᬄ᭞ᬫᬦᭂᬗ᭄ᬕ᭄ᬯᬲᬂᬓᬶᬭᬶᬣᬶ᭟ᬫᬗᬲᭀᬭᬂᬯᬢᭂᬓ᭄ᬧ᭄ᬭᬯᬷᬭᬵᬓᭀᬭᬯ᭞ᬫᬯᭂᬥᬶᬲᬗ᭄ᬳᬸᬮᬸᬦ᭄ᬢᬾᬓᬶ᭞ᬲᬶᬦᬗ᭄ᬕᬄᬲᬂᬧᬃᬣ᭞ᬓᭂ
ᬦᬶᬳᬶᬤᬾᬯᬵᬓᬳᬸᬘᬧ᭄᭞ᬗᬲᭀᬭᬂᬰᬢ᭄ᬭᬸᬦᬾᬲᬫᬶ᭞ᬯᬶᬭᬣᬧᬸᬢ᭄ᬭ᭞ᬲᬳᬲᭂᬫ᭄ᬩᬄᬫᬢᬹᬃᬕᭂᬮᬶᬲ᭄᭟ᬢᬸᬯᬶᬳᬶᬯᬂᬯᬘᬡᬦ᭄ᬘᭀᬓᭀᬃᬳᬶᬤᬾᬯᬵ᭟ᬦᭂᬗ᭄ᬕᬾᬄᬢᬶᬢ᭄ᬬᬂᬍᬯᬶᬄᬰᬓ᭄ᬢᬶ᭞ᬜ᭄ᬚ
Kaca:Bali-lontar-paparikan-wiratha-parwa-300ppi.pdf/52
Kaca puniki sampun kauji-wacén
