[᭓᭙ 39B]
᭓᭙
ᬯᬶᬄ᭞ᬢᬦ᭄ᬓᬲᬢ᭄ᬭ᭄ᬬᬵ᭞ᬢᬶᬗ᭄ᬓᬄᬳᬶᬤᬾᬯᬦᬾᬫᬗ᭄ᬓᬶᬦ᭄᭟ᬦᬸᬮᬶᬫᬢᬸᬃᬕᬸᬫᬶᬜ᭄ᬚᬬᬲᬳᬲᭂᬫ᭄ᬩᬄ᭞ᬇᬗ᭄ᬕᬶᬄᬭᬢᬸᬲᬂᬓᬶᬭᬶᬣᬶ᭞ᬓᬰᬺᬩ᭄ᬫᬦᬄᬢᬶᬢ᭄ᬬᬂ᭞ᬢᬦ᭄ᬳᬦᬦᬶᬂᬓᬸᬦᬓᬸᬦ᭞ᬲ᭄ᬯᬭᬦᬶᬂᬓ᭄ᬭᬾ
ᬢ᭄ᬢᬫᬓᬤᬶ᭞ᬰᬩ᭄ᬥᬦᬶᬂᬥ᭄ᬯᬚ᭞ᬓᬮᬶᬦ᭄ᬢᬂᬗᭂᬫ᭄ᬧᭂᬗᬶᬂᬓᭀᬧᬶᬂ᭟ᬢᬦ᭄ᬳᬸᬘᬧᭂᬦ᭄ᬲᬂᬧᬃᬣᬫᬗᬸᬘᬧᬸᬘᬧ᭄᭞ᬫᬗ᭄ᬭᬯᭀᬲ᭄ᬭᬶᬂᬲᬜ᭄ᬚᬬᬪᬸᬫᬶ᭞ᬫᬗ᭄ᬓᬶᬦ᭄ᬥᬗ᭄ᬳ᭄ᬬᬂᬤ᭄ᬭᭀᬡ᭞ᬓᬮᬶᬦ᭄ᬢᬂᬳᭀᬲᭂᬓᬶᬂᬘᬶᬢ᭄ᬢ᭞ᬫᬮᬶᬄ
ᬳᬶᬤᬫᬢᬗ᭄ᬕᬸᬳᬶ᭞ᬯᬢᭂᬓ᭄ᬓᭀᬭᬯ᭞ᬤᬾᬦᬶᬂᬓᬦ᭄ᬪᬸᬣᬦᬶᬂᬘᬶᬭᬶ᭟ᬦᬸᬮᬶᬫᬗᬦ᭄ᬤᬶᬓᬵᬭᬶᬂᬯᬢᭂᬓᬶᬂᬓᭀᬭᬯᬵ᭞ᬫᬓᭀᬦ᭄ᬗ᭄ᬮᬾᬩᬂᬦᬾᬫᬗ᭄ᬓᬶᬦ᭄᭞ᬲᬓ᭄ᬯᬾᬳᬶᬂᬓᬚᬭᬄ᭞ᬤᬾᬦᬶᬂᬢᬦ᭄ᬳᬦᬮᬯᬾ
ᬬᬵ᭞ᬲᬂᬥᬸᬃᬬ᭄ᬬᭀᬥᬦᬦᬾᬫᬗ᭄ᬓᬶᬦ᭄᭞ᬢᬦ᭄ᬫᬶᬲᬶᬗ᭄ᬳᬶᬳᬵ᭞ᬯᬘᬡᬵᬤ᭄ᬭᭀᬡᬦᬾᬫᬗ᭄ᬓᬶᬦ᭄᭟ᬤᬾᬦᬶᬂᬓᬩᬯᭀᬲ᭄ᬳᬶᬤᬪᬕᬯᬦ᭄ᬤ᭄ᬭᭀᬡᬵ᭞ᬢᬦ᭄ᬫᬭᬶᬗᬍᬫ᭄ᬲᬂᬓᬶᬃᬣᬶ᭞ᬤᬾᬦᬶᬂᬳᬸᬮᬶᬂᬲᬸᬩ᭞ᬮᬶᬦ᭄ᬢᬂ
[᭔᭐ 40A]
ᬯᬭᬦᬸᬕ᭄ᬭᬳᬵ᭞ᬭᬶᬲᬂᬥᬦᬜ᭄ᬚᬬᬗᬸᬦᬶ᭞ᬳᬗᬦ᭄ᬤᬧ᭄ᬭᭀᬯᬂ᭞ᬳᬜᬸᬜ᭄ᬚᬸᬂᬰᬢ᭄ᬭᬸᬧᬶᬢᬸᬯᬶ᭟ᬧᬢᬸᬢ᭄ᬳᬶᬤᬵᬲᬢᬢᬢᬸᬯᬶᬫᬥᬃᬫ᭄ᬫ᭞ᬢᬸᬦ᭄ᬤᬾᬦ᭄ᬳᬶᬤᬳᬦᬾᬗᬸᬭᬶ᭞ᬭᬶᬓᬵᬮᬦᬶᬂᬭᬡᬵ᭞ᬳᬧᬗᭂᬕ᭄ᬯᬦᬶᬂ
ᬓᬥᬃᬫ᭄ᬫᬦ᭄᭞ᬘᬳᬶᬧ᭄ᬭᬯᬶᬭᬦᬾᬲᬫᬶ᭞ᬯᬢᭂᬓ᭄ᬓᭀᬭᬯᬵ᭞ᬕᭂᬮᬃᬯᬗᬸᬦᬂᬦᬾᬚᬦᬶ᭟ᬕᭂᬮᬶᬲ᭄ᬲᬂᬓᬃᬡ᭄ᬦᬵᬫᬢᬹᬃᬮᬶᬦ᭄ᬢᬂᬧ᭄ᬭᬕᬮ᭄ᬪ᭞ᬇᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬲᬫ᭄ᬧᬸᬦ᭄ᬲᬸᬫᬗ᭄ᬲᬬᬵ᭞ᬭᬶᬳᬦᬦᬶᬂᬰᬢ᭄ᬭᬸᬢᭂᬓ
᭞ᬦᬾᬯᬾᬓ᭄ᬢᬶᬢ᭄ᬬᬂᬫᬦᬗ᭄ᬓᭂᬧᬶᬦ᭄᭞ᬯᬢᭂᬓ᭄ᬯᬶᬭᬣᬵ᭞ᬫᬲᬳᬬᬲᬂᬓᬶᬭᬶᬣᬶ᭟ᬤᬾᬦᬶᬂᬓᬮᬶᬦ᭄ᬢᬂᬲ᭄ᬯᬾᬘ᭄ᬙᬵᬘᭀᬓᭀᬃᬳᬶᬤᬾᬯᬵ᭞ᬭᬶᬂᬢᬶᬢ᭄ᬬᬂᬲᬓᬾᬂᬭᬶᬳᬶᬦ᭄᭞ᬫᬗ᭄ᬓᬶᬦ᭄ᬳᬶᬓᬶᬘᬶᬗᬓ᭄᭞ᬭᬶᬧᭂᬚᬳᬶᬂᬥᬦᬜ᭄ᬚ
ᬬ᭞ᬭᬶᬢᭂᬗᬳᬶᬂᬭᬡᬵᬪᬸᬫᬶ᭞ᬤᬺᬲ᭄ᬳᬶᬓᬵᬂᬓᬸᬤ᭞ᬓᬤᬶᬩᬋᬢ᭄ᬳᬶᬓᬂᬳᬗᬶᬦ᭄᭟ᬓᭀᬦᭂᬦ᭄ᬢᬯᬢᭂᬓ᭄ᬓᭀᬭᬯᬵᬢᬸᬫᬶᬗ᭄ᬳᬮ᭞ᬓᬵᬮᬧ᭄ᬭᬂᬧᬢᬶᬓᬚᬶ᭞ᬥᬗ᭄ᬳ᭄ᬬᬂᬓᬺᬧᬵᬫᭀᬚᬃ᭞ᬇᬗ᭄ᬕᬶᬄᬤᬾᬯᬵᬲ
Kaca:Bali-lontar-paparikan-wiratha-parwa-300ppi.pdf/40
Kaca puniki sampun kauji-wacén
