[᭔᭐ 40B]
᭔᭐
ᬗᬯᬗ᭄ᬕ᭞ᬩᬧᬵᬫᬶᬢᬸᬢᬸᬃᬦᬾᬚᬦᬶ᭞ᬳᬾᬮᬶᬂᬳᬶᬤᬾᬯᬵ᭞ᬢᬶᬗ᭄ᬓᬄᬲᬂᬧᬜ᭄ᬘᬧᬡ᭄ᬥᬯᬵᬗᬸᬦᬶ᭟ᬲᬫ᭄ᬧᬸᬦ᭄ᬳᬶᬤᬾᬯᬵᬫᬮᬕᬵᬭᬶᬂᬨᬮ᭄ᬕᬸᬡ᭞ᬉᬧᬬᬕᬯᬾᬦᬂᬭᬶᬳᬶᬦ᭄᭞ᬳᬗᬶᬭᬶᬗᬶᬂᬘᬶ
ᬤ᭄ᬭᬵ᭞ᬲᬫ᭄ᬧᬸᬦ᭄ᬓᬧᬸᬭᬸᬕᬶᬂᬮᬫ᭄ᬧᬄ᭞ᬳᬶᬤᬾᬯᬕᬧ᭄ᬢᬶᬫᬢᬦ᭄ᬤᬶᬂ᭞ᬭᬶᬂᬥᬦᬜ᭄ᬚᬬᬵ᭞ᬦ᭄ᬤᬶᬓᬧᬦ᭄ᬲᬶᬤ᭄ᬥᬦᬾᬢᬸᬯᬶ᭟ᬲᬂᬥᬦᬜ᭄ᬚᬬᬵᬓᬲᬸᬫ᭄ᬩᬸᬗᬶᬂᬚᬕᬢ᭄ᬢ᭄ᬭᬬᬵ᭞ᬮᬶᬬᬸᬗᬲᭀᬭᬂᬪᬸᬫᬶ᭞ᬳᬮᬄᬓᬸ
ᬭᬸᬯᬗ᭄ᬰ᭞ᬫ᭄ᬯᬂᬫ᭄ᬮᬕᬡ᭄ᬥᬂᬲᬸᬪᬤ᭄ᬭ᭞ᬦᬾᬯᬾᬓ᭄ᬢᬦ᭄ᬳᬦᬗᬦ᭄ᬢᬶᬦᬶᬦ᭄᭞ᬫᬶᬯᬄᬦᭂᬮᬲᬂ᭞ᬯᬢᭂᬓ᭄ᬓᬯᬲᬵᬦᬾᬗᬸᬦᬶ᭟ᬉᬧᬫᬵᬳᬶᬤᬾᬯᬵᬗᬫᬾᬢ᭄ᬕᬚᬄᬕᬮᬓ᭄᭞ᬭᬶᬂᬳᬮᬲ᭄ᬤᬸᬃᬕ᭄ᬕᬫᬵᬯᬶᬱ᭄ᬝᬶ᭞ᬢᬦ᭄ᬗᬯ
ᬲᬜ᭄ᬚᬢ᭞ᬓᬧᬦ᭄ᬳᬶᬤᬾᬯᬵᬳᭀᬮᬶᬳᬵ᭞ᬕᬚᬄᬕᬮᬓ᭄ᬢᬦ᭄ᬲᬶᬦᬶᬧᬶ᭞ᬍᬯᬶᬄᬳᬸᬧᬫᬵ᭞ᬳᬶᬤᬾᬯᬵᬗ᭄ᬮᬗ᭄ᬓᬃᬳᬩ᭄ᬥᬶ᭟ᬳᬸᬧᬫᬵᬯᭀᬂᬫᬧ᭄ᬭᬂᬢᬦ᭄ᬧᬲᬜ᭄ᬚᬢ᭞ᬤᬸᬓᬧᬦ᭄ᬳᬶᬧᬸᬦ᭄ᬧᭀᬮᬶᬄ᭞ᬗ᭄ᬮᬯᬦ᭄ᬫᬲᬜ᭄ᬚ
[᭔᭑ 41A]
ᬢ᭞ᬦ᭄ᬤᬶᬓᬧᬦ᭄ᬳᬶᬤᬾᬯᬫᭂᬦᬂ᭞ᬫᬶᬲᬥ᭄ᬬᬦᬗ᭄ᬓᭂᬧᬂᬚᬸᬭᬶᬢ᭄᭞ᬭᬶᬂᬥᬦᬜ᭄ᬚᬬᬵ᭞ᬲᬂᬰ᭄ᬯᬢ᭄ᬢᬫᬫᬜᬭᬸᬯᬶᬦ᭄᭟ᬤᬾᬯᬲᬂᬓᬃᬡ᭄ᬦᬵᬧᬶᬲᬶᬗ᭄ᬕᬶᬄᬥᬗ᭄ᬳ᭄ᬬᬂᬓᬺᬧ᭞ᬢᬸᬯᬶᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬯᬓ᭄ᬧ᭄ᬭ
ᬕᬮ᭄ᬪᬵ᭞ᬢᬸᬯᬶᬤᬾᬯᬵᬯᬸᬲ᭄ᬚᬬᬵ᭞ᬲᬫ᭄ᬧᬸᬦ᭄ᬮᬶᬦ᭄ᬢᬂᬳᬯᬓ᭄ᬫᬸᬚᬶ᭞ᬫᬗᬍᬫ᭄ᬳᬯᬓ᭄᭞ᬢᬸᬯᬶᬳᬤᬳᬦᬓᬼᬯᬶᬄ᭟ᬢᬸᬯᬶᬓᬲᬸᬫ᭄ᬩᬸᬂᬚ᭄ᬜᬬᬵᬭᬶᬂᬭᬡᬗ᭄ᬕᬡᬵ᭞ᬳᭀᬮᬶᬄᬜ᭄ᬚᬭᬄᬫᬵᬲ᭄ᬫᬡᬶᬓ᭄᭞ᬲᬶᬦᭂᬫ᭄ᬩᬳᬶᬂ
ᬮᭀᬓᬵ᭞ᬳᬸᬫᭂᬦᭂᬂᬢᬦ᭄ᬧᬚᬭᬚᬃ᭞ᬓᬮᬶᬄᬳᬶᬤᬲᬂᬳ᭄ᬬᬂᬳᬕ᭄ᬦᬶ᭞ᬢᬦ᭄ᬫᬭᬶᬳᬶᬤ᭞ᬢᬦ᭄ᬧᭀᬚᬃᬳᬶᬤᬫᬗᭂᬲᭂᬗᬶ᭟ᬫ᭄ᬯᬂᬳᬶᬤᬲᬂᬳ᭄ᬬᬂᬲᬹᬃᬬ᭄ᬬᬫᭂᬦᭂᬂᬳᬶᬤ᭞ᬫᬗᬶᬲᭂᬧ᭄ᬲᬭᬶᬦᬶᬂᬪᬸᬫᬶ᭞ᬫᬶᬯᬄᬳ᭄ᬬᬂᬪᬸ
ᬢᬮᬵ᭞ᬓᬺᬂᬢᬦ᭄ᬧᬳᬸᬚᬭᬸᬚᬃ᭞ᬫᬜᬗ᭄ᬕᬕᬸᬫᬶᬦᬾᬲᬫᬶ᭞ᬢᬸᬯᬶᬳᬶᬤᬾᬯ᭞ᬅᬗ᭄ᬓᬭᬵᬧᬓ᭄ᬱᬫᭂᬚᬳᬶ᭟ᬲᬂᬥᬦᬜ᭄ᬚᬬᬵᬢᭂᬗᬳᬶᬂᬭᬡᬗ᭄ᬕᬡ᭞ᬤᬸᬓᬧᬦ᭄ᬲᬶᬤ᭄ᬥᬦᬶᬂᬓᬧ᭄ᬢᬶ᭞ᬲᬂᬪᬶᬱ᭄ᬫᬵᬫ
Kaca:Bali-lontar-paparikan-wiratha-parwa-300ppi.pdf/41
Kaca puniki sampun kauji-wacén
