[᭓᭘ 38B]
᭓᭘
ᬯᬕᭂᬤ᭄ᬦ᭄ᬬ᭞ᬓᬬᬢ᭄ᬢᬦᬶᬂᬘᬵᬧᬢᬸᬯᬶ᭟ᬤᬾᬦᬶᬂᬢᬶᬢ᭄ᬬᬂᬫᬯᬱ᭄ᬝᬵᬳᬶᬥᬦᬜ᭄ᬚᬬ᭞ᬦᬶᬳᬦ᭄ᬧᬹᬃᬯ᭄ᬯᬓᬦᬾᬗᬸᬦᬶ᭞ᬳᬮᬄᬤᬾᬰᬯᬾᬢᬦ᭄᭞ᬤᬺᬯᬾᬦ᭄ᬬᬢᭂᬮᬲ᭄ᬳᬶᬦᬮᬧ᭄᭞ᬳᬗ᭄ᬕᬾᬦ᭄ᬋᬗ᭄ᬕᬦᬶᬂᬧᬤᬣᬶ᭞
ᬫᬗ᭄ᬤᬾᬳᬶᬤᬾᬯ᭞ᬢᬢᬲ᭄ᬳᬸᬦᬶᬂᬦᬾᬫᬗ᭄ᬓᬶᬦ᭄᭟ᬕᬸᬫᬶᬜ᭄ᬚᬬᬧ᭄ᬭᬦᬫ᭄ᬬᬫᬢᬸᬃᬳᬦᭂᬫ᭄ᬩᬄ᭞ᬇᬗ᭄ᬕᬶᬄᬤᬾᬯᬲᬂᬓᬶᬭᬶᬣᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬜᬤ᭄ᬬᬵ᭞ᬫᬲᬸᬲᬸᬳᬸᬦᬦ᭄ᬭᬶᬂᬳᬶᬤᬾᬯ᭞ᬤᬾᬦᬶᬂᬢᬦ᭄ᬳᬦᬫᬵ
ᬮᬶᬄ᭞ᬮᬶᬦ᭄ᬢᬂᬦᬸᬕ᭄ᬭᬳᬵ᭞ᬘᭀᬓᭀᬃᬳᬶᬤᬾᬯᬦᬾᬫᬗ᭄ᬓᬶᬦ᭄᭟ᬤᬾᬦᬶᬂᬢᬶᬢ᭄ᬬᬂᬓᬧᬶᬢᭂᬮᬲ᭄ᬗᭀᬋᬕ᭄ᬳᬶᬤᬾᬯᬵ᭞ᬳᬶᬘᬬᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᭂᬦ᭄ᬤᬶᬧᬭᬦᬦ᭞ᬲᬂᬥᬦᬜ᭄ᬚᬬᬳᬗᬸᬘᬧ᭄
᭞ᬲᬂᬓᬸᬭᬸᬧᬢᬶᬤᬾᬦ᭄ᬳᬸᬗ᭄ᬲᬶ᭞ᬫᬗ᭄ᬓᬾᬳᬶᬦᬬᬢ᭄᭞ᬕᬦ᭄ᬤᬾᬯᬥᬦᬸᬄᬢᬸᬫᬸᬮᬶ᭟ᬓᬤᬶᬕᬸᬦᬸᬂᬭᬸᬩᬸᬄᬲ᭄ᬯᬭᬦᬶᬂᬕᬡ᭄ᬥᬾᬯᬵ᭞ᬳᬦᬦ᭄ᬓᬤᬶᬲ᭄ᬯᬭᬦᬶᬂ᭞ᬕᬭᬸᬥᬫᬗ᭄ᬮᬬᬂ᭞ᬳᬦᬮ᭄ᬯᬶᬃᬰᬩ᭄ᬥᬦᬶᬂᬪᬚ᭄ᬭ᭞ᬮᬶ
[᭓᭙ 39A]
ᬡ᭄ᬥᬸᬳᬶᬓᬵᬭᬡᬪᬸᬫᬶ᭞ᬳᬦᬸᬮᬶᬲᭂᬫ᭄ᬧᬮ᭄᭞ᬲᬓ᭄ᬯᬾᬳᬶᬂᬓᬬᬸᬳᭂᬦ᭄ᬢᬶ᭟ᬕᬸᬫ᭄ᬭᬶᬢ᭄ᬳᬶᬓᬵᬂᬭᬣᬦᭂᬳᭂᬃᬮᬸᬫᬫ᭄ᬧᬄ᭞ᬦᬗ᭄ᬲᭂᬓ᭄ᬭᬶᬂᬓᭀᬭᬯᬵᬫᬗ᭄ᬓᬶᬦ᭄᭞ᬫᭂᬦᭂᬂᬲᬗᬃᬚ᭄ᬚᬸᬡᬵ᭞ᬗᬲ᭄ᬢᬯᬵᬳ᭄ᬬᬂᬧᬯᬓᬵ᭞ᬳᬾ
ᬦᬓᬶᬭᬵᬫᬲᬫᬥᬶ᭞ᬫᬶᬚᬶᬮ᭄ᬯᬦᬭ᭞ᬥ᭄ᬯᬚᬲᬶᬗ᭄ᬳᬵᬧᬸᬭᬓᬺᬢ᭄ᬢᬶ᭟ᬢᬦ᭄ᬢᬸᬗ᭄ᬕᬮ᭄ᬳᬶᬓᬂᬳᬯᬶᬦᬦ᭄ᬓᬩᬶᬦ᭄ᬤᬯᬵ᭞ᬇᬓᬂᬭᬵᬚᬪᬸᬣᬫᬸᬗ᭄ᬕ᭄ᬯᬶᬂ᭞ᬧᬸᬘᬓ᭄ᬳᬶᬓᬂᬥ᭄ᬯᬚ᭞ᬭᬹᬧᬦᬾᬓᬩᬶᬦᬩᬶᬦ᭞ᬧᬶᬘᬦ᭄ᬳ᭄ᬬᬂᬳᬕ᭄ᬦᬶᬗᬸᬦᬶ
᭞ᬦᬾᬓᬳᬾᬮᬶᬗᬂ᭞ᬗᭂᬲᭂᬂᬳᬮᬲ᭄ᬯᬦᬳᬸᬦᬶ᭟ᬫᬗ᭄ᬓᬶᬦ᭄ᬮᬸᬫ᭄ᬩ᭄ᬭᬵᬲ᭄ᬯᬪᬵᬯᬲᬗᬃᬚ᭄ᬚᬸᬡ᭞ᬗ᭄ᬤᬾᬳᬸᬮᬧ᭄ᬓᬂᬳᬗᬓ᭄ᬱᬶ᭞ᬢᬶᬦᬸᬮᬸᬧᬶᬂᬰᬗ᭄ᬓ᭞ᬗᬭᬦ᭄ᬲᬶᬤᬾᬯᬵᬥᬢ᭄ᬢᬵ᭞ᬓᬢᬺᬲᬦ᭄ᬲᬜ᭄ᬚᬬᬪᬸᬫᬶ᭞ᬫᬓᬸ
ᬘᭂᬫ᭄ᬲᬶᬭ᭞ᬕᭂᬮᬶᬲ᭄ᬲᬂᬧᬃᬣᬦᬾᬫᬗ᭄ᬓᬶᬦ᭄᭟ᬧᬶᬦᬢᭂᬓᬶᬭᬢᬮᬦᬶᬂᬢᬸᬭᬗ᭄ᬕᬦ᭄ᬬ᭞ᬧᬶᬦᭂᬓᬸᬮ᭄ᬲᬜ᭄ᬚᬬᬪᬸᬫᬶ᭞ᬤᬾᬯᬵᬪᬸᬫᬶᬜ᭄ᬚᬬᬵ᭞ᬲᬫ᭄ᬧᬸᬦ᭄ᬤᬾᬯᬵᬓᬢᬺᬲᬦ᭄᭞ᬭᬶᬳᬋᬧ᭄ᬫᬸᬲᬸᬳᬾᬍ
Kaca:Bali-lontar-paparikan-wiratha-parwa-300ppi.pdf/39
Kaca puniki sampun kauji-wacén
