[᭓᭗ 37B]
᭓᭗
ᬗᬸᬦᬶ᭟ᬓᬸᬦᬂᬲᬂᬕ᭄ᬭᬦ᭄ᬢᬶᬓᬵᬯ᭄ᬭᬸᬳᬶᬂᬳᬰ᭄ᬯᬲᬶᬓ᭄ᬱᬵ᭞ᬲᬂᬦᬓᬸᬮᬳᬶᬓᬢᬸᬯᬶ᭞ᬲᬦᬾᬭᬶᬂᬧᬍᬫ᭄ᬩ᭄ᬯᬦ᭄᭞ᬫᬓᬳᬸᬗ᭄ᬲᬸᬦᬶᬂᬧᬡ᭄ᬥᬯᬵ᭞ᬲᬂᬲᬤᬾᬯᬵᬳᬶᬓᬵᬚᬢᬶ᭞ᬲᬸᬓᬦ᭄ᬤ᭄ᬭᬶᬲᬶᬭ᭞ᬲᬂᬤ᭄ᬭᬸᬧᬤᬶᬦᬾᬗ᭄ᬕᬯᬾ
ᬦᬶᬦ᭄᭟ᬧᭂᬚᬄᬲᬂᬘᬘᬓᬵᬭᬶᬓᬵᬮᬭᬢ᭄ᬭ᭄ᬬᬵ᭞ᬓᬳᬸᬘᬧ᭄ᬕᬦᬵᬃᬯ᭄ᬯᬧᬢᬶ᭞ᬳᬬ᭄ᬯᬯᬯᬭᬳᬦ᭄᭞ᬪᬸᬫᬶᬜ᭄ᬚᬬᬦᬸᬮᬶᬗᬸᬘᬧ᭄᭞ᬮᬶᬦ᭄ᬢᬂᬲᬸᬓᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬜ᭄ᬘᬧᬡ᭄ᬥᬯᬵ᭞ᬘᭀᬓᭀᬃᬳᬶᬤᬾᬯ
ᬦᬾᬢᬸᬯᬶ᭟ᬢᬶᬢ᭄ᬬᬂᬫᬦᬸᬦᬲᬂᬭᬶᬂᬳᬶᬤᬾᬯᬵ᭞ᬤᬾᬦᬶᬂᬓᬮᭀᬓᬦᬾᬫᬗ᭄ᬓᬶᬦ᭄᭞ᬳᬶᬤᬾᬯᬓᬳᬸᬘᬧ᭄᭞ᬲᬧᬸᬮᬸᬄᬦᬫᬦ᭄ᬳᬶᬤᬾᬯᬵ᭞ᬲᬗᬃᬚ᭄ᬚᬸᬡᬲᬸᬓᬵᬗᬧᬶ᭞ᬤᬾᬯᬲᬜ᭄ᬚᬬ᭞ᬢᬶᬢ᭄ᬬᬂᬜ
ᬭᬶᬢᬬᬂᬫᬗ᭄ᬓᬶᬦ᭄᭟ᬳᬲᬶᬂᬲᭀᬮᬳᬶᬂᬢᬶᬢ᭄ᬬᬂᬲᬸᬤ᭄ᬥᬦᬶᬂᬫᬦᬄ᭞ᬲᬗᬃᬚ᭄ᬚᬸᬡᬵᬦᬫᬤᬾᬦᬶᬂ᭞ᬯᬢᭂᬓᬶᬂᬧᬡ᭄ᬥᬶᬢ᭞ᬳᬯᬶᬦᬦᬵᬫᬨᬮ᭄ᬕᬸᬡᬵ᭞ᬦᬶᬳᬦ᭄ᬢᬦ᭄ᬢᬦ᭄ᬬᬾᬗᬸᬦᬶ᭞ᬫᬶᬚᬶᬮᬶᬂᬕᬃᬩ᭄ᬪᬵ᭞
[᭓᭘ 38A]
ᬓᬳᬸᬮᬸᬓᬵᬮᬦᬶᬂᬰᬰᬶᬄ᭟ᬓᬮᬶᬄᬚᬶᬱ᭄ᬡᬸᬧᬦᭂᬮᬄᬢᬶᬢ᭄ᬬᬗᬾᬤᬾᬯ᭞ᬦᬶᬳᬦ᭄ᬧᬤᬃᬢ᭄ᬢᬦ᭄ᬬᬗᬸᬦᬶ᭞ᬳᬦᬰᬢ᭄ᬭᬸᬯᬗ᭄ᬰ᭞ᬢᬦ᭄ᬳᬦᬯᬦᬶᬮᬸᬫᬶᬳᬢ᭄᭞ᬓᬯᬶᬃᬬ᭄ᬬᬦ᭄ᬢᬶᬢ᭄ᬬᬗᬾᬢᬸᬯᬶ᭞ᬓ᭄ᬭᬡᬲᬂ
ᬓᬶᬃᬣ᭄ᬬᬵ᭞ᬓᬳᬸᬘᬧ᭄ᬯᬢᭂᬓ᭄ᬳ᭄ᬬᬂᬲᬫᬶ᭟ᬓᬵᬮᬦᬶᬂᬫᬧ᭄ᬭᬂᬮᬯᬦ᭄ᬤᬾᬢ᭄ᬬᬤᬦᬯᬵ᭞ᬦᬸᬕ᭄ᬭᬳᬳ᭄ᬬᬂᬲᬸᬭᬧᬢᬶ᭞ᬫᬓᬸᬣᬵᬉᬢ᭄ᬢᬫ᭞ᬫᬗᬭᬦ᭄ᬲ᭄ᬯᬾᬢᬯᬵᬳᬦ᭞ᬦᬶᬳᬦ᭄ᬓ᭄ᬭᬫᬦ᭄ᬬᬾᬗᬸᬦᬶ᭞ᬓᬵᬮᬦᬶᬂᬭᬣᬵ
᭞ᬫᬓᭂᬥᭂᬗᬦ᭄ᬚᬭᬦ᭄ᬧᬸᬢᬶᬄ᭟ᬲᬂᬯᬶᬪᬢ᭄ᬲᬓᬳᬸᬘᬧ᭄ᬢᬶᬢ᭄ᬬᬂᬭᬶᬂᬮᭀᬓᬵ᭞ᬫᬢᬗ᭄ᬓᭂᬧ᭄ᬢᬶᬢ᭄ᬬᬗᬾᬗᬸᬦᬶ᭞ᬓᬵᬮᬦᬶᬂᬧᬬᬸᬥᬦ᭄᭞ᬤ᭄ᬬᬸᬲ᭄ᬭᬳᬶᬂᬭᬶᬧᬸᬓᬸᬮᬵ᭞ᬭᬶᬚᬬᬵᬓᬳᬭᬦ᭄ᬬᬾᬓᬶ᭞ᬰᬢ᭄ᬭᬸᬉᬢ᭄ᬢ
ᬫ᭞ᬳᬮᬄᬦ᭄ᬤᬢᬦ᭄ᬧᬗᬸᬤᬶᬮᬶ᭟ᬓᬮᬶᬄᬓᬺᬱ᭄ᬡᬵᬧᬦᭂᬮᬄᬢᬶᬢ᭄ᬬᬗᬾᬤᬾᬯ᭞ᬫᬍᬗᬶᬲ᭄ᬭᬸᬧᬦᬾᬢᬸᬯᬶ᭞ᬲᬯ᭄ᬬᬲᬘᬶᬯᬦᬾᬄ᭞ᬓᬳᬸᬘᬧ᭄ᬳᬦᬭᬶᬂᬮᭀᬓᬵ᭞ᬢᬗᬦ᭄ᬢᬶᬢ᭄ᬬᬂᬓᬦᬦ᭄ᬓᬾᬭᬶ᭟ᬧᬥ
Kaca:Bali-lontar-paparikan-wiratha-parwa-300ppi.pdf/38
Kaca puniki sampun kauji-wacén
