[᭓᭖ 36B]
᭓᭖
ᬉᬢ᭄ᬢᬫ᭞ᬢᭂᬮᬲ᭄ᬢᬓᬸᬢ᭄ᬳᬶᬂᬭᬚᬦᬶ᭞ᬯᬺᬦ᭄ᬤᬮᬵᬳᬗᬸᬘᬧ᭄᭞ᬬᬦ᭄ᬢᬸᬯᬶᬓᬳ᭄ᬬᬸᬦ᭄ᬳᬶᬤᬾᬯᬵ᭞ᬢᭂᬮᬲᬂᬢᬓᬸᬢᬾᬳᬸᬦᬶ᭞ᬦᬾᬳᬤᬭᬣ᭞ᬲᬸᬢᬾᬚᬓᬤᬶᬳ᭄ᬬᬂᬳᬕ᭄ᬦᬶ᭟ᬳᬬ᭄ᬯᬲᬗ᭄ᬲᬬᬤᬾ
ᬯᬵᬫᬗ᭄ᬓᬢ᭄ᬫᬧ᭄ᬭᬗ᭞ᬭᬣᬦ᭄ᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬗᬭᬦ᭄ᬳᬶᬭᬫᬬ᭞ᬢᬦ᭄ᬲᭂᬥᭂᬂᬢᬶᬦᬸᬗ᭄ᬕᬗᬦ᭄᭞ᬯᬶᬭᬾᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬳᬕᭂᬂᬧ᭄ᬭᬤᬵᬯ᭞ᬭᬶᬓᬵᬮᬦᬶᬂᬭᬡᬪᬸᬫᬶ᭟ᬕᬸᬫᬶᬜ᭄ᬚᬬᬫ
ᬗᬲᭀᬃᬭᬶᬂᬯᬺᬳᬦ᭄ᬤᬮ᭞ᬇᬗ᭄ᬕᬶᬄᬤᬾᬯᬵᬲᬦᬾᬫᬗ᭄ᬓᬶᬦ᭄᭞ᬢᬸᬯᬶᬲᬫ᭄ᬧᬸᬦ᭄ᬢᬶᬦᬲ᭄᭞ᬗᬦ᭄ᬢᭂᬦᬂᬯᬃᬡ᭄ᬦᬦ᭄ᬳᬶᬤᬾᬯᬵ᭞ᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭᬚᬢᬶ᭞ᬳᬯᬶᬦᬦ᭄ᬢᬶᬢ᭄ᬬᬂ᭞ᬢᬦ᭄ᬲᬸᬫᬗ᭄ᬲᬬᬦᬾᬫᬗ᭄ᬓᬶᬦ᭄᭟
ᬢᬸᬯᬶᬯᬾᬦ᭄ᬢᭂᬦ᭄ᬢᬸᬦᬲᬂᬢᬶᬢ᭄ᬬᬂᬭᬶᬂᬤᬾᬯᬵ᭞ᬯᬶᬭᬾᬄᬢᬶᬢ᭄ᬬᬂᬫᬜ᭄ᬭᬢᬾᬦᬶᬦ᭄᭞ᬲ᭄ᬯᬾᬘ᭄ᬙᬳᬶᬤᬾᬯ᭞ᬫᬯᬭᬄᬕᬸᬡᬦᬶᬂᬲ᭄ᬭᬣ᭄ᬬᬵ᭞ᬓᬤᬶᬕᬸᬡᬲᬂᬤᬭᬸᬓᬶ᭞ᬘᭂᬧᭂᬢ᭄ᬭᬶᬂᬭᬣ᭞ᬧᬤ᭄ᬫᬦᬪᬗᬯ
[᭓᭗ 37A]
ᬭᬳᬶᬦ᭄᭟ᬓᬤᬶᬲᬂᬫᬢᬮᬶᬲᬶᬦᭂᬧᭂᬓᬦ᭄ᬕᬸᬡ᭞ᬲ᭄ᬭᬣᬶᬳ᭄ᬬᬂᬲᬸᬭᬧᬢᬶ᭞ᬫᬗ᭄ᬓᬵᬉᬚᬋᬦ᭄ᬤᬾᬯ᭞ᬧ᭄ᬭᬫᬲᬸᬓᬲᬂᬧᬃᬣ᭞ᬦᬸᬮᬶᬗ᭄ᬭᬗ᭄ᬲᬸᬓ᭄ᬓᬸᬯᬘᬍᬯᬶᬄ᭞ᬅᬤᬺᬱᬸᬢᬾᬚᬵ᭞ᬗ᭄ᬭᬗ᭄ᬲᬸᬓ᭄ᬪᬸᬱᬡᬦᬾᬭᬶ
ᬳᬶᬦ᭄᭟ᬍᬯᬶᬄᬩᭂᬗᭀᬂᬕᬸᬫᬶᬜ᭄ᬚᬬᬵᬫᬸᬮᬢ᭄ᬲᬂᬧᬃᬣ᭞ᬫᭀᬚᬃᬢᬲᬶᬭᬕᭂᬮᬶᬲ᭄᭞ᬤᬾᬯᬵᬯᬺᬳᬦ᭄ᬤᬮ᭞ᬳᭂᬡ᭄ᬥᬶᬧᬭᬦᬶᬂᬧᬡ᭄ᬥᬯ᭞ᬫᬦᬸᬲᬸᬧ᭄ᬭᬶᬂᬳᬮᬲ᭄ᬳᬸᬦᬶ᭞ᬲᬯᬶᬭᬾᬳᬶᬤ᭞ᬳᬮᬄᬫᬘᬸ
ᬓᬶᬦᬾᬗᬸᬦᬶ᭟ᬫᬲᬯᬸᬃᬲᬂᬥᬦᬜ᭄ᬚᬬᬫᬦᬃᬢ᭄ᬢᬬᬂ᭞ᬤᬾᬯᬵᬲᬂᬲᬜ᭄ᬚᬬᬪᬸᬫᬶ᭞ᬧᬸᬦᬶᬓᬶᬧᬶᬋᬗᬂ᭞ᬢᬶᬢ᭄ᬬᬂᬫᬢᬸᬢᬸᬃᬢᬸᬢᬸᬭᬦ᭄᭞ᬢᬶᬗ᭄ᬓᬄᬲᬂᬧᬡ᭄ᬥᬯᬵᬲᬫᬶ᭞ᬢᬶᬢ᭄ᬬᬂᬲᬂᬧᬃᬣ᭞ᬫᬭᬸᬧᬓᭂᬥᬶᬦᬾᬗᬸ
ᬦᬶ᭟ᬲᬂᬩ᭄ᬭᬳ᭄ᬫᬡᬵᬢᬦ᭄ᬧᬲᬄᬭᬶᬂᬭᬫᬦᬶᬭ᭞ᬲᬂᬥᬃᬫ᭄ᬫᬯᬗ᭄ᬰᬢᬸᬯᬶ᭞ᬓᬮᬶᬄᬲᬂᬩᬮᬯ᭞ᬢᬦ᭄ᬫᭀᬮᬄᬭᬶᬂᬧᬯᬋᬕᬦ᭄᭞ᬚᬸᬭᬸᬳᭀᬮᬄᬭᬫᬳᬚᬶ᭞ᬇᬓᬲᬂᬪᬶᬫ᭞ᬫᭂᬚᬄᬲᬂᬫᬮᭀᬚ᭄ᬜ
Kaca:Bali-lontar-paparikan-wiratha-parwa-300ppi.pdf/37
Kaca puniki sampun kauji-wacén
