Kaca:Bali-lontar-paparikan-wiratha-parwa-300ppi.pdf/36

[᭓᭕ 35B]
᭓᭕
ᬗ᭄ᬓᬾᬧᬕ᭄ᬮᬦ᭄ᬢᬶᬂ᭞ᬭᬶᬧᬂᬇᬓᬸᬂᬢᬭ᭄ᬯ᭞ᬧᭂᬲᬸᬩᬜᭂᬄᬢᬦ᭄ᬧᬦ᭄ᬢᬭ᭞ᬧᬢᬸᬢ᭄ᬫᬦᬶᬭᬦᬾᬚᬦᬶ᭞ᬘᬫ᭄ᬧᬸᬃᬳᬶᬦᬸᬘᬧ᭄᭞ᬤᬾᬦᬶᬂᬧ᭄ᬭᬢᬓ᭄ᬚᬦᬲᬫᬶ᭞ᬲᬂᬓᭂᬥᬶᬯᬺᬳᬦ᭄ᬤᬮᬵᬳᬦᬸᬮᬶᬗᬸᬘᬧ᭄᭞ᬤᬾᬯᬲᬂᬲ
ᬜ᭄ᬚᬬᬪᬸᬫᬶ᭞ᬓᬳᬸᬘᬧ᭄ᬳᬶᬤᬾᬯᬵ᭞ᬲᬢ᭄ᬭ᭄ᬬᬓᬸᬮᬵᬯᬗ᭄ᬰᬚ᭞ᬦ᭄ᬤᬶᬓᬧᬦ᭄ᬢᬶᬢ᭄ᬬᬦᬾᬫᬗ᭄ᬓᬶᬦ᭄᭞ᬫᬓᭀᬦ᭄ᬳᬶᬤᬾᬯᬵ᭞ᬲᬦᬾᬢᬦ᭄ᬧᬢᬸᬢ᭄ᬕᬯᬾᬦᬶᬦ᭄᭟ᬢᬦ᭄ᬯᬶᬳᬂᬕᬸᬫᬶᬜ᭄ᬚᬬᬫᭂᬦᬾᬓ᭄ᬭᬶᬂᬢ
ᬭ᭄ᬯ᭞ᬓᬧᬗ᭄ᬕᬶᬄᬲᬜ᭄ᬚᬢᬍᬯᬶᬄ᭞ᬧ᭄ᬭᬲᬫᬭᬸᬧᬦ᭄ᬬ᭞ᬲᬫᬶᬲᬸᬢᬾᬚᬪᬵᬰ᭄ᬯᬭ᭞ᬦᬸᬮᬶᬓᬢᬸᬃᬳᬶᬓᬵᬲᬫᬶ᭞ᬲᬂᬥᬦᬜ᭄ᬚᬬ᭞ᬢᬦᬵᬃᬱᬫᬦᬫ᭄ᬧᬾᬦᬶᬦ᭄᭟ᬤᬾᬦᬶᬂᬲᬫᬶᬲᬜ᭄ᬚᬢᬓᬓᬵ
ᬭᬶᬦᬶᬭ᭞ᬫᭂᬦᬾᬓ᭄ᬳᬃᬚ᭄ᬚᬸᬡᬳᬕᭂᬮᬶᬲ᭄᭞ᬫᬶᬦ᭄ᬢᭀᬦᬂᬲᬜ᭄ᬚᬢ᭞ᬇᬗ᭄ᬕᬶᬄᬤᬾᬯᬵᬕᬸᬫᬶᬜ᭄ᬚᬬᬵ᭞ᬘᬶᬗᬓ᭄ᬲᬜ᭄ᬚᬢᬦᬾᬍᬯᬶᬄ᭞ᬲᬜ᭄ᬚᬢᬦᬶᬭ᭞ᬲᬂᬥᬦᬜ᭄ᬚᬬᬦᬾᬗᬸᬦᬶ᭟ᬳᬯᬦ
[᭓᭖ 36A]
ᬦ᭄ᬳᬶᬤᬚᬬᬵᬲᬂᬥᬦᬜ᭄ᬚᬬ᭞ᬭᬶᬂᬢ᭄ᬭᬶᬫᬡ᭄ᬥᬮᬵᬢᬸᬯᬶ᭞ᬇᬓᬶᬧᬫᭂᬦ᭄ᬢᬂᬦ᭄ᬬ᭞ᬲᬢᬸᬲ᭄ᬲᬳᬰ᭄ᬭᬫᬸᬱ᭄ᬝᬶᬦ᭄ᬬ᭞ᬲᬜ᭄ᬚᬢᬳ᭄ᬬᬂᬩ᭄ᬭᬳ᭄ᬫᬵᬗᬸᬦᬶ᭞ᬲᬶᬬᬸᬓᬯᬃᬱᬦ᭄᭞ᬓᬭᬵᬓ᭄ᬱᬵᬳ᭄ᬬᬂᬩ᭄ᬭᬳ᭄ᬫᬵᬢᬸᬯᬶ᭟ᬳ᭄ᬬᬂᬩ᭄ᬭ
ᬳ᭄ᬫᬵᬫᬶᬘ᭄ᬘᬬᬂᬭᬶᬂᬧᬰᬸᬧᬢ᭄ᬬ᭞ᬮᬯᬲ᭄ᬳᬶᬓᬵᬲᬸᬚᬢᬶ᭞ᬯᬮᬸᬂᬗᬢᬸᬲ᭄ᬯᬃᬱ᭞ᬧᬰᬸᬧᬢᬶᬫᬦᬶᬯᬓᬂ᭞ᬭᬶᬂᬳᬤᬶᬳ᭄ᬬᬂᬲᬸᬭᬧᬢᬶ᭞ᬮᬯᬲ᭄ᬳᬶᬗ᭄ᬓᬦ᭞ᬳᬸᬮᬸᬂᬤᬰᬯᬃᬱᬵᬢᬸᬯᬶ᭟ᬲᬂᬳ᭄ᬬᬂᬇᬦ᭄ᬤ᭄ᬭᬫᬶᬘᬬᬂᬭᬶᬂ
ᬲᬂᬥᬦᬜ᭄ᬚᬬ᭞ᬢᬸᬯᬶᬓᬕᬫ᭄ᬩᭂᬮ᭄ᬢᬦ᭄ᬫᬭᬶ᭞ᬲᬾᬓᭂᬢ᭄ᬮᬶᬫᬯᬃᬱᬵ᭞ᬓᬤᬶᬢᬾᬚᬦᬶᬂᬳ᭄ᬬᬂᬦᬮ᭞ᬕᬸᬫᬶᬜ᭄ᬚᬬᬰᬩ᭄ᬥᬳᬭᬶᬲ᭄᭞ᬜᬳᬶᬯᬺᬦ᭄ᬤᬮᬵ᭞ᬍᬯᬶᬄᬲᬸᬓᬵᬳᬶᬭᬚᬦᬶ᭟ᬫᬗᬢᭀᬦᬂᬲᬜ᭄ᬚᬢ