[᭓᭔ 34B]
᭓᭔
ᬦ᭄ᬧᬢᬾᬚ᭞ᬍᬩᬸᬫᭂᬍᬓ᭄ᬢᬦ᭄ᬲᬶᬦᬶᬧᬶ᭞ᬧᭂᬢᭂᬂᬳᬶᬓᬂᬭᬵᬢ᭄᭞ᬓᬸᬤᬮᬶᬫᬦ᭄ᬧᬕᬸᬮᬶᬮᬶᬂ᭟ᬳᬯᬶᬦᬦ᭄ᬳᬶᬤᬕᭂᬮᬶᬲ᭄ᬥᬗ᭄ᬳ᭄ᬬᬂᬤ᭄ᬭᭀᬡ᭞ᬗᬦ᭄ᬤᬶᬓᬵᬭᬶᬂᬧ᭄ᬭᬕᬸᬂᬲᬫᬶ᭞ᬥᬸᬄᬤᬾᬯᬧᬗᬾᬭᬦ᭄᭞
ᬦᬾᬘᬶᬗᬓ᭄ᬤᬸᬃᬦᬶᬫᬶᬢ᭄ᬢᬵ᭞ᬘᬶᬭᬶᬚᭂᬮᬾᬲᬦᬾᬗᬸᬦᬶ᭞ᬬᬢ᭄ᬦᬳᬶᬤᬾᬯᬵ᭞ᬕᭂᬮᬃᬯᬗᬸᬦᬂᬦᬾᬚᬦᬶ᭟ᬚᬢᬶᬧᬃᬡ᭄ᬦᬦ᭄ᬩᬧᬵᬲᬂᬥᬦᬜ᭄ᬚᬬ᭞ᬫᬲᬶᬮᬸᬫᬦ᭄ᬭᬸᬧᬓᭂᬥᬶ᭞ᬢᬦ᭄ᬤᬤ᭄ᬬᬬᬲᭀ
ᬭ᭞ᬢᭂᬗᬳᬶᬂᬭᬡᬗ᭄ᬕᬡ᭞ᬕᬦᬃᬯ᭄ᬯᬧᬶᬰᬘᬵᬢᬸᬯᬶ᭞ᬓᬲᭀᬃᬤᬾᬦᬶᬭ᭞ᬳᬲᬶᬂᬯᬦᬶᬢᭂᬮᬲ᭄ᬫᬢᬶ᭟ᬲ᭄ᬬᬧᬵᬯᭂᬦᬂᬫᬧᬕᬶᬥᬦᬜ᭄ᬚᬬ᭞ᬫᬦᬗ᭄ᬓᭂᬧᬶᬦ᭄ᬭᬡᬢᬸᬯᬶ᭞ᬳᬶᬤᬲᬂᬳ᭄ᬬᬂᬮᬸᬤ᭄ᬭ
᭞ᬢᬸᬯᬶᬮᬶᬦ᭄ᬢᬂᬦᬸᬕ᭄ᬭᬳᬵ᭞ᬤᬯᭂᬕ᭄ᬳᬶᬧᬸᬦ᭄ᬦᬗᬸᬦ᭄ᬓᬾᬃᬢ᭄ᬢᬶ᭞ᬭᬶᬂᬇᬦ᭄ᬤ᭄ᬭᬓᬶᬮ᭞ᬦᭂᬮᬲᬂᬫᭀᬫᭀᬦᬾᬲᬫᬶ᭟ᬕᭂᬮᬶᬲᬂᬓᬃᬡ᭄ᬦᬮᬜ᭄ᬘᬂᬫᬢᬸᬃᬩᬗ᭄ᬓᬦ᭄᭞ᬳᬧᬵᬓ᭄ᬭᬡᬢᬦ᭄ᬫᬭᬶ᭞ᬗᬍᬫ᭄ᬥᬦᬜ᭄ᬚ
[᭓᭕ 35A]
ᬬ᭞ᬢᬦ᭄ᬳᬦᬯᬦ᭄ᬬᬗ᭄ᬮᬯᬦ᭄᭞ᬬᬤᬶᬦ᭄ᬳᬶᬧᬸᬦ᭄ᬍᬯᬶᬄᬰᬓ᭄ᬢᬶ᭞ᬫᬗ᭄ᬤᭀᬄᬭᬶᬂᬢᬶᬢ᭄ᬬᬂ᭞ᬫᬶᬗ᭄ᬓᬶᬦ᭄ᬓᬾᬰ᭄ᬭᬷᬪᬸᬧᬢᬶ᭟ᬢᬦ᭄ᬳᬸᬘᬧᭂᬦ᭄ᬭᬯᭀᬲ᭄ᬯᬢᭂᬓᬶᬂᬓᭀᬭᬯ᭞ᬲᬂᬥᬦᬜ᭄ᬚᬬᬦᬾᬫᬗ᭄ᬓᬶᬦ᭄᭞ᬢ
ᬦ᭄ᬫᬭᬶᬳᬗᬸᬘᬧ᭄᭞ᬭᬶᬲᬂᬯᬶᬭᬣᬧᬸᬢ᭄ᬭ᭞ᬤᬾᬯᬲᬂᬲᬜ᭄ᬚᬬᬪᬸᬫᬶ᭞ᬤᬺᬯᬾᬦ᭄ᬳᬶᬤᬾᬯ᭞ᬢᬸᬫ᭄ᬩᬓ᭄ᬧᬫᭂᬦ᭄ᬢᬗᬾᬕᬜ᭄ᬚᬶᬄ᭟ᬫᬫᬶᬦ᭄ᬤᬄᬢᬶᬢ᭄ᬬᬂᬫᬲᬶᬓᭂᬧ᭄ᬓᬦᬶᬃᬕᬸᬡ᭞ᬳᬧᬦ᭄ᬲᬤ᭄ᬥᬓᬮᬰᬓ᭄ᬢᬶ᭞ᬓ
ᬮᬭᬶᬂᬧᬬᬸᬥᬦ᭄᭞ᬇᬓᬶᬢᭀᬦ᭄ᬢᭀᬦ᭄ᬳᬶᬓᬶᬳᬲ᭄ᬢ᭄ᬭ᭞ᬳᭂᬮᬸᬂᬦ᭄ᬤᬢᬦ᭄ᬧᬗᬸᬤᬶᬮᬶ᭞ᬢ᭄ᬯᬶᬫᬦᬄᬢᬶᬢ᭄ᬬᬂ᭞ᬗᬭᬸᬭᬸᬄᬲᬦᬾᬫᬗ᭄ᬓᬶᬦ᭄᭟ᬤᬾᬦᬶᬂᬳᬦᬲᬜ᭄ᬚᬢᬧᬜ᭄ᬘᬧᬡ᭄ᬥᬯ᭞ᬭᬶᬂᬲᬾᬢ᭄ᬭᬫᬕᭂᬦᬄ
ᬫᬗ᭄ᬓᬶᬦ᭄᭞ᬳᬦᬢᬭ᭄ᬯᬫᬕᭃᬂ᭞ᬮᬸᬳᬸᬃᬦ᭄ᬬᬢᬦ᭄ᬲᬫᬲᬫ᭞ᬘᬭᬂᬦ᭄ᬬᬲᭂᬥᭂᬂᬧᭂᬦᬾᬓᬶᬦ᭄᭞ᬳᬬ᭄ᬯᬲᬗ᭄ᬲᬬ᭞ᬕᬸᬫᬶᬜ᭄ᬚᬬᬵᬫᬜᬯᬸᬭᬶᬦ᭄᭟ᬢᬸᬯᬶᬲᬚᬵᬩᬸᬓᬫᬸᬜᬶᬦ᭄ᬯᬺᬦ᭄ᬤᬮ᭞ᬳᬦᬯ
Kaca:Bali-lontar-paparikan-wiratha-parwa-300ppi.pdf/35
Kaca puniki sampun kauji-wacén
