[᭓᭐ 30B]
᭓᭐
ᬮᬦ᭄ᬤ᭄ᬭ᭄ᬬᬵ᭞ᬫᬶᬋᬗᬂᬲᬜ᭄ᬚᬬᬪᬸᬫᬶ᭞ᬧ᭄ᬭᬕᬮ᭄ᬪᬵᬬᬫᬫᬸᬜᬶ᭞ᬳᬢ᭄ᬫᬧ᭄ᬭᬰᬗ᭄ᬰᬢᬸᬳᬸ᭞ᬤᬾᬦᬶᬂᬫᬗᬍᬫ᭄ᬳᬯᬓ᭄᭞ᬲᬸᬮᬦ᭄ᬤ᭄ᬭᬶᬕᭂᬥᭂᬕ᭄ᬳᬗᬧᬶ᭞ᬦᬸᬮᬶᬫᬢᬸᬃ᭞ᬳᬾᬕᬃᬭᬶᬲᬂᬪᬸᬫᬶᬜ᭄ᬚᬬ᭟ᬳᬢᬸᬃᬢᬶᬢ᭄ᬬᬂ
ᬭᬶᬂᬳᬶᬤᬾᬯᬵ᭞ᬤᬳᬢ᭄ᬮᬜ᭄ᬘᬂᬓᬤᬶᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬲᬸᬫᬡ᭄ᬥ᭄ᬬᬳᬶᬤᬾᬯᬵ᭞ᬭᬶᬢᬦ᭄ᬳᬦᬦᬶᬂᬲᬭᬣᬶ᭞ᬢᬸᬯᬶᬯᬾᬦ᭄ᬢᭂᬦ᭄ᬲᬦᬾᬫᬦᬗ᭄ᬓᬶᬦ᭄᭞ᬳᬶᬧᬸᬦ᭄ᬓᬯᬸᬮᬦ᭄ᬳᬶᬭᬢᬸ᭞ᬲᭂᬓᭂᬥᬶᬯᬺᬳᬦ᭄ᬦᬮ᭞ᬯᬶᬘᬵ
ᬓ᭄ᬱᬡᬫᬗᭀᬋᬕᬶᬦ᭄᭞ᬧᭂᬘᬓ᭄ᬳᬶᬧᬸᬦ᭄᭞ᬲᬭᬣᬶᬦ᭄ᬲᬂᬥᬦᬜ᭄ᬚᬬ᭟ᬬᬦ᭄ᬯᬾᬦ᭄ᬢᭂᬦ᭄ᬳᬃᬱᬦ᭄ᬳᬶᬤᬾᬯᬵ᭞ᬗᬦ᭄ᬤᬶᬓᬬᬂᬳᬶᬧᬸᬦ᭄ᬲᬭᬣᬶ᭞ᬤ᭄ᬬᬄᬉᬢ᭄ᬢᬭᬶᬳᬶᬤᬓᬶᬦᭀᬦ᭄᭞ᬤᬾᬦᬶᬂᬳᬶᬤᬓᬚ᭄ᬭᬶ
ᬳᬶᬦ᭄᭞ᬗᬦ᭄ᬤᬶᬓᬵᬲᬦᬾᬫᬗ᭄ᬓᬶᬦ᭄᭞ᬦᬭᬶᬂᬯᬺᬳᬦ᭄ᬦᬮᬭᬢᬸ᭞ᬪᬸᬫᬶᬜ᭄ᬚᬬᬵᬗᬦ᭄ᬤᬶᬓᬵ᭞ᬓᭂᬫᬵᬳᬤᬶᬲᬂᬉᬢ᭄ᬢᬭᬶ᭞ᬢᬸᬦ᭄ᬤᬾᬦ᭄ᬳᬶᬧᬸᬦ᭄᭞ᬳᬶᬲᬂᬓᭂᬥᬶᬯᬺᬳᬦ᭄ᬦᬮ᭟ᬤ᭄ᬬᬄᬉᬢ᭄ᬢᬭᬶᬮᬸᬫᬫ᭄ᬧᬄ᭞ᬭ
[᭓᭑ 31A]
ᬯᬸᬄᬭᬶᬂᬯᬺᬦ᭄ᬦᬮᬵᬓᭂᬥᬶ᭞ᬦᬸᬮᬶᬳᬶᬤᬗᬦ᭄ᬤᬶᬓᬵᬮᭀᬦ᭄᭞ᬳᭂᬫ᭄ᬩᭀᬓ᭄ᬯᬺᬳᬦ᭄ᬦᬮᬓᭂᬥᬶ᭞ᬪᬸᬫᬶᬜ᭄ᬚᬬᬵᬦᬾᬚᬦᬶ᭞ᬢᬸᬯᬶᬳᬶᬤᬫᬶᬦ᭄ᬢᬢᬸᬮᬸᬂ᭞ᬳᬶᬤᬫᬗ᭄ᬓᬢ᭄ᬓᬧᬬᬸᬥᬦ᭄᭞ᬫᬦᬸᬮᬸᬂᬕᭀᬨᬮᬲ
ᬫᬶ᭞ᬤᬾᬦᬶᬂᬮᬶᬬᬸ᭞ᬍᬫ᭄ᬩᬸᬦᬾᬢᭂᬮᬲ᭄ᬓᬚᬭᬄ᭟ᬤᬾᬦᬶᬂᬬᭀᬥᬲᬂᬓᭀᬭᬯᬵ᭞ᬢᭂᬓᬦᬶᬂᬧᬗᬗ᭄ᬯᬦ᭄ᬳᭂᬦ᭄ᬢᬶ᭞ᬲᬦ᭄ᬤᬾᬬᬦᬾᬳᬶᬤᬦᬾᬫᬗ᭄ᬓᭀ᭞ᬤᬾᬦᬶᬂᬢᬦ᭄ᬳᬦᬶᬂᬲᬭᬣᬶ᭞ᬓᬤᬶᬘᬘᬓᬵᬧᬢᬶᬄ
ᬕᭂᬮᬶᬲ᭄ᬲᬸᬮᬦ᭄ᬤ᭄ᬭ᭄ᬬᬫᬢᬹᬃ᭞ᬗᬸᬦᬶᬗᬂᬳᭂᬫ᭄ᬩᭀᬓ᭄ᬧᭂᬜ᭄ᬘᬤ᭄᭞ᬘᭂᬧᭂᬢ᭄ᬭᬶᬭᬶᬄᬫᬗᭀᬋᬕᬶᬦ᭄᭞ᬲᬦᬾᬫᬮᬸ᭞ᬳᬯᬦᬦ᭄ᬳᬃᬚ᭄ᬚᬸᬡᬚᬬᬵ᭟ᬓᬧᬶᬓᭂᬥᭂᬧ᭄ᬦᬶᬭ᭞ᬦᬸᬦ᭄ᬤᬾᬦ᭄ᬳᭂᬫ᭄ᬩᭀᬓ᭄ᬲᬦᬾᬚᬦᬶ᭞ᬫᬜ᭄ᬭ
ᬣᬶᬦᬶᬦ᭄ᬕᬸᬫᬶᬜ᭄ᬚᬬᬵ᭞ᬯᬺᬦ᭄ᬦᬮᬵᬢᭂᬮᬲ᭄ᬫᬗᬶᬭᬶᬂ᭞ᬦᬸᬮᬶᬮᬸᬫᬫ᭄ᬧᬄᬳᬭᬶᬲ᭄᭞ᬓᬕᬾᬢ᭄ᬕᭂᬮᬶᬲ᭄ᬳᬶᬧᬸᬦ᭄ᬭᬯᬸᬄ᭞ᬭᬶᬳᬚᭂᬂᬕᬸᬫᬶᬜ᭄ᬚᬬᬵ᭞ᬕᭂᬮᬶᬲ᭄ᬳᬶᬤᬗᬦ᭄ᬤᬶᬓᬵᬭᬶᬲ᭄᭞ᬫᬗ᭄ᬮᬮᬸᬜᬸᬄ᭞ᬭᬶᬲᬂᬓᭂᬥᬶᬯᬺᬳᬦ᭄ᬦᬮ
Kaca:Bali-lontar-paparikan-wiratha-parwa-300ppi.pdf/31
Kaca puniki sampun kauji-wacén
