[᭓᭑ 31B]
᭓᭑
᭟ᬜᬳᬶᬓᭂᬥᬶᬯᬺᬳᬦ᭄ᬦᬮ᭞ᬳᬶᬭᬵᬦᬸᬦ᭄ᬤᬾᬦ᭄ᬜᬳᬶᬚᬦᬶ᭞ᬜᬭᬣᬶᬦᬶᬦ᭄ᬳᬶᬭᬫᬗ᭄ᬓᭀ᭞ᬳᬶᬯᬺᬦ᭄ᬦᬮᬵᬫᬢᬸᬃᬳᬭᬶᬲ᭄᭞ᬇᬗ᭄ᬕᬶᬄᬭᬢᬸᬲᬗᬧᭂᬓᬶᬓ᭄᭞ᬩᭀᬬᬲᬓᬶᬂᬢᬶᬢ᭄ᬬᬂᬧᬸᬭᬸᬦ᭄᭞ᬦᬸ
ᬮᬓ᭄ᬓᬳ᭄ᬬᬸᬦ᭄ᬳᬶᬤᬾᬯ᭞ᬤᬾᬦᬶᬂᬢᬶᬢ᭄ᬬᬂᬢᬸᬦᬰᬓ᭄ᬢᬶ᭞ᬧᬘᬂᬫᬕᬸᬢ᭄᭞ᬯᬢᭂᬓᬶᬂᬓᭀᬭᬯᬓᬸᬮᬵ᭟ᬤᬸᬓᬧᬦ᭄ᬢᬶᬢ᭄ᬬᬂᬜᬶᬤᬬᬂ᭞ᬤᬾᬦᬶᬂᬢᬶᬢ᭄ᬬᬂᬫᬯᬓ᭄ᬩᬜ᭄ᬘᬶᬄ᭞ᬬᬦ᭄ᬫᬗᬶᬕᭂᬮ᭄ᬢᬶᬢ᭄ᬬᬂᬧᬓᭀᬦ᭄᭞ᬫᬢᬵ
ᬡ᭄ᬥᬓ᭄ᬤᬕᬫ᭄ᬩᭂᬮ᭄ᬢᬸᬯᬶ᭞ᬦᬾᬦ᭄ᬢᭂᬦ᭄ᬓᭂᬚᬶᬮ᭄ᬳᬧᬶᬢᬸᬯᬶ᭞ᬗᬸᬧᬶᬢ᭄ᬫᬢᬡ᭄ᬥᬓ᭄ᬫᬗᬶᬥᬸᬂ᭞ᬕᬸᬫᬶᬜ᭄ᬚᬬᬳᬗᬸᬘᬧ᭄᭞ᬓᭂᬥᭂᬄᬳᬶᬭᬦᬸᬦ᭄ᬤᬾᬦ᭄ᬜᬳᬶ᭞ᬳᭂᬦᬾᬲᬮᬸᬓ᭄᭞ᬓᬮᬫ᭄ᬩᬶᬫᬲ᭄ᬫᬲᬲᭀᬘᬦ᭄᭟ᬦᬸᬮᬶᬤ
ᬦᬾᬜᬮᬸᬓ᭄ᬓ᭄ᬯᬘᬵ᭞ᬲᬂᬯᬺᬦ᭄ᬦᬮᬵᬢᬸᬯᬶᬳᬲᬶᬦ᭄᭞ᬯᬢᭂᬓ᭄ᬳᬶᬲ᭄ᬢ᭄ᬭᬶᬧᬥᬵᬩᭂᬗᭀᬂ᭞ᬳᬤᬳᬾᬯᬾᬃᬫᬗᭂᬤᬾᬓᬶᬦ᭄᭞ᬳᬤᬓᭂᬜᭂᬫ᭄ᬫᬦᬕᬶᬄ᭞ᬚᬚᬭᬳᬦ᭄ᬳᬗ᭄ᬕᬾᬦ᭄ᬓᬫ᭄ᬧᬸᬄ᭞ᬬᬦ᭄ᬲᬸᬩᬫᬜᬶᬤ
[᭓᭒ 32A]
ᬬᬂ᭞ᬫᬗᬲᭀᬭᬂᬰᬢ᭄ᬭᬸᬲ᭄ᬢᬶ᭞ᬢᬦ᭄ᬓᬮᬶᬗᬸ᭞ᬤᬾᬦᬶᬂᬓᭂᬥᬶᬯᬺᬳᬦ᭄ᬦᬮ᭟ᬳᬕᭂᬮᬶᬲ᭄ᬫᬸᬗ᭄ᬕᬄᬭᬶᬂᬭᬣ᭞ᬕᬸᬫᬶᬜ᭄ᬚᬬᬵᬦᬺᬧᬢᬶ᭞ᬲ᭄ᬭᬣᬶᬓᭂᬥᬶᬯᬺᬳᬦ᭄ᬦᬮ᭞ᬕᬢᬶᬧᬚᬮᬦᬾᬢᬸᬯᬶ᭞ᬲᬓᬶᬂᬓᬯᬶᬥ
ᬕ᭄ᬥᬦᬶᬂ᭞ᬓᭂᬥᬶᬯᬺᬳᬦ᭄ᬤᬮᬢᬸᬳᬸ᭞ᬯ᭄ᬭᬸᬳᬶᬂᬳᬰ᭄ᬯᬰᬶᬓ᭄ᬱ᭞ᬓᬤᬶᬫᭂᬮᬫ᭄ᬧᬳᬾᬫᬗ᭄ᬓᬶᬦ᭄᭞ᬓᬕᬾᬢ᭄ᬭᬯᬸᬄ᭞ᬭᬶᬳᬚᭂᬂᬧ᭄ᬭᬪᬸᬳᬲ᭄ᬢᬶᬦ᭟ᬲᭂᬲᭂᬓ᭄ᬯᬢᭂᬓᬶᬂᬧ᭄ᬭᬯᬷᬭ᭞ᬧ᭄ᬭᬲᬫᬵᬲᬜ᭄ᬚᬢᬲᬫᬶ᭞ᬕᬸᬫᬸᬭᬸᬳᬶ
ᬓᬂᬓᭂᬡ᭄ᬥᬂᬕᭀᬂ᭞ᬩᭂᬡ᭄ᬥᬾᬢᬦ᭄ᬧᬓᬮᬫᬸᬦᬶ᭞ᬲᬹᬃᬬ᭄ᬬᬦ᭄ᬳᬯᬦ᭄ᬢᬶᬯᬦ᭄ᬢᬶ᭞ᬓᬤᬶᬲᬕᬭᬢᬸᬫᬫ᭄ᬧᬸᬄ᭞ᬓᬢᭂᬓᬦᬶᬂᬧ᭄ᬭᬮᬬ᭞ᬓᬾᬢᭀᬳᬸᬧᬫᬦ᭄ᬬᬢᬸᬯᬶ᭞ᬫᭂᬍᬓ᭄ᬍᬩᬹ᭞ᬭᬶᬂᬫᬥ᭄ᬬᬦᬶᬂᬭᬡᬗ᭄ᬕᬡ᭟ᬢᬸᬫᬶ
ᬗ᭄ᬳᬮ᭄ᬲᬂᬕᬸᬫᬶᬜ᭄ᬚᬬ᭞ᬓᬯᭂᬦᭂᬲᬦ᭄ᬳᬶᬓᬗ᭄ᬳᬢᬶ᭞ᬓᬸᬫᭂᬢᭂᬃᬲᬸᬓᬸᬦᬾᬕᭂᬜ᭄ᬚᭀᬃ᭞ᬕᭂᬮᬶᬲ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬜᬳᬶᬯᬺᬳᬦ᭄ᬤᬮᬓᭂᬥᬶ᭞ᬚᬮᬦ᭄ᬫᬓᬶᬍᬲᬦ᭄ᬫᬮᬸ᭞ᬢ᭄ᬯᬭᬲᭂᬥᭂᬂᬬᬮᬯᬦ᭄᭞ᬯᬢᭂᬓᬶᬂ
Kaca:Bali-lontar-paparikan-wiratha-parwa-300ppi.pdf/32
Kaca puniki sampun kauji-wacén
