[᭒᭙ 29B]
᭒᭙
ᬦ᭞ᬗ᭄ᬭᬯᭀᬲᬂᬳᬸᬧᬬᬲᬡ᭄ᬥᬶ᭞ᬢᬦ᭄ᬫᬭᬶᬗᬯᬯᬦᬶᬦ᭄᭞ᬫᬜᬶᬮᬶᬩ᭄ᬫᬗᬮᬧᬼᬫ᭄ᬩᬸ᭞ᬗᭀᬚᭀᬕ᭄ᬓᬡ᭄ᬥᬂᬧᬍᬫ᭄ᬩ᭄ᬯᬦ᭄᭞ᬦᬾᬢᬦ᭄ᬓᬧᬭᬦᬦ᭄ᬳᬸᬦᬶ᭞ᬲᬳᬵᬤᬸᬮᬸᬃ᭞ᬲᬂᬓᬃᬡ᭄ᬦᬵᬪᬕᬯᬵᬦ᭄ᬪᬶᬱ᭄ᬫᬵ᭟ᬥᬂᬳ᭄ᬬᬂᬓ᭄ᬭᬧᬵᬚ
ᬬᬤ᭄ᬭᬣ᭞ᬰ᭄ᬯᬢ᭄ᬢᬫᬫ᭄ᬯᬂᬰᬓᬸᬦᬶ᭞ᬫᬓᬤᬶᬥᬗ᭄ᬳ᭄ᬬᬂᬤ᭄ᬭᭀᬡᬵ᭞ᬲᬓ᭄ᬭᬳᬶᬂᬯᬶᬭᬲᬫᬶ᭞ᬲᬓᬶᬂᬓᬫᭀᬫᭀᬦᬦᬶ᭞ᬲᬂᬥᬹᬃᬬ᭄ᬬᭀᬥᬦᬧ᭄ᬭᬪᬸ᭞ᬢᬦ᭄ᬳᬸᬘᬧᭂᬦ᭄ᬕᭀᬨᬮᬵ᭞ᬮᬶᬬᬸᬫᬢᬶᬓᬩᬾᬭᬗᬶᬦ᭄᭞ᬦᬾᬳᬯᬸ
ᬓᬸᬤ᭄᭞ᬫᬗ᭄ᬓᬶᬦ᭄ᬭᬯᬸᬄᬭᬶᬂᬦᬕᬭ᭟ᬦᬸᬮᬶᬫᬢᬸᬃᬲᬳᬵᬲᭂᬫ᭄ᬩᬄ᭞ᬇᬗ᭄ᬕᬶᬄᬕᬸᬫᬶᬜ᭄ᬚᬬᬧᬢᬶ᭞ᬧᬗᬗᭀᬦ᭄ᬍᬫ᭄ᬩᬸᬦᬾᬫᬗ᭄ᬓᭀ᭞ᬢᭂᬮᬲ᭄ᬧᭂᬚᬄᬓᬩᬾᬭᬗᬶᬦ᭄᭞ᬤᬾᬦᬶᬂᬬᭀᬥᬓᬸᬭᬸᬧᬢᬶ᭞ᬓᬚ
ᬭᬄᬢᭂᬓᬦᬶᬂᬍᬫ᭄ᬩᬸ᭞ᬇᬘ᭄ᬘᬵᬘᭀᬓᭀᬃᬳᬶᬤᬾᬯᬵ᭞ᬦᭂᬮᬲᬂᬓᭀᬭᬯᬵᬲᬫᬶ᭞ᬳᬶᬯᬂᬳᬶᬧᬸᬦ᭄᭞ᬜᬭᬄᬍᬫ᭄ᬩᬸᬧᬶᬭᬂᬓᭀᬣ᭄ᬬᬵ᭟ᬤᬾᬦᬶᬂᬘᭀᬓᭀᬃᬳᬶᬤᬾᬯᬵ᭞ᬓᬧᬶᬳᬦ᭄ᬤᭂᬮ᭄ᬤᬾᬭᬫᬵᬚᬶ᭞ᬯᬶᬥᬕ᭄ᬥᬵ
[᭓᭐ 30A]
ᬦᬶᬂᬲᬃᬯ᭄ᬯᬵᬬᬸᬥᬵ᭞ᬉᬢ᭄ᬢᬫᬦᬶᬂᬕᬸᬡᬵᬍᬯᬶᬄ᭞ᬯ᭄ᬭᬸᬳᬶᬂᬰ᭄ᬯᬲᬶᬓ᭄ᬱᬲᬫᬶ᭞ᬦᭂᬮᬲᬂᬲᬓ᭄ᬯᬾᬳᬶᬂᬰᬢ᭄ᬭᬸ᭞ᬫᬗ᭄ᬓᬶᬦ᭄ᬲ᭄ᬯᬾᬘ᭄ᬘᬵᬳᬶᬤᬾᬯᬵ᭞ᬫᬦᭂᬮᬲᬂᬳᬶᬓᬵᬲᬫᬶ᭞ᬇᬓᬂᬰᬢ᭄ᬭᬸ᭞ᬯᬢᭂᬓᬶᬂᬓᭀᬭᬯᬵᬓᬸᬮᬵ᭟ᬓᬧᬶ
ᬲᭂᬋᬂᬳᬢᬸᬃᬢᬶᬢ᭄ᬬᬂ᭞ᬗᬢᬸᬭᬶᬦ᭄ᬳᬶᬭᬢᬸᬫᬗ᭄ᬓᬶᬦ᭄᭞ᬫᬗ᭄ᬓᬢ᭄ᬫᬭᬭᬶᬂᬧᬮᬸᬕᭀᬦ᭄᭞ᬪᬸᬫᬶᬜ᭄ᬚᬬᬵᬗᬦ᭄ᬤᬶᬓᬵᬭᬶᬲ᭄᭞ᬚᬢᬶᬩᬸᬓᬵᬫᬸᬜᬶᬦ᭄ᬘᬳᬶ᭞ᬳᬶᬭᬵᬫᬗᬲᭀᬭᬂᬰᬢ᭄ᬭᬸ᭞ᬢᬸᬯᬶᬦᬾᬲᬸᬩᬲᬸᬩᬵ᭞ᬤᬸᬓᬶᬂᬓ
ᬭᬶᬲᬗᬧᬢᬶᬄ᭞ᬲᬸᬢᬵᬲᬸᬦᬸ᭞ᬲᬂᬧᭂᬚᬄᬤᬾᬦᬶᬂᬕᬦᬃᬯ᭄ᬯ᭟ᬲᬦᬾᬚᬦᬶᬢ᭄ᬯᬭᬳᬤ᭞ᬓᬤᬶᬲᬂᬘᬘᬓᬧᬢᬶᬄ᭞ᬯᬶᬥᬕ᭄ᬥᬦᬶᬂᬳᬰ᭄ᬯᬲᬶᬓ᭄ᬱ᭞ᬗ᭄ᬭᬡᬬᬂᬳᭀᬲᭂᬓᬶᬂᬳᬢᬶ᭞ᬳᬶᬥᭂᬧ᭄ᬳᬶᬭᬦᬾᬚᬦᬶ᭞ᬬᬦ᭄ᬳᬤᬵ
ᬩᬸᬓᬦᬾᬫᬮᬸ᭞ᬯᬕᭂᬤᬶᬂᬳᬰ᭄ᬯᬲᬶᬓ᭄ᬱᬵ᭞ᬓᬤᬶᬲᬂᬘᬘᬓᬧᬢᬶᬄ᭞ᬲᬸᬓᬵᬳᬶᬗ᭄ᬲᬸᬦ᭄᭞ᬦᬗ᭄ᬓᭂᬧᬂᬬᬸᬥᬵᬩᬸᬮᬦᬦ᭄᭟ᬢᭀᬲᬶᬂᬳᬤᬚ᭄ᬭᬶᬳᬶᬦᬶᬭᬵ᭞ᬚᬯᬦᬶᬂᬲᬂᬧᬃᬣᬢᬸᬯᬶ᭞ᬓᬧᬶᬳᬲᭂᬫ᭄ᬲᬂᬲᬸ
Kaca:Bali-lontar-paparikan-wiratha-parwa-300ppi.pdf/30
Kaca puniki sampun kauji-wacén
