[᭒᭘ 28B]
᭒᭘
ᬧᭂᬧ᭄ᬭᬶᬂᬳᬮᬲ᭄ᬕᬸᬦᬸᬂ᭞ᬧᬡ᭄ᬥᬯᬵᬢᬦ᭄ᬚᬗ᭄ᬓᬬᬦ᭄᭞ᬫᬜᬭᬄᬪᬸᬱᬡᬲᬫᬶ᭞ᬲᭀᬘ᭄ᬙᬵᬫᬸᬭᬸᬩ᭄᭞ᬧᬓᬓᬲᬶᬂᬲ᭄ᬬᬦ᭄ᬤᬦ᭟ᬲᬸᬫᬡ᭄ᬥ᭄ᬬᬓᬬᬸᬦ᭄ᬳᬶᬤ᭞ᬲᬂᬘᬢᬸᬃᬧᬡ᭄ᬥᬯᬵᬲᬫᬶ᭞ᬓᬾᬯᭂᬳᬶᬤᬵ
ᬫᬗ᭄ᬭᬯᭀᬲ᭄᭞ᬫᬗ᭄ᬤᬾᬢᬦ᭄ᬓᬢᭂᬗᭂᬃᬢᬸᬯᬶ᭞ᬫᬕᭀᬩᬧᬡ᭄ᬥᬯᬵᬚᬢᬶ᭞ᬳᬕᭂᬮᬶᬤ᭄ᬳᬶᬤᬫᬗᭂᬫ᭄ᬩᬸᬲ᭄᭞ᬢᬮᬶᬦ᭄ᬲᬂᬢ᭄ᬭᬶᬕᬃᬢ᭄ᬢᬭᬵᬚ᭞ᬦᭀᬭᬦᬲᬓᬶᬢᬶᬗ᭄ᬳᬢᬶ᭞ᬕᭂᬮᬶᬲ᭄ᬫᬸᬡ᭄ᬥᬸᬃ᭞ᬲᬂᬲᬸᬲᬃᬫ᭄ᬫᬵ
ᬫᬲᬸᬲᬸᬧᬦ᭄᭟ᬦᬾᬫᬗ᭄ᬓᬶᬦ᭄ᬧ᭄ᬭᬪᬸᬯᬶᬭᬣᬵ᭞ᬓᬮᬶᬦ᭄ᬢᬂᬲᬸᬓᬦᬶᬗ᭄ᬳᬢᬶ᭞ᬓᬤᬶᬓᬢᬶᬩᬦᬦ᭄ᬫᬺᬢ᭄ᬢᬵ᭞ᬓᬳ᭄ᬬᬸᬦ᭄ᬳᬶᬤᬲᬦᬾᬫᬗ᭄ᬓᬶᬦ᭄᭞ᬳᬦᬸᬮᬶᬫᬢᬸᬃᬳᬭᬶᬲ᭄᭞ᬭᬶᬂᬳᬶᬤᬲᬂᬥᬃᬫ᭄ᬫᬲᬸᬦᬸ
᭞ᬳᬢᬸᬭᬾᬳᬗᬮᬧ᭄ᬓᬲᭀᬃ᭞ᬇᬗ᭄ᬕᬶᬄᬭᬢᬸᬧ᭄ᬭᬡ᭄ᬥᬍᬯᬶᬄ᭞ᬢᬶᬢ᭄ᬬᬂᬫᬢᬸᬃ᭞ᬫᬓᬵᬫᬶᬯᬄᬲᬂᬩᬮᬯᬵ᭟ᬫ᭄ᬯᬂᬕ᭄ᬭᬦ᭄ᬢᬶᬓᬵᬦ᭄ᬢᬶᬨᬮ᭞ᬮᬶᬦ᭄ᬢᬂᬰᬓ᭄ᬢᬶᬤᬾᬯᬵᬲᬫᬶ᭞ᬓ᭄ᬭᬡᬢᬶᬢ᭄ᬬᬂᬳᬸᬭᬶᬧ᭄ᬫ
[᭒᭙ 29A]
ᬗ᭄ᬓᭀ᭞ᬲᬓᬾᬂᬧ᭄ᬭᬪᬯᬦ᭄ᬢᬍᬯᬶᬄ᭞ᬫᬦᬄᬢᬶᬢ᭄ᬬᬗᬾᬫᬗ᭄ᬓᬶᬦ᭄᭞ᬧᬤᬡ᭄ᬥᬫᬜᭂᬦᭂᬂᬳᬕᬸᬂ᭞ᬓᬲᬸᬗ᭄ᬲᬸᬂᬭᬶᬂᬯᬶᬭᬣ᭞ᬢᭂᬓᬦᬶᬂᬳᬶᬲᬶᬦᬶᬂᬧᬸᬭᬶ᭞ᬓᬾᬢᭀᬭᬢᬸ᭞ᬓᬧᬶᬢᬸᬯᬶᬫᬦᬄᬢᬶᬢ᭄ᬬᬂ᭟ᬲᬂᬘ
ᬢᬸᬃᬧᬡ᭄ᬥᬯᬵᬗᬸᬘᬧ᭄᭞ᬇᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬮᬶᬦ᭄ᬢᬂᬲᭂᬩᭂᬢ᭄ᬫᬦᬄᬢᬶᬢ᭄ᬬᬂ᭞ᬤᬾᬦᬶᬂᬧᬗᬍᬫᬾᬍᬯᬶᬄ᭞ᬳᬯᬦᬦ᭄ᬳᬶᬤᬾᬯᬵᬉᬭᬶᬧ᭄᭞ᬲᬓᬶᬂᬉᬢ᭄ᬢᬫᬦ᭄ᬳᬶᬭᬢᬸ᭞ᬲᬫ᭄ᬧᬸᬦ᭄ᬫᬜ᭄ᬚᬗᬂᬭᬯᭀᬲ᭄᭞ᬧᬢᬸᬢ᭄ᬫ
ᬦᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᭂᬘᬶᬓ᭄ᬭᬢᬸ᭞ᬫᬧᭀᬢᬸᬲᬦ᭄ᬓᬯᬶᬭᬣᬵ᭟ᬫᬗ᭄ᬤᬾᬳᬶᬧᬸᬦ᭄ᬜᬭᬶᬢᬬᬂ᭞ᬳᭀᬮᬶᬄᬕᬯᬾᬲᬂᬪᬸᬧᬢᬶ᭞ᬲᬂᬧ᭄ᬭᬪᬸᬫᬶᬲᬶᬗ᭄ᬕᬶᬄᬫᬗ᭄ᬓᭀ᭞ᬭᬭᬶᬲ᭄ᬫᬗᬦ᭄ᬤᬶᬓᬕᭂᬮᬶᬲ᭄᭞ᬫᬧᭀᬢᬸᬲᬦ᭄ᬓᬦᬕ
ᬭᬶ᭞ᬢᬦ᭄ᬳᬸᬘᬧᭂᬦ᭄ᬫᬭᬶᬂᬳᭂᬦᬹ᭞ᬫᬳᬭᬵᬚᬯᬶᬭᬣ᭞ᬦᭀᬭᬲᬸᬭᬸᬤ᭄ᬲᬦᬾᬫᬗ᭄ᬓᬶᬦ᭄᭞ᬫᬗᬭᬸᬭᬸᬄ᭞ᬲᬂᬲᬸᬲᬃᬫ᭄ᬫᬵᬫᬭᬶᬂᬳᬮᬲ᭄᭟ᬢᬦ᭄ᬳᬸᬘᬧᬧ᭄ᬭᬪᬸᬯᬶᬭᬣ᭞ᬫᬗ᭄ᬭᬸᬭᬸᬄᬢ᭄ᬭᬶᬕᬃᬢ᭄ᬢᬧᬢᬶ᭞ᬳᬸᬘᬧᬲᬂᬥᬹᬃᬬ᭄ᬬᭀᬥ
Kaca:Bali-lontar-paparikan-wiratha-parwa-300ppi.pdf/29
Kaca puniki sampun kauji-wacén
