[᭑᭙ 19B]
᭑᭙
ᬫᬮᬶᬄᬢᬶᬕᬵᬯᭂᬮᬲ᭄ᬓᬸᬍᬫ᭄ᬲᬫᬬᬦ᭄ᬬ᭞ᬲᭀᬫᬄᬢᬶᬢ᭄ᬬᬗᬾᬧ᭄ᬭᬧ᭄ᬢᬶ᭞ᬲᬂᬧᬜ᭄ᬘᬕᬦᬃᬯ᭄ᬯ᭞ᬩᬶᬧ᭄ᬭᬬᬫᬦᬗ᭄ᬓᬶᬮ᭞ᬦᬯᬸᬃᬥᬦᬰ᭄ᬭᬪᬸᬧᬢᬶ᭞ᬧᬗᬸᬧᬓᬭᬵ᭞ᬭᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄
᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬤᬬᬧᬜ᭄ᬘᬕᬦᬵᬃᬯ᭄ᬯᬵ᭞ᬇᬭᬶᬓᬵᬢᬶᬢ᭄ᬬᬂᬫᬧᬫᬶᬢ᭄᭞ᬮᬶᬗ᭄ᬕᬶᬄᬧ᭄ᬭᬫᬾᬰ᭄ᬯᬭ᭞ᬫᬢᬶᬗ᭄ᬕᬮ᭄ᬲᬧᬭᬧᬭ᭞ᬲᬂᬲᬸᬥᬾᬱ᭄ᬡᬵᬲᬸᬓᬵᬗᬧᬶ᭞ᬭᬶᬳᬢᬸᬃᬳᬶᬭ᭞ᬫᬓᬲᬶᬦᭀᬫ
ᬦᬶᬗ᭄ᬳᬢᬶ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬢᬦ᭄ᬳᬸᬘᬧᬂᬲᬂᬲᬸᬥᬾᬱ᭄ᬡᬵᬲᬸᬓᬵᬫᬫᬶᬋᬗᬂᬲᬸᬮᬦ᭄ᬤ᭄ᬭᬶ᭞ᬲᬓ᭄ᬯᬾᬳᬶᬂᬩᬮᬲᬫᬶ᭞ᬧᬥᬲᬸᬓᬵᬳᬗᬧᬶ᭞ᬲᬂᬫᬦ᭄ᬢ᭄ᬭᬶᬘᬘᬓᬵᬳᬦ᭄ᬢᬸ᭞ᬤᬾᬦᬶᬂ
ᬧᬜ᭄ᬘᬕᬦᬵᬃᬯ᭄ᬯᬵ᭞ᬢᬦ᭄ᬫᬭᬶᬬᬵᬫᬜᬓᬶᬢᬶᬦ᭄᭞ᬲᬯᬯᭂᬗ᭄ᬓᬸ᭞ᬚᬕᬢᬾᬦᬾᬭᬶᬂᬯᬶᬭᬣ᭟ᬲᬦᬾᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬲᬂᬤᬹᬃᬬ᭄ᬬᬥᬦᬢᬦ᭄ᬫᬭᬶ᭞ᬫᬗ᭄ᬕᬯᬾᬉᬧᬬᬵᬫᬗ᭄ᬓᭀ᭞ᬲᬫ᭄ᬧᬸᬦ᭄ᬗᬸ
[᭒᭐ 20A]
ᬢᬸᬲ᭄ᬧᬭᬫᬦ᭄ᬢ᭄ᬭᬶ᭞ᬜᬸᬲᬸᬧ᭄ᬲᬕᬸᬫᬶᬕᬸᬫᬶ᭞ᬫᬲᬲᭂᬋᬧ᭄ᬫᬗᬭᬸᬭᬸᬄ᭞ᬕᭂᬦᬄᬧᬜ᭄ᬘᬧᬡ᭄ᬥᬯᬵ᭞ᬤᬾᬦᬶᬂᬮᬘᬸᬃᬢᬦ᭄ᬓᬧᬗ᭄ᬕᬶᬄ᭞ᬲᬸᬯᬾᬜᬸᬲᬸᬧ᭄᭞ᬲᬯᭂᬗ᭄ᬓᬦᬶᬂᬩ᭄ᬭᬢᬯᬃᬱ᭟ᬲᬧᬢᬸᬮ
ᬓ᭄ᬳᬶᬧᬸᬢᬸᬲᬦ᭄᭞ᬧᬋᬓ᭄ᬭᬶᬲᬂᬓᬸᬭᬸᬧᬢᬶ᭞ᬧᬚᬮᬦᬾᬲᬤ᭄ᬥᬕᭀᬗ᭄ᬲᭀᬃ᭞ᬲᬂᬥᬹᬃᬬ᭄ᬬᬥᬦᬦᬾᬫᬗ᭄ᬓᬶᬦ᭄᭞ᬓᬢᬗ᭄ᬓᬶᬮ᭄ᬤᬾᬦᬶᬂᬫᬦ᭄ᬢ᭄ᬭᬶ᭞ᬫ᭄ᬯᬂᬲᬦᬓᬶᬭᬲᬢᬸᬲ᭄᭞ᬫᬶᬦᬓᬤᬶᬢ᭄ᬭᬶᬕᬃᬣ᭞ᬲᬂᬓᬃᬡ᭄ᬦᬫᬶᬯᬄ
ᬰᬓᬸᬦᬶ᭞ᬪᬶᬱ᭄ᬫᬤᬶᬢᬸ᭞ᬰ᭄ᬯᬢ᭄ᬢᬫᬵᬫ᭄ᬯᬂᬥᬗ᭄ᬳ᭄ᬬᬂᬤ᭄ᬭᭀᬡ᭟ᬕᭂᬮᬶᬲ᭄ᬲᬸᬫᬸᬬᬸᬕ᭄ᬳᬶᬤᬸᬢ᭄ᬢ᭞ᬧᬋᬓ᭄ᬭᬶᬲᬂᬰ᭄ᬭᬷᬪᬸᬧᬢᬶ᭞ᬦᭂᬫ᭄ᬩᬄᬦᬸᬮᬶᬫᬢᬸᬃᬳᬮᭀᬦ᭄᭞ᬥᬸᬄᬲᬶᬗ᭄ᬕᬶᬄᬰ᭄ᬭᬶᬪᬸᬧᬢᬶ᭞ᬮᬶᬦ᭄ᬢᬂᬳᬦ᭄ᬢᬸᬓ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞
ᬫᬲᬸᬲᬸᬧᬦ᭄ᬳᬮᬲ᭄ᬕᬸᬦᬸᬂ᭞ᬫᬜᭂᬋᬧ᭄ᬧᬜ᭄ᬘᬧᬡ᭄ᬥᬯᬵ᭞ᬢᬦ᭄ᬫᬯ᭄ᬯᬢ᭄ᬫᬢ᭄ᬭᬓᬧᬗ᭄ᬕᬶᬄ᭞ᬩᬶᬮᬶᬳᬶᬧᬸᬦ᭄᭞ᬲᬫ᭄ᬧᬸᬦ᭄ᬫᬗᭂᬫᬲᬶᬦ᭄ᬧᭂᬚᬄ᭟ᬲᬕᬾᬢ᭄ᬢᬶᬢ᭄ᬬᬂᬫᬫᬶᬳᬃᬱ᭞ᬳᭀᬃᬢ᭄ᬢᬦᬾᬲᬫ᭄ᬧᬸᬦ᭄ᬲᬸᬚᬢᬶ᭞ᬢ᭄ᬭᬶᬕᬃ
Kaca:Bali-lontar-paparikan-wiratha-parwa-300ppi.pdf/20
Kaca puniki sampun kauji-wacén
