[᭒᭐ 20B]
᭒᭐
ᬢ᭄ᬢᬤᬾᬰᬦᬾᬓᬲᭀᬃ᭞ᬢᬸᬯᬶᬮᬦᬵᬓᬧᬭᬦᬶᬦ᭄᭞ᬤᬾᬦᬶᬂᬘᬘᬓᬵᬧᬢᬶᬄ᭞ᬳᬶᬧᬾᬦ᭄ᬲᬂᬯᬶᬭᬣᬵᬧ᭄ᬭᬪᬸ᭞ᬭᬓᬦ᭄ᬤᬾᬯᬶᬲᬸᬥᬾᬱ᭄ᬡᬵ᭞ᬰᬓ᭄ᬢᬶᬓᬺᬂᬢᬦ᭄ᬧᬢᬦ᭄ᬫᬢᬦ᭄ᬤᬶᬂ᭞ᬢᬸᬯᬶᬓᬲᬸᬩ᭄᭞
ᬤᬸᬥᬶᬭᬦᬾᬭᬶᬂᬚᬕᬢ᭄᭟ᬢᬸᬯᬶᬳᬶᬧᬸᬦ᭄ᬫᬗ᭄ᬭᬦᬬᬂ᭞ᬲᬓᬶᬢ᭄ᬭᬶᬕᬃᬢ᭄ᬢᬦᬾᬲᬫᬶ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧᭂᬚᬄᬋᬓᭀ᭞ᬤᬾᬦᬶᬂᬲᬂᬕᬦᬵᬃᬯ᭄ᬯᬧᬢᬶ᭞ᬲᭂᬥᭂᬓ᭄ᬭᬶᬓᬵᬮᬭᬢ᭄ᬭᬶ᭞ᬢᭂᬮᬲ᭄ᬲᬯᬃᬕ᭄ᬕᬦᬶᬧᬸᬦ᭄᭞ᬲᬦ
ᬓ᭄ᬧᬸᬢᬸᬫ᭄ᬯᬂᬓᬥᬂ᭞ᬫᬗ᭄ᬓᬶᬦ᭄ᬲᬂᬢ᭄ᬭᬶᬕᬃᬢ᭄ᬢᬪᬸᬫᬶ᭞ᬲᬸᬓᬵᬢᬸᬳᬸ᭞ᬦᬶᬗᭂᬳᬂᬘᬘᬓᬧᭂᬚᬄ᭟ᬬᬦ᭄ᬓᬧᬢᬸᬢ᭄ᬳᬢᬸᬃᬢᬶᬢ᭄ᬬᬂ᭞ᬕᭂᬮᬶᬲᬂᬭᬢᬸᬦᬾᬫᬗ᭄ᬓᬶᬦ᭄᭞ᬫᬧᭀᬢᬸᬲᬦ᭄ᬓᬯᬶᬭᬣ᭞ᬜᭂᬍᬳᬢᬹᬃᬢᬶᬢ᭄ᬬᬂᬢᬸ
ᬯᬶ᭞ᬧᭂᬚᬄᬘᬘᬓᬧᬢᬶᬄ᭞ᬲᬂᬧ᭄ᬭᬪᬸᬓᭂᬜᭂᬫ᭄ᬫᬗ᭄ᬭᬸᬗᬸ᭞ᬳᬾᬕᬃᬳᬶᬤᬫᬗᬦ᭄ᬤᬶᬓᬵ᭞ᬭᬶᬂᬳᬶᬤᬲᬂᬯᬗ᭄ᬕᬧᬢᬶ᭞ᬩᭂᬮᬶᬳᬕᬸᬂ᭞ᬧᬶᬦᭂᬄᬳᬢᬹᬃᬳᬶᬧᬸᬢᬸᬲᬦ᭄᭟ᬲᬂᬓᬃᬡ᭄ᬦᬫᬢᬸᬃᬩᬦ᭄ᬩᬦ᭄᭞ᬇᬗ᭄ᬕᬶᬄᬭᬢᬸ
[᭒᭑ 21A]
ᬲᬂᬪᬸᬧᬢᬶ᭞ᬧᬢᬸᬢ᭄ᬫᬦᬄᬢᬶᬢ᭄ᬬᬂᬫᬗ᭄ᬓᭀ᭞ᬩᭂᬘᬶᬓ᭄ᬤᬾᬯᬵᬫᬗᬮᬶᬳᬶᬦ᭄᭞ᬫᬧᭀᬢᬸᬲᬵᬦ᭄ᬗᬯᬯᬦᬶᬦ᭄᭞ᬫᬜᭂᬋᬧ᭄ᬲᬂᬲᬸᬢᬧᬡ᭄ᬥᬸ᭞ᬫᬗ᭄ᬤᬾᬳᬸᬕᬶᬓᬢᬢᬲ᭄᭞ᬕᭂᬦᬄᬲᬂᬧᬡ᭄ᬥᬯᬵᬲᬫᬶ᭞ᬓᬾ
ᬢᭀᬳᬢᬸᬃ᭞ᬲᬗᬯᬗ᭄ᬕᬵᬲᬳᬲᭂᬫ᭄ᬩᬄ᭟ᬤᬸᬰ᭄ᬰᬵᬲᬦᬲᬯᬸᬃᬲᭂᬫ᭄ᬩᬄ᭞ᬩᭂᬮᬶᬳᬕᬸᬂᬲᬂᬪᬸᬧᬢᬶ᭞ᬳᬶᬓᬶᬢᬶᬢ᭄ᬬᬂᬫᬢᬹᬃᬲᭀᬲᭀᬓ᭄᭞ᬓᭀᬮᬸᬕ᭄ᬲᬂᬗᬯᬗ᭄ᬕᬧᬢᬶ᭞ᬫᬓᭀᬦ᭄ᬩᭂᬮᬶᬫᬶᬸᬗᬫᬮᬶᬳᬶᬦ᭄᭞
ᬜᭂᬍᬳᬶᬦ᭄ᬲᬂᬧᬡ᭄ᬥᬸᬲᬸᬦᬸ᭞ᬦᬶᬃᬕᬯᬾᬫᬦᬄᬢᬶᬢ᭄ᬬᬂ᭞ᬬᬦ᭄ᬩᭂᬮᬶᬫᬮᬶᬄᬗᬯᬶᬢᬶᬦ᭄᭞ᬫᬗᬭᬸᬭᬸᬄ᭞ᬕᭂᬦᬄᬲᬂᬧᬜ᭄ᬘᬧᬡ᭄ᬥᬯᬵ᭟ᬓᬧᬶᬳᬦ᭄ᬤᭂᬮ᭄ᬫᬦᬄᬢᬶᬢ᭄ᬬᬂ᭞ᬫᬃᬡ᭄ᬦᬵᬲᬂᬧᬡ᭄ᬥᬯᬵᬲᬫᬶ᭞ᬧᬶᬦᬗᬦᬶᬂᬲᬃᬪ
ᬲᬢᭀ᭞ᬩᬶᬮᬶᬄᬓᬲᬶᬍᬫᬶᬂᬳᬩ᭄ᬥᬶ᭞ᬤᭀᬳᬶᬧᬸᬦ᭄ᬓᬭᬶᬳᬸᬭᬶᬧ᭄᭞ᬤᬾᬦᬶᬂᬳᬶᬧᬸᬦ᭄ᬩᭂᬮᭀᬕ᭄ᬧᭂᬗ᭄ᬓᬸᬂ᭞ᬥᬗ᭄ᬳ᭄ᬬᬂᬤ᭄ᬭᭀᬡᬳᬗᬸᬘᬧ᭄᭞ᬇᬗ᭄ᬕᬶᬄᬤᬾᬯᬓᬸᬭᬸᬧᬢᬶ᭞ᬩᬲ᭄ᬓᬮᬜ᭄ᬚᬸᬃ᭞ᬳᬢᬹᬭᬾᬲᬂᬤᬸᬰ᭄ᬰᬵᬲ
Kaca:Bali-lontar-paparikan-wiratha-parwa-300ppi.pdf/21
Kaca puniki sampun kauji-wacén
